Números 21:33 - Biblia Enxet

³³ Tén axta apkelchexyekmo makham apkelpéwo m'a ámay ekmahéyak nak Basán, apkelanyexchek axta eyke m'a Og, wesse' apwányam nak Basán, yetlo apyókxoho sẽlpextétamo apagkok, peya yempakhak ma'a yókxexma nak Edrei.

Números 21:33 ပူးပေါင်းရင်းမြစ်များ

Salmos 135:11

cham'a Sihón, wesse' apwányam apagkok axta amorreo, tén han Og, wesse' apwányam axta Basán, tén han ma'a apyókxoho kelwesse'e apkelwányam axta m'a Canaán;

Salmos 136:20

tén han Og, wesse' apwányam axta m'a Basán, hakte megkamassegwomek chá'a segásekhayo.

Salmos 22:12

Máxa weyke kelennay'awók aptamheykegkok sewakhaya m'a sélenmexma, ektéma nak weyke kelennay'awók éllo m'a Basán;

Salmos 68:15

¡Netna'awók agko' neykel'a egkex'a nak Basán, netna'awók agko' neykel'a m'a naw'ék nak!

Salmos 68:22

Aptáhak Wesse' egegkok se'e: “Anaqlósawakxak sa' ko'o makham kélenmexma apkeleñama m'a Basán nak; anaqlósawakxak sa' makham apkeleñama m'a wátsam ekwányam ekmattawóneg nak,

Isaías 33:9

Kesagkék ma'a xapop yaqhapchek nahan exma, kelyameygkek aqsok naxma m'a Líbano, kelyetcheyk áwa' yenta'a, yókxexma ekyamayéxma tamhákxak ma'a ekyapwátegweykenxa nak xapop Sarón, meyke xama aqsok entamhákxak ma'a yókxexma Basán tén han ma'a egkexe Carmelo.

Ezequiel 27:6

keñe yámet kélmeykha nak chá'a kólxegkesek apkelánéssama m'a yámet robles éleñama nak ma'a Basán; keñe axta apkelánéssama apwáxok ma'a yámet ciprés, éleñama axta kélseykenta m'a neyáwa yókxexma Chipre yetlo kélpáxaqteyáseyak chá'a ektáxama m'a aqsok ekmope élánamáxche nak yánnapóxeg apma'ák.

Ezequiel 39:18

katawagkok sa' ma'a sẽlpextétamo aphápetek, keynagkok sa' nahan ma'a kelwesse'e apkeltaqmelchesso nak chá'a apkelókxa éma apagkok, máxa sa' katnéssesek ma'a ektémól'a nepkések apkelennay'a, tén han apketkók la'a, tén han ma'a yát'ay apketkók la'a essenhan ma'a weyke étkók kélennay'a eknaqmelel'a m'a yókxexma Basán.

Amós 4:1

Kóleyxho sa' se'e kelán'ák nak Samaria, kélhémo nak weyke eknaqmele Basán, kélyentaxnéssesso nak chá'a apheykha m'a meyke nak aqsok apagkok, kélnaqtawáseykegkoho nak chá'a m'a apkelmopyóseka nak, kéltémo nak chá'a elsantagkasek anmen yámet égmenek ma'a kélnaqteyegka'a, yaqwayam kólyenagkok.

Números 32:33

Cháxa ektáhakxa axta apkelmésa Moisés Gad énxet'ák apagkok tén han Rubén, tén han nápakha nak Manasés énxet'ák apagkok ma'a Sihón axta xapop apagkok, wesse' apwányam apagkok axta m'a amorreos, tén han ma'a Og, wesse' apwányam axta m'a Basán, yetlo m'a tegma apkelyawe ektáha axta apagkok, tén han ma'a yókxexma ekhéyak axta m'a nepyáwa.

Deuteronomio 2:30

“Axta eyke yahayók negko'o ólyeykhak xapop apagkok ma'a wesse' apwányam Sihón, hakte Dios Wesse' kélagkok nak kéxegke axta apkeltémo melyahakxeyk ma'a énxet'ák nak, yaqwayam enxoho yának kólmok kéxegke m'a, ekhawo nak makham ektémakxa s'e kaxwo' nak.

Deuteronomio 29:7

“Xama axta nélwaya s'e yókxexma nak, egketámeykmek axta sẽmpakhaya m'a Sihón, wesse' apwányam axta m'a Hesbón, tén han ma'a Og, wesse' apwányam axta m'a Basán, negmenxenmeyk axta eyke,

Deuteronomio 32:14

tén axta weyke apnaqtósso eñama chá'a m'a weyke nagkeygmenek tén han ma'a weyke nagkeygmenek ekyennaqte nak, apteykegkek axta nahan ma'a nepkések apketkók aptepexmok nak, tén han ma'a nepkések apkelennay'a apkeleñama nak ma'a Basán tén han ma'a yát'ay apketkók apkelennay'a nak; apteykegkek axta nahan ma'a hótáhap apaktek apkeltaqmalma apagko' nak, apyeneykegkek axta nahan ma'a vino, cham'a anmen yámet ekyexna égmenek ekyexwásamo nak.

Deuteronomio 4:47

Apyementamomchek axta xapop apagkok ma'a israelitas tén han ma'a wesse' apwányam Og aphama axta m'a Basán, apqánet kelwesse'e apkelwányam apagkok axta m'a amorreos apheykencha'a axta m'a teyapmakxa ekhem nak neyp wátsam Jordán.

Josué 12:4

Tén han ma'a Og, wesse' apwányam axta m'a Basán, apteme axta wánxa xama apkeymomap apkeñama m'a nepyeseksa nak refaítas, aphama axta Astarot tén han ma'a Edrei.

Josué 13:12

weykekxók han ma'a aptémakxa axta wesse' m'a Og, wesse' apwányam nak Basán, apkeláneykencha'a axta m'a apchókxa Astarot tén han ma'a Edrei, apteme axta wánxa xama apkeymomap refaítas, apmenxenma axta m'a Moisés tén han apkelántekkessama apheykegkaxa'.

Josué 13:30

Apkelxawágkek axta ekyókxoho m'a ektáha axta apagkok ma'a Og, wesse' apwányam axta m'a Basán, cham'a ekyókxoho nak Basán eyeynókxa m'a yókxexma Mahanaim, yetlo m'a sesenta apheykegkaxa ektáha axta apagkok ma'a Jaír,

Josué 9:10

keñe han apteméssessamakxa axta m'a apqánet apkelwesse'e apagkok axta m'a amorreos neyp nak wátsam Jordán, cham'a Sihón, apkeñama axta yókxexma Hesbón, tén han Og, apkeñama axta yókxexma Basán, apheykencha'a axta m'a yókxexma nak Astarot.