Números 16:47 - Biblia Enxet

⁴⁷ Aptemék axta Aarón ma'a aptáhakxa axta apcháneya m'a Moisés, apketchágkokxeyk axta apmeyákxo m'a apchaqnákxexa axta énxet'ák. Tekkessek axta aqsok ekmaso nepyeseksa énxet'ák ma'a negmasse ekmaso apcháphasso axta m'a Dios. Appekkenchek axta Aarón ma'a aqsok ánek ekmátsa nak ekpaqneyam, tén axta apkelmaxneya Dios apkeltamho meyaqmagkásekxeyk melya'assáxma m'a énxet'ák.

Números 16:47 ပူးပေါင်းရင်းမြစ်များ

Salmos 106:29

Aplókáseykegkek axta Dios apkeláneykegko apkeltémakxa ekmaso, tén axta ekpayheykekxo nepyeseksa m'a negmasse ekmaso.

Números 16:46

tén axta Moisés aptáha apcháneya Aarón se'e: —Esanta apxata nak chá'a aqsok ánek ekmátsa ekpaqneyam éten agkok, exátem sa' átex éleñama nak ma'a ekwatnamáxchexa aqsok, tén sa' exatmok nahan ma'a aqsok ánek ekmátsa nak ekpaqneyam; emyekxa sa' heykxe m'a aphágkaxa nak énxet'ák, elmaxna sa' Dios meyaqmagkásekxeyk melya'assáxma m'a, hakte aplókek ma'a Wesse' egegkok, tekkek nahan kaxwók ma'a negmasse ekmaso.

Números 16:48

Apkenegwokmek axta nepyeseksa m'a apkeletsapma axta, tén han ma'a meletsapma axta makham, tén axta ekmassa m'a negmasse,

Números 25:13

sekmésa ko'o yaqwayam etnehek apkelmaxnéssesso Dios énxet'ák apagkok, tén han aptawán'ák neptámen meyke néxa, hakte élmeyeykha ko'o m'a, apwetássek nahan megkólyaqmagkáseykekxa melya'assáxma m'a israelitas.