Nehemías 9:16 - Biblia Enxet

¹⁶ “Éleymáxkoho apkelwáxok axta eyke m'a ẽlyapmeyk nano' axta negko'o, apkelásennamap axta, tén axta melyaheykekxo m'a apkeltémókxa nak antéhek.

Nehemías 9:16 ပူးပေါင်းရင်းမြစ်များ

2 Reyes 17:14

Axta eyke elyaheykekxohok ma'a énxet'ák nak, apkelyennaqtéssegkek axta aqsa apkelwáxok, aptamheykegko axta m'a apyapmeyk nano', apkelya'ásseykmoho axta chá'a m'a Dios Wesse' apagkok;

2 Crónicas 29:6

Apyamasmeyk axta apkelyetleykha Wesse' egegkok ma'a ẽlyapmeyk nano', asagkek axta aqsok apkeláneyak nápaqtók Wesse' egegkok, Dios egagkok nak, apyamasmeyk axta. Massegkek axta apkelányo, aptaqnawágweykmek axta m'a aphakxa axta chá'a Wesse' egegkok.

2 Crónicas 30:8

Nágkólteme élyennaqte kélwáxok, aptamheykegko axta m'a kélyapmeyk nano'; kólya'assásekxa kélmék Wesse' egegkok, yaqwayam enxoho kóllánekxak ekhémo mók kélpaqhetchásamáxkoho, kólmeyenta m'a tegma appagkanamap apagkok nak, apteméssessama axta appagkanamap meyke néxa. Kóllána apkeltémo nak chá'a kóllának ma'a Dios Wesse' kélagkok, keñe sa' kamaskok eltaqnaweygkok kéxegke.

2 Crónicas 36:13

Apkenmexeykekxeyk axta han ma'a wesse' apwányam Nabucodonosor, apxeyenma axta etnehek appasmeykekxa yetlo apxeyenma Dios apwesey, apyennaqtéssegkek axta apwáxok memáheyo ey'ókxak ma'a Wesse' egegkok, Dios apagkok nak Israel.

Nehemías 9:10

Apkeláneyak axta exchep ekyawe agko' aqsok, tén han sempelakkasso agwetak apkenmexma m'a faraón, tén han ma'a apyókxoho apkeláneykha, tén han ma'a apyókxoho énxet'ák apheykha nak apchókxa', hakte apweteyak axta exchep ektémakxa apkelwanyeykha ekmaso m'a israelitas. Keñe ekpayheykekxo apwesey apxénamap ektéma nak makham se'e negwánxa nak.

Nehemías 9:29

Apkeltémók axta elanagkokxak makham ma'a segánamakxa apagkok; apkenagkamchek axta eyke elya'áseykegkok ma'a énxet'ák nak, axta elyeheykekxak ma'a apkeltémókxa nak antéhek, axta eláneykegkok ma'a apchánamakxa nak antéhek, ekméssamo nak ekyennaqte apnények ma'a énxet apkelane nak chá'a; apkenmexeykekxeyk axta exchep, apkelásennamakpek axta, axta han elyeheykekxoho'.

Salmos 106:6

Nenláneykegkek negko'o mólya'assáxma, neghawók ma'a ẽlyapmeyk nano' axta; nennaqtawásamáxche'; nenláneykegkek aqsok ekmaso.

Salmos 81:8

Kóleyxho, sélpaqhetchesso kéxegke énxet'ák ahagkok; ¡émenyeyk ahagko' ko'o kéxegke hélyahakxoho', Israel!

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

Éxodo 32:9

Aptáhak axta nahan apcháneya Wesse' egegkok Moisés se'e: —Éláneyha ko'o xa énxet'ák nak, ekya'ásegwokmek nahan apteme élyennaqte agko' apkelwáxok.

