Números 16:15 - Biblia Enxet

¹⁵ Aplókók apagko' axta m'a Moisés. Aptáhak axta apcháneya Wesse' egegkok se'e: —¡Ná ema aqsa takha' aqsok apkelmésso naqsa apkelseykentegkesso xa énxet'ák nak! Malyementamák ko'o xama enxoho yámelyeheykok apnaqtósso m'a, matnéssesseykmohok nahan exma ekmaso xama enxoho m'a.

Números 16:15 ပူးပေါင်းရင်းမြစ်များ

2 Samuel 22:22

hakte ekyetlamchek axta ko'o m'a Wesse' egegkok nak ámay apagkok; ¡mayenseykmok xama enxoho m'a Dios ahagkok!

Éxodo 32:19

Xama axta apwákxo ketók apkelpakxeneykegkaxa axta énxet'ák ma'a Moisés, apwet'ak axta weyke kennawók étkok kéleykmássesso tén han ma'a ekneywomáxche', aplókók apagko' axta, apkexeynteyk axta m'a meteymog apkelseykenta axta, nekha'a étkók axta aptemessásékxak ma'a awhak egkexe nak.

Proverbios 21:27

Eltaqnawásseshok Wesse' egegkok aqsok apkelmésso naqsa m'a énxet'ák élmasagcha'a nak apkeltémakxa', hakte yetlo ekmaso élchetámeykha apkelwáxok chá'a elmések.

Números 12:3

Naqsók eyke apteme énxet meyke agko' eyeymáxkoho apwáxok Moisés ekyókxoho keso nélwanmeygkaxa, méko pók aphawo enxoho.

Números 16:16

Tén axta Moisés aptáha apcháneya Coré s'e: —Emyenta sa' saka nápaqtók Wesse' egegkok yetlo apkelxegexma'a. Aarón sa' nahan ewakxak ma'a.