Números 2:17 - Biblia Enxet

¹⁷ “Keñe sa' levitas elxog nepyeseksa m'a hawók nápakha apkelpakxenéyak nak, eswok ma'a kélpakxanma apchaqneykekxexa nak chá'a énxet'ák. Eleywekxak sa' elxog ma'a hawók nápakha apkelpakxenéyak nak, cham'a ektáhakxa axta chá'a apkelpakxenéyak, apkemhakxa nak chá'a m'a bandera apagkok.

Números 2:17 ပူးပေါင်းရင်းမြစ်များ

Números 10:17

Tén axta kélleya m'a kélpakxanma appagkanamap, apkelxegkek axta nahan ma'a Guersón aptawán'ák neptámen nak tén han ma'a Merarí, apteme axta chá'a apkelánémap elsók.

Números 10:21

Yetlókok axta nahan apkelxega m'a Quehat aptawán'ák neptámen, apkelso axta chá'a m'a aqsok kélmeykegkaxa élpagkanamaxche nak. Xama axta apkelwokmo m'a, apkelwetágwokmek axta appenchásekpo m'a kélpakxanma appagkanamap.

Números 2:1

Apkelpaqhetchessek axta Wesse' egegkok Moisés tén han Aarón, aptáhak axta apkeláneya s'e:

Números 2:18

“Taxnegwánxa ekhem sa' elpakxenagkok ma'a Efraín nak sẽlpextétamo apagkok, apkemhakxa nak bandera apagkok. Elisamá akke apkemha apmonye' apagkok ma'a Efraín énxet'ák nak sẽlpextétamo apagkok, cham'a apketche nak Amihud,

Números 3:38

Keñe axta m'a ekpayho nak teyapmakxa ekhem, ekpayho nak ma'a tegma appagkanamap, apmonye' nak ma'a kélpakxanma apchaqneykekxexa nak chá'a énxet'ák, appakxenma m'a Moisés tén han Aarón, ekweykekxoho m'a apketchek nak Aarón, aptaqmelchessessama axta tegma appagkanamap apagkok ma'a israelitas. Yetneyk axta agkok chá'a apkelane aptamheykha ektémakxa nak chá'a apkeltamheykha m'a apkelmaxnéssesso Dios énxet'ák apagkok metnahakxoho, yáneykpok axta chá'a ematñekxa'.