Números 19:18 - Biblia Enxet

¹⁸ Keñe sa' xama énxet ekmópeyo nak apyempehek, emok xama yámet aktog nak hisopo, yetchesek sa' yegmen, keñe sa' yexpaqheykha m'a kélpakxanma nak, tén han ma'a yátegwáxwa, tén han ma'a énxet apheykha nak ma'a, tén han ma'a ektáha nak appaknegweykmoho kélexchakkok, tén han énxet aphápak apmatñà nak, essenhan ma'a apketsapma naqsa nak, tén han ma'a takhaxpop.

Números 19:18 ပူးပေါင်းရင်းမြစ်များ

Salmos 51:7

Heyenyókas ko'o may'assáxma tén sa' wáxñekxoho'; heyáxñassásekxa émpehek, tén sa' amópekxohok ahagko', ayeykhágwomhok sa' ma'a aptémakxa nak apmópeyo yeyam appok.

Salmos 51:9

Ná elano may'assáxma, hemassésses ekyókxoho sektémakxa ekmaso.

Isaías 52:15

sa' katnehek nahan kalpelakkasek elwetak ma'a apyókxoho pók aptémakxa nak chá'a énxet'ák; apkelwet'ak sa' agkok ma'a kelwesse'e apkelwányam nak, elwanmeyagkok sa' aqsa, hakte elwetak sa' ma'a aqsok megkóltennassama axta, elyekpelkohok sa' ma'a mellegaya axta kaxénaxche'.

Números 19:17

“Kólmok sa' ketsék weyke táhap agkok ekmatñá nak ekyánmaga magya'assáxma, yaqwayam kóláxñassásekxak apyempehek ma'a ekteme nak ekmanyása apyempehek, kólxatmok sa' xama egheykok keñe sa' kólyetmok yegmen ektaqmalma kólexpaqha'.

Números 19:19

Énxet ekmópeyo apyempehek sa' chá'a yexpaqheykha énxet ekmanyása nak apyempehek ekwokmo enxoho chá'a ántánxo ekhem, tén han siete ekhem. Keñe sa' ektáha enxoho chá'a siete ekhem kamópekxak chá'a apyempehek. Keñe sa' ma'a énxet ekteme nak ekmanyása apyempehek elyenyeksek apkelnaqta, eyaqpaksek sa' nahan yegmen, kawomhok sa' eyke ekmanyása apyempehek ekyáqtésa.

Números 19:9

Pók énxet sa' elmekxak táhap agkok ma'a weyke, eyáxñeyo enxoho apyempehek, ekxakhagwók sa' eyáxña'akxa enxoho m'a teyp nak apkelpakxeneykegkaxa énxet'ák. Elmaha sa' chá'a énxet'ák Israel xa táhap nak, yaqwayam elanagkok chá'a m'a yegmen eyáxñáseykekxa nak egyempehek. Aqsok ekmatñá ekyaqmageykekxa magya'assáxma xa ekyókxoho nak.