Números 22:23 - Biblia Enxet

²³ Xama axta ekwet'a yámelyeheykok Wesse' egegkok apchásenneykha apkenmeyncha'a m'a neyseksa ámay, yetlo sókwenaqte apmeykha, yetnakhágwokmek axta ámay ekmahágko yókxexma; apkelyekpexchetáha axta Balaam peya ey'ásekxak makham ma'a ámay.

Números 22:23 ပူးပေါင်းရင်းမြစ်များ

2 Reyes 6:17

Keñe axta Eliseo apkelmaxneya Wesse' egegkok aptáha s'e: “Wesse' egegkok, éltamhók ko'o exekmósek xeyep yaqwayam étak se'e.” Yetlókok axta han apxekmósso Wesse' egegkok ma'a Eliseo apkeláneykha, apwet'ak axta apsawhékxoho yátnáxeg apkelchánte m'a egkexe nak, keñe han yátnáxeg apkelyenyawasso éláléweykha táxa nepyáwa m'a Eliseo.

1 Crónicas 21:16

Apkenmexawók axta David, keñe apwet'a Wesse' egegkok apchásenneykha apkenmáncha'a m'a ekpayho nak néten tén han se'e náxop nak, yetlo apmeykha m'a sókwenaqte meyke axagkok, axta appékásawok ma'a Jerusalén. Keñe axta David tén han ma'a apkelámha apmonye'e nak apkelántaxneykxo m'a apáwa sẽlwáxaqxamól'a, apkelháxahágkek axta ekwokmoho apkeltekxeya nápaqta'a xapop,

Jeremías 8:7

Weykmók seyána' ekya'áseykegkoho ekhem yaqwánxa keyxyók makham. Apya'ásegkók nahan ekhem yaqwánxa emyekxak chá'a mók nekha m'a sapop, tén han yeptameygmen, tén han ma'a yáho. Keñe kéxegke énxet'ák ahagkok, megkólya'ásegkok ma'a segánamakxa ahagkok.

Daniel 10:7

“Exakkók axta aqsa ko'o sekwet'a xa aqsok sélxekmósso nak, keñe melwet'a m'a énxet'ák sélxegexma'a axta, hakte apkelakak axta, apkenyahágkek axta apkelyexanma.

Números 22:22

Yámelyeheykok axta apchántak apxega m'a Balaam, apkelyetlókek axta han apqánet apkelásenneykha. Aptaqnókek axta eyke Dios ma'a, hakte ñókxa apxega axta. Apkenegwokmek axta apmonye' neyseksa ámay xama Wesse' egegkok apchásenneykha, yaqwayam enxoho megyohók eyeykha'.

Números 22:24

Tén axta Wesse' egegkok apchásenneykha apkenegwokmo m'a megkayókxa nak exma ámay, ámay ektaxnama axta neyseksa m'a émhakxa nak anmen yámet, meteymog axta nahan kélhaxta m'a ánet nekhaw'ék nak.

Josué 5:13

Xama ekhem axta Josué apwokmo m'a ketók Jericó. Apwet'ak axta apkenmeyncha'a xama énxet ma'a apmonye', yetlo sókwenaqte apmeykha. Apyepetchegwokmók axta Josué keñe apkelmaxneyáncha'a: —¿Néleñémeyo xamóya exchep, nénmexma enxeykel'a?