Números 14:10 - Biblia Enxet

¹⁰ Keñe axta énxet'ák apmako aqsa elnápok elyetnak meteymog. Tén axta ektepa Wesse' egegkok élseyéxma apagkok ma'a kélpakxanma apchaqneykekxexa nak chá'a énxet'ák, nápaqta'awók ma'a apyókxoho israelitas.

Números 14:10 ပူးပေါင်းရင်းမြစ်များ

Éxodo 16:10

Neyseksók apkelpaqhetchesso axta Aarón ma'a israelitas, apyókxoho axta apkelenmexawok ma'a ekpayhókxa axta m'a yókxexma meykexa énxet, apkelwet'ak axta nahan Wesse' egegkok élseyéxma apagkok ekxekmowásexkoho m'a neyseksa xama yaphope.

Éxodo 16:7

tén sa' ma'a axto'o kólwetak ma'a ektémakxa apcheymákpoho Wesse' egegkok, hakte aplegayak chá'a ektémakxa kéxegke kélxéneykha ekmaso m'a. Negko'o eyke kaqhok henxénmakha kéxegke ekmaso.

Éxodo 17:4

Keñe axta m'a Moisés apwóneyncha Wesse' egegkok. Aptáhak axta apcháneya s'e: —¿Háxko atnéssesek ko'o s'e énxet'ák nak? ¡Kaxwók sa' hélyetnak meteymog heyaqhek!

Éxodo 40:34

cháhapwa'ak axta yaphope m'a kélpakxanma apchaqneykekxexa nak chá'a énxet'ák, lanawók axta Wesse' egegkok élseyéxma apagkok ma'a kañe' kélpakxanma appagkanamap.

Levítico 9:23

Keñe axta Moisés tén han Aarón, apkelántaxna m'a kélpakxanma apchaqneykekxexa axta chá'a énxet'ák, xama axta apkelántepa yókxexma, apkelmaxnessásegkek axta israelitas apkeltamho etaqmelchessesek apheykha Dios. Yetlókok axta han apxekmowásamákpoho Wesse' egegkok yetlo ekyawe agko' apkelyenma apyókxoho énxet'ák,

Números 16:19

Appenchessek axta apcháncheseykekxa Coré apyókxoho énxet'ák ma'a átog nak kélpakxanma apchaqneykekxexa nak chá'a énxet'ák. Tekkek axta Wesse' egegkok élseyéxma apagkok nápaqta'awók ma'a apyókxoho énxet'ák.

Números 16:42

Apyókxoho axta apwakhegwokmok ma'a aphakxa axta Moisés tén han Aarón; tén axta apkelenmexákxoho m'a kélpakxanma apchaqneykekxexa nak chá'a énxet'ák. Yetlókok axta nahan eyapma yaphope m'a, tekkek axta Wesse' egegkok élseyéxma apagkok.

Números 17:7

Apnegkenchek axta Moisés yámet kéltasqapeykha nápaqtók Wesse' egegkok ma'a kélpakxanma ekhémo mók nélpaqhetchásamáxkoho nak Dios,

Números 20:6

Apkexakkek axta aqsa énxet'ák ma'a Moisés tén han Aarón, apkelmeyákxo m'a átog nak nentaxnamakxa m'a kélpakxanma apchaqneykekxexa nak chá'a énxet'ák, apkelháxegwákxeyk axta ekwokmoho apkeltekxeya élpayhakxa nápaqta'a xapop ma'a, tén axta ekxekmowásexkoho Wesse' egegkok élseyéxma apagkok.

1 Samuel 30:6

Tamháha agko' axta apwáxok ma'a David, hakte apmakók axta yaqhek ma'a sẽlpextétamo apagkok peya elyetnak meteymog, apkellókók apagko' axta apkelwet'a ektáhakxa m'a apketchek. Apwasqakkásekxók axta eyke David ma'a Dios Wesse' apagkok,