Números 14:28 - Biblia Enxet

²⁸ Kólyo'ókxa sa' kaxwo' kóltennássekxak sektáha ko'o sekpeywa s'e: Naqsók ko'o sekxéna, sektáha nak Wesse' peya atnéssesek kéxegke m'a ekhawo ektémakxa nak chá'a seklegé kélpaqméteykha.

Números 14:28 ပူးပေါင်းရင်းမြစ်များ

Job 21:20

Cháxa payhawok exkak kéllegassáseykegkoho m'a eñama aplo m'a ekha nak Apyennaqte.

Salmos 106:26

Tén axta apya'asa néten apmek, apxéna naqso' yának eletsapwók ma'a yókxexma meykexa nak énxet,

Salmos 95:11

Axta keñamak ko'o sekxeyenma naqso' yetlo seklo peya melántexek ma'a sekmáheyókxa nak allókassesek apkelyampe énxet'ák.”

Ezequiel 12:25

hakte apaqmétek sa' ko'o, sektáha nak Wesse', ekmanyehe agko' sa' nahan katnehek ma'a aqsok sekxeyenma. Kéxegke kélagko' sa' nahan kólweta', kélteme nak énxet'ák élyennaqte kélwáxok; apaqmétek sa' ko'o, tén sa' wának katnehek ma'a aqsok sekxeyenma. Éltennássek ko'o xa, sektáha nak Wesse'.”

Números 11:1

Xama ekhem axta apkelpaqméteyha ekmaso israelitas apkenmexeyncha'a m'a Wesse' egegkok, eñama m'a ektémakxa axta chá'a apkelwete ekmaso apheykha. Aplókók apagko' axta nahan Wesse' egegkok apleg'a xa, tén axta apcha'a táxa, cháléwáha axta m'a neyáwa' nak apkelpakxeneykegkaxa.

Números 14:2

Apyókxoho axta apxénáha ekmaso m'a Moisés tén han ma'a Aarón. Axta aptáhak apkelpaqméteyncha'a s'e: “¡Agmaskoho anna axtal'a m'a Egipto, essenhan se'e yókxexma meykexa nak énxet!

Números 14:21

Naqsók agko' eyke ko'o sektáha sekxéna mamassegwayam, eksawheykekxoho seyeymáxkoho ekyókxoho keso náxop.

Números 14:39

Xama axta apkeltennáseyncha'a Moisés israelitas aptáhakxa apcháneya m'a Wesse' egegkok, apyókxoho axta kellapwámeygkok.

Números 32:11

énxet apkelánteyapma axta m'a Egipto, ekwayam nak chá'a veinte apyeyam apagkok néten, melwetyehek ma'a xapop apkeltennassamakxa axta egkések ma'a Abraham, Isaac, tén han ma'a Jacob, hakte apkelwátéseykegkek apkelyetleykha.

Deuteronomio 1:34

“Xama axta aplegaya Wesse' egegkok kélpaqméteykha kéxegke, aplómók apagko' axta tén axta aptéma appaqmeyesma ekmámnaqsoho s'e:

Deuteronomio 1:35

‘Méko sa' xama énxet keso nepyeseksa nak se'e énxet'ák élmasagcha'a apkeltémakxa étak ma'a xapop ektaqmalma séltenassama axta ko'o agkések ma'a apyapmeyk nano'.

Deuteronomio 2:14

“Treinta y ocho apyeyam axta weykmok ekyeykhe, eyeynókxa axta m'a sekxók nélánteyapma axta m'a Cadés-barnea ekweykmoho nélyeykheykekxo m'a ényahamakxa nak yegmen Zéred. Apsawhomákpek axta eyke apkeletsapma m'a énxet'ák kempakhakma yapmeyk, apheykencha'a axta chá'a m'a apkelpakxeneykegkaxa axta, ekhawo m'a apxeyenma axta katnehek naqsók ma'a Wesse' egegkok.

Deuteronomio 2:15

Wesse' egegkok apmopwána axta cháhapweykták ma'a énxet'ák nak, ekwokmoho apkeletsapma apyókxoho.

Deuteronomio 32:40

Ekya'ássek sa' agkok ko'o néten émek, ekxénchek sa' agkok ekmámnaqsoho agko' sektáha mamassegwayam,