Nehemías 9:6 - Biblia Enxet

⁶ Keñe axta Esdras aptáha s'e: “Xép apteme Wesse' egegkok, méko pók. Xeyep apkelane néten, tén han ma'a ektáhakxa nak netnók agko', yetlo m'a apyókxoho yaw'a; xép apkelane xapop, tén han ma'a ekyókxoho aqsok ekhéyak nak ma'a, tén han ma'a wátsam élyawe nak, tén han ma'a ekyókxoho aqsok ekhéyak nak kañe'. Xép apmésso élyennaqte m'a ekyókxoho aqsok. Cháxa keñamak apkelpeykessamo nak xép ma'a yaw'a apheykegko nak néten.

Nehemías 9:6 ပူးပေါင်းရင်းမြစ်များ

Génesis 1:1

Apkelanak axta sekxók amonye' Dios néten tén han náxop.

Génesis 1:9

Aptáhak axta makham Dios se'e: “Kaqnekxa ekyetnamakxa agko' yegmen, ekyetnama nak kóneg yaphope, yaqwayam sa' kaxek ekyamakakxa exma.” Temék axta han xa.

Génesis 2:1

Penchásexcheyk axta élánamáxche néten, tén han náxop, keñe han ma'a ekyókxoho aqsok ekhéyak

Génesis 32:2

Xama axta apkelwet'a Jacob xa énxet'ák nak, aptáhak axta s'e: “Dios sẽlpextétamo apagkok xa.” Apteméssessek axta han ekwesey Mahanaim xa yókxexma nak.

1 Reyes 22:19

Aptáhak axta Micaías: —Yeyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

1 Reyes 8:27

“Wánxa agkok, ¿naqsóya apmopwána exek Dios keso náxop? Mopwanchek exhok ekwánxa nak ekyawe néten, ¡ekyágwánxa agkok mexók se'e tegma appagkanamap sélánésso nak xép!

2 Reyes 19:15

axta aptáhak apkelmaxneya s'e: “Wesse' egegkok, Dios nak Israel, apteme nak Wesse' étseksa'ák ma'a apkelásenneykha ekha nak apxempenák apheykha néten: xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.

2 Reyes 19:19

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Nehemías 9:5

tén axta aptáha apkeláneya m'a levitas, cham'a Josué, Cadmiel, Binuy, Hasabnías, Serebías, Hodías, Sebaías, tén han Petahías: “Kólchempekxa néten, kólpeykesho Dios Wesse' kélagkok, yókxoho ekhem, megkatnégwayam néxa. ¡Kóltemésses apcheymákpoho, yetlo ektaqmalma kélxeyenma apwesey eyeymáxkoho meyke ekhémo!”

Salmos 102:25

Appekkenmeyk axta xapop ma'a sekxók eyeynókxa axta; xép apagko' axta apkelane m'a néten.

Salmos 103:21

¡Kólpeykesho Wesse' egegkok kélyókxoho kélteme nak apkelásenneykha kélxámokma, kéllane nak chá'a m'a apmopmenyého nak!

Salmos 115:15

Etaqmelchessesek sa' kéxegke kélheykha m'a Wesse' egegkok, apkelane nak néten tén han keso náxop.

Salmos 124:8

Wesse' egegkok chá'a kañék sempasmo, apkelane nak néten, tén han keso náxop.

Salmos 146:6

apkelane nak néten, xapop, wátsam ekwányam, tén han ekyókxoho aqsok ekhéyak nak kañe'. Mepeynchámekxeyk appeywa m'a.

Salmos 24:10

¿Yaqsa xa Wesse' apwányam apcheymákpoho nak? ¡Neykhe m'a Wesse' egegkok meyke nak ekhémo! ¡Cháxa Wesse' apwányam apcheymákpoho xa!

Salmos 33:6

Appeywa axta keñamak Wesse' egegkok apkeláneya m'a néten, apwátekhapma axta keñamak élánteyapma m'a ekyókxoho aqsok élápogwáteyák nak néten.

Salmos 36:6

Máxa eyke meteymog élyawe élekhahéyak la'a m'a aptémakxa ekpéwomo; máxa eyke wátsam ekwányam ekmattawóneg la'a m'a apchánamakxa nak antéhek. Wesse', xép apkeláneykha énxet'ák, tén han aqsok nawha'ák.

Salmos 86:10

Hakte xép apwánxa apagkok apteme Dios; ¡xép apteme apwányam, tén han apkelane chá'a aqsok sempelakkasso nak agweta'!

Isaías 37:16

“Wesse' ekha apyennaqte, Israel Dios apagkok, apteme nak Wesse' étseksa'ák ma'a apkelásenneykha ekha nak apxempenák apheykha néten, xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.

Isaías 37:20

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Isaías 44:6

Aptáhak Wesse' egegkok se'e, Wesse' apwányam apwagkasso nak teyp ma'a Israel, Wesse' ekha nak Apyennaqte: “Ko'o sekteme eyeynókxa tén han ektemegwánxa néxa; méko pók kéláyókxa, ko'o sekwánxa ahagkok.

Isaías 44:8

¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”

Isaías 45:12

Éláneyak axta ko'o m'a xapop tén han énxet yaqwayam exmakha m'a kañe', émek axta ektemék sekpeykessama m'a néten tén axta séltémo kalántépok ekyókxoho m'a élápogwátéyak nak.

Jeremías 32:17

Wesse', yetlo ekyawe apmopwána axta exchep apkelanék néten tén han keso náxop. Méko xama aqsok megkapwagkexa elának xép.

Ezequiel 20:11

axta élya'assásegweykmok nahan segánamakxa ahagkok ma'a tén han ma'a séltémókxa nak chá'a etnahagkok, ekméssamól'a chá'a ekyennaqte apnények ma'a ektáha nak chá'a apkelyeheykekxoho.

Jonás 1:9

Aptáhak axta Jonás apchátegmowágko s'e: —Ko'o hebreo, élpeykessamok ko'o m'a Wesse' Dios apha nak néten, apkelane nak wátsam ekwányam, tén han náxop.

Deuteronomio 10:14

Kólya'asagkoho chá'a Dios Wesse' kélagkok apteme apagkok ma'a néten tén han ma'a netnók agko' nak ma'a néten, tén han keso náxop tén han ma'a ekyókxoho aqsok ekhéyak nak awáxok.

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!

Deuteronomio 6:4

“Kóleyxho énxet'ák Israel: Dios Wesse' egegkok apteme wánxa xama Wesse' egegkok.