Números 14:11 - Biblia Enxet

¹¹ Aptáhak axta Wesse' egegkok apcháneya Moisés se'e: —¿Háxko sa' ekwánxa kammok apkellenxanmeykegkoho sewanyeykha ko'o xa énxet'ák nak? ¿Háxko sa' ekwánxa kammok sey'ásseyam ko'o neyseksók eykhe ko'o sélane aqsok sempelakkasso nak agwetak nepyeseksa?

Números 14:11 ပူးပေါင်းရင်းမြစ်များ

Salmos 106:24

Néwomók axta han aptaqnawágweykmo m'a apchókxa ektaqmalma, apkelya'ásseykmek axta m'a apmésso axta appeywa Dios;

Salmos 78:22

Hakte axta eláyók ma'a Dios, apkelya'ásseykmek axta apmopwána epasmok.

Salmos 78:32

Apkeláneykegkokxeyk axta aqsa makham melya'assáxma neyseksa eykhe ekteme xa ekyókxoho nak; apkelya'ásseykmek axta m'a aqsok sempelakkasso nak agwetak apkelane Dios.

Salmos 95:8

“Nágkólyennaqtés aqsa kélwáxok, kéltéma axta m'a Meribá; kéltéma axta kélweykmo m'a Masá, yókxexma meykexa nak énxet,

Éxodo 10:3

Apkelxegkek axta apkelya'aweykxo faraón ma'a Moisés tén han Aarón. Aptáhak axta apcháneya s'e: —Exchek aptáhak Wesse' egegkok, aptáha nak hebreos Dios apagkok se'e: ‘¿Háxko ekwánxa kamassegwók ekyennaqte apwáxok nahaqtók ko'o? Yoho elxog énxet'ák ahagkok, yaqwayam sa' hélpeykesho';

Éxodo 16:28

Keñe axta Wesse' egegkok aptáha apcháneya Moisés se'e: —¿Háxko ekwánxa peya kammok kéxegke kéllenxanmeykegkoho megkólyeheykekxa m'a segánamakxa ahagkok nak, tén han ma'a ektémakxa nak chá'a sélxekmósso?

Éxodo 23:21

Nágkólyenyawha aqsa m'a; kólyahakxoho sa' nahan chá'a, nágkólteme megkólyeheykekxa, hakte cháxa sekmésso ko'o yaqwayam elának aqsok eñama ko'o sekwesey xa, melásekhekxók sa' nahan ektémakxa nak megkólya'assáxma kéxegke.

Éxodo 32:9

Aptáhak axta nahan apcháneya Wesse' egegkok Moisés se'e: —Éláneyha ko'o xa énxet'ák nak, ekya'ásegwokmek nahan apteme élyennaqte agko' apkelwáxok.

Proverbios 1:22

“Wokma'ák megkólya'áseyak nak aqsok, megkólésso nak kóllektegmaha, tén han élyeyháxma nak. ¡Kólwátésák hana kéltémakxa kélteme meyke kélya'áseyak aqsok! ¡Kólwátésák ekmátsa nak kélya'ásseyam, nágkóltaqnow ma'a negya'áseyak nak!

Jeremías 13:10

Cháxa énxet'ák élmasagcha'a nak apkeltémakxa, megkalyaqwámeykegkok elyahakxohok ma'a séltémókxa nak ko'o etnahagkok, apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok. Apkelyetleykekxeyk ma'a mók aqsok kéláyókxa nak, yaqwayam etnahagkok éláneykha, tén han elpeykeshok chá'a. Aphawók xa kéltétamáxche ektepelchamáxche nak, megkólmowána nak kólmaha.

Jeremías 4:14

Jerusalén, yáxñásekxa apwáxok aqsok ekmaso, keñe sa' ewagkasakpok teyp. ¡Elwatés ekxéneykha apwáxok aqsok ekmaso!

Ezequiel 20:13

Élmexeykekxeyk axta eyke ko'o m'a yókxexma meykexa nak énxet, axta elyaheykekxohok ma'a segánamakxa ahagkok; aptaqnagkamchek axta m'a séltémókxa axta chá'a etnahagkok sekmésso axta, yaqwayam axta kalyennaqtéssesek chá'a apnénya'ák ma'a apkelánegko enxoho chá'a, aptawáseykha axta ekyókxoho m'a ekhem ahagkok sábado. Tén axta ekxéna ewáxok ategkesek seklo nepyeseksa m'a tén han amasséssók apyókxoho m'a yókxexma meykexa nak énxet.

Oseas 8:5

Ektaqnagkamók ahagko' ko'o m'a weyke étkok kennawók kéleykmássesso, élpeykessamo nak xeye' Samaria, Ektaqnagkamók ahagko' ko'o m'a. ¿Háxko sa' ekwánxa ekhem kalmópekxak kélyempe'ék kéxegke

Zacarías 8:14

Keso aptáhakxa nak appeywa Wesse' ekha nak apyennaqte s'e: “Xeyenmeyk axta ko'o ewáxok allegássesagkohok kélyapmeyk nano' axta kéxegke, cham'a selókassama axta, axta nahan alwátesseykmok yaqweykenxa atnéssesek.

Números 14:27

—¿Háxko sa' ekwánxa kammok néxa sexéneykha ko'o xa israelitas, élmasagcha'a nak apkeltémakxa? Ekleg'ak ko'o apkelpaqméteykha ekmaso sexéna.

Números 32:10

Axta keñamak aplama Wesse' egegkok xa ekhem nak, tén axta aptáha naqsók appeywa apxéna katnehek

Deuteronomio 1:32

Kélya'ásseykmek axta eyke chá'a kéxegke m'a Dios Wesse' kélagkok,