Números 13:17 - Biblia Enxet

¹⁷ Xama axta apkeláphasa Moisés elanok ma'a xapop nak Canaán. Aptáhak axta apkeláneya s'e: —Kólmohók sa' ma'a ekpayho nak Négueb, keñe sa' kólpéwhok ma'a yókxexma ekxámokmakxa nak meteymog élekhahéyak.

Números 13:17 ပူးပေါင်းရင်းမြစ်များ

Génesis 12:9

Keñe axta apxegákxo makham, aptaqmelcháseykegkók axta apchágketchesseykmo m'a yókxexma Négueb.

Génesis 13:1

Aptekkek axta Abram ma'a Egipto, yetlo aptáwa' tén han ma'a ekyókxoho aqsok apagkok ekyetnakxa nak, apmeyákxeyk axta makham ma'a Négueb, apyetlákxeyk axta han ma'a apephénem Lot.

Génesis 13:17

¡Yempekxa néten, eweynchamha ekyókxoho nak ekwegqakxa xapop, tén han ekpayhakxa, agkések sa' ko'o exchep xa!”

Génesis 13:3

Aptaqmelcháseykegkók axta han apxegama apkeñama Négueb, ekwokmoho apwokmo m'a Betel. Cha'a apkeñamakxa axta apxega apmeyákxo m'a appakxenweykenxa axta sekxók, neyseksa nak ma'a teyp Betel, halep nak Ai.

Génesis 14:10

Xámok axta máxek ekheykegkaxa nak meteymog égmenek ma'a ekyapwate nak Sidim, xama axta apkenyahágko peya elxeganmok neyseksa kempakhakma m'a apkelwesse'e apkelwányam nak Sodoma, tén han Gomorra, yetlókok axta appallegwayam kañe' máxek, keñe axta nápakha apkelwesse'e apkelwányam apkelyexánegwokmo m'a egkexe nak.

Números 13:18

Kóllano sa' ektémakxa m'a apchókxa nak, tén han ma'a énxet'ák apheykha nak ma'a kañe' nak, apmelyéhe'ék kexa essenhan apkelyelqákpo, apqántawók kexa nahan, essenhan apxámo'.

Números 13:29

Keñe m'a yókxexma Négueb apheykencha'a m'a amalecitas. Keñe m'a yókxexma ekxámokmakxa nak meteymog élekhahéyak apheykencha'a m'a hititas, jebuseos tén han ma'a amorreos, keñe m'a nekha nak wátsam ekwányam, ekpayho nak ma'a wátsam Jordán apheykencha'a m'a cananeos.

Números 14:40

Keñe axta mók ekhem, apnaqxétekhágkek axta axto'ók agko', apkelchenátweykxeyk axta m'a ektáhakxa nak netnók agko' ma'a yókxexma ekxámokmakxa nak meteymog élekhahéyak. Aptáhak axta apkelpaqmeta s'e: —¡Nélwa'ak kaxwók se'e! Ólmeyekxak ma'a yókxexma sẽltennassamakxa axta Wesse' egegkok, naqsók negko'o nenláneykegko mólya'assáxma.

Deuteronomio 1:44

Tén axta m'a amorreos, apheykencha'a axta m'a egkexe nak, apkelánteyapma kélmonye'e kéxegke, máxa axta kenáwet aptamheykegkok apmenxenma. Kéltekyawomchek axta kéxegke m'a Seír ekweykekxoho m'a Hormá.

Josué 10:40

Apkelmomchek axta Josué m'a ekyókxoho apheykegkaxa nak. Apmallanegkek axta apkelnapma m'a apkelwesse'e apheykencha'a axta neyseksa nak meteymog élekhahéyak, keñe han ma'a yókxexma nak Négueb, tén han ma'a ekpayhegweykenxa nak xapop, keñe han ma'a egkexe étkók neyáwa nak. Apmassésseykmek axta ekyókxoho aqsok, apkelnapmeyk axta han ma'a apyókxoho énxet'ák; méko axta apcháyam xama enxoho, méko axta han xama énxet apkeymomap, apkeltémókxa axta etnehek ma'a Dios Wesse' apagkok nak ma'a Israel.

Josué 15:3

axta maheykegkok ma'a ekpayho nak nepyeyam ma'a xapop élekhahéyak nak Acrabim, yeykhayak axta m'a yókxexma meykexa nak énxet Sin, tén han ma'a teyp Cadés-barnea ekpayho nak nepyeyam; tén han ekxegeykekxo makham ekweykekxoho m'a Hesrón, meyeykekxeyk axta néten ekweykekxoho m'a Adar, keñe axta ektaqhegweykmo ekmeyeykento m'a Carcá,

Josué 2:1

Yókxexma Sitim axta apkeleñamak apqánet énxet, Josué axta apyexamakpoho apkeláphasso. Aptáhak axta apkeláneya s'e: “Kólxeg kólteyánegwomho sa' ma'a yókxexma keñe han ma'a tegma apwányam nak Jericó.” Apkelxegkek axta m'a, keñe apkelwokmo m'a tegma axagkok kelán'a ekyaqmagkáseyak pók énxet ektegye selyaqye, cham'a tegma apwányam nak Jericó, ekwesey axta Rahab. Axta apnaqteyenwokmok axta'a m'a.

Jueces 1:15

—Éltamhók eykhe hegkések aqsok peya nak almaxna' —axta entáhak eyátegmowágko—. Egkéssek xép xapop ma'a Négueb ekyamáyekxa nak exma', hegkés sa' nahan ma'a élánteyapmakxa nak yegmen. Apméssek axta Caleb élánteyapmakxa nak yegmen ma'a néten tén han kóneg.

Jueces 1:19

Apmomchek axta Judá énxet'ák apagkok ma'a meteymog élekhahéyak nak, hakte apkelxegexma'a axta aptemék ma'a Wesse' egegkok, mopwanchek axta eyke apmáheyo elántekkesek apheykencha'a axta m'a ekpayhegweykenxa nak xapop, hakte yetneyk axta yátnáxeg apkelyenyawasso apagkok sawo émpe'ék ma'a.

Jueces 1:9

Tén axta apketámegkokxo han ma'a cananeos, apheykencha'a axta m'a neyseksa meteymog élwenaqte élekhahéyak, yókxexma nak Négueb, keñe han ma'a ekpayhegweykenxa nak xapop.