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Isaías 48:18

¡Kaxtemék axta apkelyeheykekxoho m'a séltémókxa nak chá'a etnehek! Kayágkok axta ektaqmalma apha kaxhok axta m'a ektémól'a kayágkok yegmen ma'a wátsam, kaxhok axta ektaqmeleykekxa apha m'a ekweykenxal'a élyaqyahayam élyawe m'a wátsam ekwányam,

Isaías 48:4

Ekya'ásegkók axta ko'o exchep apteme ekyennaqte apwáxok, tén han aphémo apyennaqte m'a sawo, tén han ekhémo ekyennaqte nápat ma'a sawo' ekyexwase,

Isaías 63:10

Apkenmexeykekxeyk axta eyke Wesse' egegkok xa énxet'ák nak, apkelapwagkassegkek axta m'a espíritu aptaqmalma apagkok; axta keñamak aptamheykekxo apkelenmexma m'a énxet'ák nak, apkempakhayak axta nahan.

Jeremías 19:15

“Aptáhak appeywa Wesse' ekha nak apyennaqte, Dios apagkok nak Israel: Wahak sa' ko'o séllegassáseykegkoho s'e tegma apwányam nak, tén han ma'a apyókxoho tegma apheykegko nak nepyáwa, sekxeyenma axta waha', hakte kalyeyha'ak kéxegke kélwáxok, megkólyeheykekxak chá'a m'a sekpeywa.’”

Jeremías 2:31

(Kéxegke nahan, kaxwe nak kélektegeykekxa makham, kóltaqmelchesho kélháxenmo Wesse' egegkok appeywa.) Israel, ¿yókxexma meykexa énxet kélagkok ya axta ko'o kéxegke?, ¿xapop ekyaqtéssamakxa exma ya axta ko'o? Énxet'ák ahagkok, ¿yaqsa ektéma kéltéma nak chá'a kélpeywa s'e? ‘Nenteme egagko' negko'o kaxwók nentamheykegkok; wánxa kaxwók negye'eykekxa exchep’.

Jeremías 7:26

Makke kéxegke hélyeheykekxoho', mehélháxenmók nahan, kélyánchesseykmók aqsa élyennaqte kélwáxok, kélyeykhásseykmók ma'a kélyapmeyk nano' axta.

Ezequiel 5:6

Kenmexeykekxeyk eyke segánamakxa ahagkok xa tén han seyánamakxa nak chá'a katnehek, wetamaxcheyk axta nahan ekyeykhágweykmoho agko' ekmaso ektémakxa nepyeseksa m'a énxet'ák tén han ma'a pók aptémakxa nak chá'a énxet apheykha m'a neyáwa', hakte axta kalyeheykekxak ma'a segánamakxa ahagkok, keñe han megkeytlama m'a seyánamakxa axta chá'a katnehek.

Deuteronomio 31:27

Hakte ekya'ásegkók ko'o kéxegke kélteme énxet'ák élyennaqte kélwáxok tén han meyke kapeynchegkesek kéltáhakxa; kélenmexáha agkok makham Wesse' egegkok s'e sakhem nak, keso sekha nak makham ko'o kélnepyeseksa kéxegke, ¿háxko sa' katnehek ma'a sétsapa sa' ko'o?

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Deuteronomio 5:29

¡Katnoho annal'a chá'a élchetamso apkelwáxok xa ektáha nak, heyáwhok chá'a ko'o, elanagkok nahan chá'a yókxoho ekhem ma'a segánamakxa ahagkok nak, yaqwayam enxoho kataqmelek chá'a apheykha, ekweykekxoho m'a apketchek!

Deuteronomio 9:13

“Axta aptemék nahan seyenagkama Wesse' egegkok se'e: ‘Ekwet'ak ko'o apteme élyennaqte agko' apkelwáxok xa énxet'ák nak.

Deuteronomio 9:27

Kaxénwakxoho apwáxok ma'a apkeláneykha axta, cham'a Abraham, Isaac tén han ma'a Jacob. Nágkaxén apwáxok ektémakxa nak élyennaqte apkelwáxok se'e énxet'ák nak, tén han apkeltémakxa élmasagcha'a tén han melya'assáxma,

Deuteronomio 9:6

Kólya'asagkoho sa' megkañama kéltémakxa ekpéwomo kéxegke apmésa Dios Wesse' kélagkok ma'a xapop ektaqmalma nak, hakte kéxegke kélteme énxet'ák élyennaqte agko' kélwáxok.