Números 16:46 - Biblia Enxet

⁴⁶ tén axta Moisés aptáha apcháneya Aarón se'e: —Esanta apxata nak chá'a aqsok ánek ekmátsa ekpaqneyam éten agkok, exátem sa' átex éleñama nak ma'a ekwatnamáxchexa aqsok, tén sa' exatmok nahan ma'a aqsok ánek ekmátsa nak ekpaqneyam; emyekxa sa' heykxe m'a aphágkaxa nak énxet'ák, elmaxna sa' Dios meyaqmagkásekxeyk melya'assáxma m'a, hakte aplókek ma'a Wesse' egegkok, tekkek nahan kaxwók ma'a negmasse ekmaso.

Números 16:46 ပူးပေါင်းရင်းမြစ်များ

1 Crónicas 27:24

Apkeynamók axta apkelyetsáteykekxo énxet'ák ma'a Joab, axta eyke esawhomo', hakte aqsok ekmaso axta tekkessók ma'a kañe' Israel. Cháxa keñamak megkeytnama nak apwánxa apyókxoho eknaqtáxésamaxche apkelwesey m'a weykcha'áhak eknaqtáxésamaxchexa axta chá'a aqsok apkelane m'a wesse' apwányam David.

Salmos 106:29

Aplókáseykegkek axta Dios apkeláneykegko apkeltémakxa ekmaso, tén axta ekpayheykekxo nepyeseksa m'a negmasse ekmaso.

Salmos 141:2

Yána kaxhok ko'o sélmaxnagko aphakxa m'a aqsok ekmátsa nak ekpaqneyam éten agkok, yána kaxhok aqsok kélmésso naqsa nak chá'a taxnám ma'a sélya'asso nak chá'a néten emék,

Levítico 10:6

Keñe axta natámen Moisés aptáha apcháneya Aarón, yetlo apketchek, cham'a Eleazar, tén han Itamar: —Nágkólho aqsa kalmakheykha kélwa', nágkólyápet nahan kélántaxno magkenatchesso éllapwámegko, kóletsapok katnehek kéxegke, keñe Dios eyenyenták aplo m'a nepyeseksa énxet'ák. Eyke payhawók ellekxagwaha m'a kélpeywomo xamo' nak, cham'a apyókxoho nak israelitas, eñama aptekkessesso táxa m'a Wesse' egegkok.

Levítico 9:24

tekkek axta táxa m'a aphakxa nak Wesse' egegkok, sawhawók axta élwatna m'a kélnaqtósso kélmáheyo axta kólwatnek, tén han ma'a pexmok ekhágko axta m'a néten nak ekwatnamáxchexa aqsok. Xama axta apkelwet'a apyókxoho israelitas xa, axta eleyságkohok apkelwónchesa apkelátsencha'a, apkelháxahánteyk axta ekwokmoho apkeltekxeyágko élpayhakxa nápaqta'a xapop.

Habacuc 3:5

Xegkek apmonye' m'a nenlegeykegkoho ekmaso nak, keñe neptámen ma'a ekmexanma egyempehek segaqhamo nak.

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.

Números 1:53

Keñe sa' levitas elpakxenagkok chá'a m'a nepyáwa nak kélpakxanma ekyetnamakxa nak yántéseksek ekhémo mók nélpaqhetchásamáxkoho Dios, elanha sa' nahan chá'a m'a, yaqwayam sa' meltaqnaweygkehek chá'a Wesse' egegkok ma'a israelitas.”

Números 11:33

Axta nahan kawegqawok apkelenseykha sénhek aphápetek israelitas, aplawa Wesse' egegkok apkeltaqnaweygko m'a, apkellegassásegkoho axta, apkelnapchek axta apxámokma énxet.

Números 18:5

kéxegke wánxa kéltamheykha m'a kélpakxanma appagkanamap nak, tén han ma'a ekwatnamáxchexa nak aqsok. Keñe sa' ko'o kamaskok séltaqnawéyak ma'a israelitas.

Números 25:13

sekmésa ko'o yaqwayam etnehek apkelmaxnéssesso Dios énxet'ák apagkok, tén han aptawán'ák neptámen meyke néxa, hakte élmeyeykha ko'o m'a, apwetássek nahan megkólyaqmagkáseykekxa melya'assáxma m'a israelitas.

Números 25:8

apkemhágkokxo m'a israelita, ekweykekxoho m'a kañe' kélpakxanma nak, apkelyetxaqkassek axta apwokmo m'a israelita, tén han ma'a kelán'a nak. Cháxa ekmassakxa axta negmasse ekmaso élnapma axta m'a israelitas,

Números 8:19

Élyéseykha axta ko'o levitas nepyeseksa m'a israelitas, keñe sélméssama m'a Aarón tén han ma'a apketchek, yaqwayam elanaksek chá'a aqsok israelitas ma'a kélpakxanma apchaqneykekxexa nak chá'a énxet'ák, tén han etaksek chá'a meyaqmagkáseykekxa melya'assáxma Wesse' egegkok ma'a israelitas. Keñe sa' melyepetchegwomók chá'a israelitas ma'a tegma appagkanamap nak, megkaltemégwomók sa' nahan exma ekmaso.”

Deuteronomio 9:22

“Kéllókáseykegkek axta nahan kéxegke Wesse' egegkok ma'a kélheykegkaxa axta Taberá, Masá tén han ma'a Quibrot-hataavá.