Números 22:41 - Biblia Enxet

⁴¹ Keñe axta mók ekhem, apyentegkek axta Balac ma'a Balaam, apkenátchessekmo m'a egkexe Bamot-baal, negwetayókxa axta ólmexhok ma'a neyáwa apkelpakxeneykegkaxa axta m'a israelitas.

Números 22:41 ပူးပေါင်းရင်းမြစ်များ

2 Crónicas 11:15

Apkelyéseykha axta han Jeroboam yaqwayam etnahagkok apkelmaxnéssesso aqsok kéláyókxa m'a kélpeykessamókxa nak, tén han kélpeykessamókxa m'a kelyekhama', keñe han ma'a weyke étkók kéleykmássesso apkeltémo axta kóllanaksek.

Jeremías 19:5

Apkeláneykegkek han apkelwatnamakxa aqsok, yaqwayam elwatnések chá'a apketchek ma'a Baal, maltémo axta chá'a ko'o etnahagkok, tén han maltennassama axta chá'a, megkaxeyenma agko' axta chá'a ko'o ewáxok etnahagkok.

Jeremías 48:35

Aptáhak Wesse' egegkok se'e: “Amasséssók sa' ko'o énxet'ák Moab apkelchenátweykekxa nak chá'a néten egkexe, kélpeykessamókxa nak chá'a aqsok kéláyókxa, yaqwayam elmések aqsok apnaqtósso apkelnapma m'a aqsok apkeláyókxa nak tén han elmések ma'a aqsok ánek ekmátsa nak ekpaqneyam éten agkok.”

Números 21:28

Hesbón keñamak ekteyapma táxa eyáléwe, Sihón tegma apwányam apagkok nak, ekmassessekmo nak ma'a Ar, yókxexma nak Moab, tén han ma'a apheykha nak egkexe Arnón.

Números 22:40

apkeltamhókxa axta kólnápok weyke, tén han nepkések ma'a Balac, kélsákxéssek axta m'a Balaam, yetlo m'a apkelámha apmonye'e ektáha axta apkelyetlo.

Números 23:1

Tén axta Balaam aptáha apcháneya s'e: —Yána sa' ko'o héllanaksek siete élwatnamáxchexa aqsok se'e, henaqlantagkas sa' nahan siete weyke étkók kelennay'a, tén han siete nepkések apkelennay'a.

Números 23:13

Aptáhak axta makham Balac apcháneya s'e: —Hétlógma sa', ólmahagkok mók nekha, yaqwánxa sa' étak wánxa nápakha m'a apkelpakxeneykegkaxa nak énxet'ák, háwe m'a apyókxoho nak. Ey'aksek sa' aqsa appeywa makhawo yának kaltemégwomhok exma ekmaso.

Deuteronomio 12:2

“Kólmasséssem sa' ekyókxoho apheykegkaxa nak chá'a elpeykeshok aqsok apcháyókxa énxet ma'a xapop yaqwánxa sa' chá'a kólmok: cham'a ekhéyak nak néten egkexe tén han ma'a egkexe náxap'awo nak tén han ma'a ekhéyak nak kóneg yenta'a élyentaxno pessesse agkok.