Nehemías 9:12 - Biblia Enxet

¹² Apxegkessessegkek axta chá'a apmonye'e yaphope yaqwayam kapékessesagkok ámay, keñe axta axta'a xama táxa eyáléwe émha, yaqwayam enxoho kaltátchessesek chá'a m'a ámay yaqwánxa enxoho chá'a elyetlók.

Nehemías 9:12 ပူးပေါင်းရင်းမြစ်များ

Nehemías 9:19

axta eyke ekxakhagweykmok xép ma'a yókxexma meykexa nak énxet, eñama ekyawe apkelásekhayo. Axta han kayenseykmok chá'a ekhem ma'a yaphope émha nak, yaqwayam enxoho kapékessesagkok ámay, tén axta han táxa émha m'a axta'a, yaqwayam enxoho kaltátchessesek chá'a m'a ámay, yaqwánxa enxoho chá'a elyetlók.

Salmos 105:39

Appeykessegkek axta yaphope Dios yaqwayam kápok, tén han táxa yaqwayam kalsássesek exma axta'a.

Salmos 107:7

Tén axta apkelya'ásekxo ektaqmelakxa ámay ekmahéyak ma'a xama tegma apwányam yaqwánxa exmakha.

Salmos 143:8

Hey'assásegwakxoho chá'a ko'o ektémakxa seyásekhayo ekyókxoho axto'o, hakte may'ásseykmok ko'o exchep. Hey'ássesagkoho chá'a yaqwánxa atnehek sekweynchámeykha, hakte éltennássek ko'o exchep ma'a aqsok sekmámenyého.

Salmos 78:14

Yaphope axta chá'a apxegkessessók apmonye'e ekhem, keñe axta chá'a axta'a táxa eyápogwate.

Éxodo 15:13

Yetlo apkelásekhayo exchep apnaqleykha s'e énxet'ák apagkok apkelwagkasa nak teyp; yetlo apmopwána nahan apnaqleykekxak ma'a yókxexma ekpagkanamaxchexa apagkok nak.

Ezequiel 20:6

Cháxa ekhem séltennassamakxa axta ko'o alántekkesek ma'a Egipto, anaqlók ma'a apkelókxa sektegyáseykegkaxa axta, xama apkelókxa ényahamakxa nak ma'a weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen, ¡apkelókxa ektaqmalma agko', megkaxnawo nak ma'a ekyókxoho apkelókxa!

Números 9:16

Axta entemék chá'a yókxoho ekhem xa: Ekhem axta chá'a kápok yaphope m'a kélpakxanma nak, keñe axta chá'a axta'a kataxchek ekho táxa eyáléwe.

Números 9:21

Mók xam'a axta'a axta nahan chá'a keythok yaphope m'a néten nak, keñe élsaka enxoho kamyekxak chá'a néten; tén axta elxegekxak chá'a. Elxegekxak axta chá'a ekmeyákxoho enxoho néten ma'a yaphope, megkeyxek axta ekhem tén han axta'a.

Deuteronomio 1:33

apxegama axta chá'a kélmonye'e yaqwayam elyéssesha m'a yaqwánxa enxoho chá'a kólpakxenwók. Táxa eyáléwe axta chá'a appekkenchessók ámay yaqwánxa enxoho chá'a kólyetlók axta'a, tén axta ekhem appekkenchessama chá'a m'a yaphope.