Números 22:34 - Biblia Enxet

³⁴ Aptáhak axta Balaam apchátegmowágkokxo Wesse' egegkok apchásenneykha s'e: —Élanak ko'o may'assáxma, hakte may'ásegkok ko'o exchep apkenmeyncha'a m'a, seyáhakkassásekxo ámay ahagkok. Sa' agkok kalchak xép apwáxok axog, ataqhohok sa' aqsa.

Números 22:34 ပူးပေါင်းရင်းမြစ်များ

2 Samuel 12:13

Keñe axta David aptáha apcháneya Natán: —Éláneyak ko'o may'assáxma nápaqtók Wesse' egegkok. Keñe axta Natán aptáha apchátegmowágko: —Meñássesagkók sa' eyke exchep Wesse' egegkok aptémakxa mey'assáxma, megyetsepek sa' han.

1 Crónicas 21:7

Axta han kalchak apwáxok Dios xa ekyókxoho nak, keñe apkellegassásegkoho m'a énxet'ák Israel.

Salmos 78:34

Wánxa aqsa han chá'a elchetmok Dios ma'a apkelnapa enxoho chá'a nápakha, elyo'ókxak axta chá'a; elmaxneyagkok axta chá'a meyke apkelyeytekkesseyam;

Éxodo 9:27

Keñe axta faraón apkeltamho kólyentawakxések ma'a Moisés tén han Aarón. Aptáhak axta apkeláneya s'e: —Ekya'ásegwokmek kaxwók eyesagko sektémakxa. Ko'o keñamak sektémakxa tén han ma'a énxet'ák ahagkok nak, háwe eñama m'a Wesse' kélagkok.

Proverbios 24:18

hakte megkalchehek apwáxok Wesse' egegkok apwet'a enxoho aptáha xa, elwátessók han apmáheyo etaqnók ma'a apkenmexma nak.

Números 11:1

Xama ekhem axta apkelpaqméteyha ekmaso israelitas apkenmexeyncha'a m'a Wesse' egegkok, eñama m'a ektémakxa axta chá'a apkelwete ekmaso apheykha. Aplókók apagko' axta nahan Wesse' egegkok apleg'a xa, tén axta apcha'a táxa, cháléwáha axta m'a neyáwa' nak apkelpakxeneykegkaxa.

Números 14:40

Keñe axta mók ekhem, apnaqxétekhágkek axta axto'ók agko', apkelchenátweykxeyk axta m'a ektáhakxa nak netnók agko' ma'a yókxexma ekxámokmakxa nak meteymog élekhahéyak. Aptáhak axta apkelpaqmeta s'e: —¡Nélwa'ak kaxwók se'e! Ólmeyekxak ma'a yókxexma sẽltennassamakxa axta Wesse' egegkok, naqsók negko'o nenláneykegko mólya'assáxma.

Números 22:12

Tén axta Dios aptáha apcháneya Balaam se'e: —Ná elyetlakxa aqsa, nágyána han kaltemegwomhóxma m'a énxet'ák nak, hakte cham'a énxet'ák nak, ko'o sekmésso ektaqmalma apheykha.

Números 22:33

Ét'ak xeyk ko'o m'a yámelyeheykok, ántánxo sétnakhasso nahan táhak. Kaxtemék xeyk mehétnakhasso, waqhek xeyk ko'o exchep, keñe exchek magwaqhek ma'a.

1 Samuel 15:24

Keñe axta Saúl aptáha apcháneya Samuel: —Naqso', éláneyak ko'o may'assáxma, hakte malaneyk ma'a apkeltamhókxa nak atnehek Wesse' egegkok, tén han ma'a apkeltémókxa axta exchep atnehek, hakte eyáyak axta énxet'ák, ekháxenmok axta chá'a m'a aptémakxa axta chá'a seyenagkama.

1 Samuel 15:30

—Éláneyak ko'o may'assáxma —axta aptáhak makham Saúl—. Éltamhók eyke elenxanmagkohok setnéssesso kélteméssessamakxa nak chá'a wesse' apwányam, nápaqta'awók ma'a apkelámha apmonye'e nak Israel, tén han ma'a apyókxoho énxet'ák nak. Hétlakxa sa' yaqwayam ólpeykeshok Dios Wesse' apagkok.

1 Samuel 24:17

aptáhak axta apcháneya: —Payhawók xép aptáhakxa, tásek chá'a exchep setnéssessamakxa', keñe ko'o asagkek chá'a sekteméssessamakxa'.

1 Samuel 26:21

Keñe axta Saúl aptáha s'e: —¡David, épháyem, ekya'ásegwokmek ko'o séláneya may'assáxma! ¡Máxa seyeyháxma ektemék, awanhók agko' magwaqhémo! Hey'óta sa' makham, matnéssessamók sa' eyke exma ekmaso kaxwo', hakte meheyaqhak ko'o exchep se'e sakhem nak.