Números 16:35 - Biblia Enxet

³⁵ Apcháphássek axta han táxa Wesse' egegkok, kelnapchek axta m'a doscientos cincuenta énxet'ák apkelseykekxésso axta m'a aqsok ánek ekmátsa nak ekpaqneyam éten agkok.

Números 16:35 ပူးပေါင်းရင်းမြစ်များ

Salmos 106:18

¡Táxa axta kelwatnók ma'a apyókxoho nak! ¡Táxa eyáléwe axta kelwatnók ma'a élmasagcha'a axta apkeltémakxa!

Salmos 50:3

Apxegakmek Dios egagkok, makke ewanmeyakmok, xegakmek apmonye' m'a táxa ekmassésseykmoho nak ekyókxoho aqsok, wakha'ak éxchahayam ekyennaqte agko' ma'a nepyáwa'.

Ezequiel 8:11

Setenta apkelámha apmonye'e israelitas axta nahan apchaqnáha apkelpeykásawo xa kéleykmássesso nak, apheyk axta nahan nepyeseksa m'a Jaazanías, Safán apketche. Xama xama axta nahan chá'a apkelmeykha m'a egheykok ekwatnamáxkohol'a awáxok ma'a aqsok ekmátsa agko' la'a ekpaqneyam éten agkok, meyákxeyk axta néten ekpánma ekyentaxno agko' éten agkok ma'a aqsok ekmátsa nak ekpaqneyam.

Levítico 10:2

Keñe axta ektepa táxa m'a aphakxa nak Wesse' egegkok, apsawhékpók axta nahan apkelmeta m'a. Cháxa ektáhakxa axta apkeletsapa nápaqto' Wesse' egegkok.

Números 16:17

Kélxama sa' chá'a kólsanták ma'a kélxata nak chá'a aqsok ánek ekmátsa ekpaqneyam éten agkok, kólxátem sa' ma'a aqsok ánek ekmátsa nak ekpaqneyam. Eswok sa' xépxa m'a apxata nak chá'a aqsok ánek ekmátsa ekpaqneyam éten agkok tén han ma'a Aarón, kólnegkenek sa' nápaqtók Wesse' egegkok yetlo m'a doscientos cincuenta énxet'ák nak.

Números 16:34

Xama axta eklegáxko élpayheykha apatña'ák, apkenyahágkek axta m'a apyókxoho israelitas apheykha axta m'a neyáwa apheykegkaxa. Aptáhak axta apkelpaqmeta s'e: “¡Hẽlweykesagkok katnehek negko'óxa kañe' xapop!”

Números 16:36

Appaqhetchessek axta Wesse' egegkok ma'a Moisés. Aptáhak axta apcháneya s'e:

Números 16:49

catorce mil setecientos énxet axta apkeletsapak, meyke kélyetsáteykekxa m'a apmonye' apkeletsapma axta, apkelsexnenagkama axta m'a Coré.

Números 26:10

mayheykxeyk axta eyke xapop, keñe eyápekxo m'a apqánet nak yetlo Coré, apkeletsekkek axta apyókxoho m'a ektáha axta apkelyepetcheykekxa, doscientos cincuenta énxet axta apkeletsapa élwatna m'a táxa. Cháxa élestehegkesa axta m'a nápakha nak énxet'ák.

Números 3:4

Apkeletsepmeyk axta eyke nápaqtók Wesse' egegkok ma'a Nadab tén han Abihú, hakte axta ñémekxa apméssama xama táxa Wesse' egegkok megkatnaha nak ekpagkanamaxche m'a egkexe nak Sinaí. Méko axta nahan apketchek ma'a. Tén axta aptamheykegko apkelmaxnéssesso Dios énxet'ák apagkok ma'a Eleazar tén han Itamar, Aarón axta eyke chá'a apkeláneykha apkeltamheykha, aptáha nak apyáp.