Números 19:20 - Biblia Enxet

²⁰ Yetneyk sa' agkok xama énxet ekmanyása apyempehek, megyaxñáseykekxa apyempehek, ematñekxak sa' nepyeseksa m'a énxet'ák apagkok, hakte apkenyetséssek ma'a Wesse' egegkok tegma appagkanamap apagkok. Ekmanyása apyempehek aqsa chá'a aptemék, hakte megkólexpaqheykha m'a yegmen segáxñassáseykekxoho nak egyempehek.

Números 19:20 ပူးပေါင်းရင်းမြစ်များ

Génesis 17:14

Kóltekkesek sa' eyke chá'a kélnepyeseksa kéxegke m'a megkólyenyekhássesso nak chá'a apyempehek, eñama melyaheykekxa m'a ekhémo mók nélpaqhetchásamáxkoho ahagkok.

Éxodo 30:33

Apkelanak sa' agkok xama énxet ekhémo xa pexmok égmenek nak, essenhan apkexpaqha'a enxoho aqsa m'a énxet metnaha nak yaqwayam kólteméssesek appagkanamap, kóltekkesek sa' nepyeseksa m'a énxet'ák apagkok.’”

Levítico 15:31

Cháxa peya sa' kólyetnakhássesek kéxegke ekmanyása apyempe'ék ma'a israelitas, yaqwayam enxoho meletsepek eñama apkelpeysegkesso m'a sekhamakxa nak chá'a ko'o nepyeseksa.”

Levítico 17:16

Sa' agkok elyenyeyásak apkelnaqta, tén han meyaqpasa enxoho yegmen, kaphewakxak sa' apkelane mey'assáxma.”

Levítico 22:4

“Méko sa' xama enxoho Aarón aptawán'ák neptámen etwok ma'a aqsok élpagkanamaxche', ekteme nak negmasse ektepelchamaxche egyempehek, essenhan ma'a eksekkeneykha nak apyegmenek, ekwokmoho kéláxñassásekxoho apyempehek. “Énxet appaknegweykmoho enxoho aqsok ekmanyása, cham'a kélhápak, essenhan ma'a eksekkeneykha nak apyegmenek,

Números 15:30

“Apkelanak sa' agkok mey'assáxma xama énxet apmáheyo apagko' nak elána', cham'a israelitas, essenhan ma'a apkeñama nak mók apkelókxa, sewanyeyncha'a enxoho ko'o. Ematñekxak sa' nepyeseksa énxet'ák apagkok xa énxet nak,

Números 19:13

Appaknegwokmók agkok xama énxet kélhápak, keñe memópesákxo enxoho apyempehek, yenyetseksek sa' ma'a Wesse' egegkok kélpakxanma appagkanamap apagkok, kólmasséssók sa' nahan ma'a kañe' Israel. Ekmanyása apyempehek sa' katnehek, eñama megkólexpaqheykha m'a yegmen ekmopeyáseykekxa nak egyempehek.

Números 9:13

Kóltekkesek sa' eyke chá'a nepyeseksa énxet'ák apagkok ma'a apkelwátesseyam nak chá'a apkelane melwagqayam ekhem Pascua neyseksa eykhe ekteme ekmópeyo apyempehek, tén han mexña mók nekha. Exkak sa' kéllegassáseykegkoho aptémakxa mey'assáxma eñama meseykekxésso aqsok apmésso naqsa Wesse' egegkok ma'a ekhem ekpekkenamaxchexa nak.