Números 21:30 - Biblia Enxet

³⁰ Kélmasséssekmek ma'a tegma apwányam Hesbón ekweykekxoho m'a Dibón, apmopso aptáhak ma'a Nófat, wokmók táxa m'a Medebá.”

Números 21:30 ပူးပေါင်းရင်းမြစ်များ

Génesis 49:23

Etaqnók chá'a m'a apkelmeykha nak yágke, elyátak chá'a m'a yágke, elya'aksek chá'a exma;

2 Samuel 11:24

Keñe axta m'a apkelmeykha nak yágke, sẽlyát'a m'a apchaqnágkaxa axta néten tegma kélhaxtegkesso, negko'o nentáha nak sẽlpextétamo apagkok xép, wesse', keñe aptekyawa nápakha m'a sẽlpextétamo apkelwesse'e apagkok nak. Urías axta han ma'a, apteme axta hitita.

1 Crónicas 19:7

keñe axta apkelma treinta y dos mil yátnáxeg apyenyawasso apkenchesso nak kempakhakma, yetlo m'a wesse' apwányam nak yókxexma Maacá yetlo sẽlpextétamo apagkok. Apkelwokmek axta xa énxet'ák nak, keñe apkelpakxenwokmo m'a ekpayho nak Medebá. Apkelántekkek axta han tegma apkelyawe apagkok ma'a amonitas, apchaqnákxeyk yaqwayam yempakha'.

Salmos 18:14

Máxa yágke aktek axta aptemék apkelnextegkessama apkelyenma, apkexpánchessegkek axta sélenmexma.

Isaías 15:2

Apkelmeyákxeyk axta énxet'ák Dibón peya ellekxagwaha m'a tegma kélpeykessamókxa axta chá'a mók ektémakxa aqsok kéláyókxa m'a néten egkexe nak. Kellapwámegkek axta énxet'ák Moab kélmasséssekmo m'a tegma apwányam Nebo tén han ma'a Medebá. Apkelmópesawók axta chá'a apkelyese apyókxoho, apkelyéseságkek axta nahan chá'a áwa' apatña'ák.

Isaías 15:9

Sawheykekxók eykhe éma m'a yegmen nak Dimón, wáphaksek sa' eyke aqsa ko'o m'a aqsok élmasagcha'a agko' nak; yámakméwa sa' chá'a katwok ma'a apkelmallane nak kañe' Moab, meletsapma nak makham ma'a apkelókxa.

Jeremías 48:18

“Kéxegke kélheykha nak tegma apwányam Dibón, kólántép néten kéltaháno éltaqmalma kélhamakxa nak, kólhakha náxop ekyamakakxa nak xóp, hakte apkelxegakmek apya'awa kéxegke m'a apkelnapma axta énxet'ák Moab, emassesséssók sa' ma'a tegma apyennaqte kélagkok nak.

Jeremías 48:22

Dibón, Nebo, Bet-diblataim,

Números 21:31

Apmeyk axta énxet'ák Israel ma'a amorreos xapop apagkok.

Números 32:3

Tásek pa'at yaqwayam katawagkok aqsok kélnaqtósso m'a yókxexma nak Atarot, Dibón, Jazer, Nimrá, Hesbón, Elalé, Sebam, Nebo, tén han ma'a Beón, wesse' egegkok axta apma yaqwayam etnehek apagkok ma'a énxet'ák Israel, tén han ekyetna nak negko'óxa, nentáha nak xép apkeláneykha, cham'a nennaqtósso nak.

Números 32:34

Apnaqxétekhásegkokxeyk axta makham Gad énxet'ák apagkok ma'a tegma apkelyawe nak Dibón, Atarot, Aroer,

Josué 13:17

ekweykekxoho m'a Hesbón keñe han ma'a apyókxoho tegma apkelyawe apheykegko nak ma'a néten xapop ekpayhéyak: cham'a Dibón, Bamot-baal, Bet-baal-meón,

Josué 13:9

Axta kelpeheweykmok apkelxawéyak apheykegkaxa m'a ekmahéyak nak eyeynókxa m'a yókxexma Aroer, neyáwa nak wátsam Arnón, keñe han ma'a tegma apwányam apyetnama nak neyseksa m'a ekyapwátegweykenxa xapop, kenhan ma'a ekyókxoho egkexe ekpayhéyak nak ma'a yókxexma Medebá, ekweykekxoho m'a yókxexma Dibón,