Nehemías 8:6 - Biblia Enxet

⁶ Keñe axta Esdras apkelteméssesa apcheymákpoho Wesse' egegkok, Dios ekha nak apyennaqte, apyókxoho axta han aptáhak apkelátegmowágko apkelya'asa néten apmék se'e: “Katnahagkok sa', katnahagkok sa'.” Tén axta apkelháxahánto ekwokmoho apkeltekxeya élpayhakxa nápaqta'a xapop apkelpeykásawo Wesse' egegkok.

Nehemías 8:6 ပူးပေါင်းရင်းမြစ်များ

Génesis 14:22

Aptáhak axta apchátegmowágkokxo Abram se'e: —Naqsók ko'o ektemessásak Wesse' egegkok, Dios meyke nak ekhémo, ektáha nak apkelane néten tén han keso náxop,

Génesis 24:26

Tén axta apkeltekxeya aptapnák xapop kélásenneykha, apkelpeykásawo Wesse' egegkok,

1 Crónicas 16:36

¡Apcheymákpoho sa' kólteméssesek Wesse' egegkok, Dios apagkok nak Israel, megkatnégwayam néxa'!” Keñe axta apyókxoho énxet'ák aptáha apkelátegmowágko s'e: “¡Katnahagkok sa'!”, yetlókok axta han apkelpeykessamo Wesse' egegkok.

1 Crónicas 29:10

Keñe axta David apteméssesa apcheymákpoho Wesse' egegkok nápaqta'awók ma'a apyókxoho énxet'ák. Aptáhak axta s'e: “¡Apcheymákpoho sa' chá'a kólteméssesek xép Wesse' egegkok, Dios apagkok nak ma'a ẽlyapmeyk nanók Israel!

1 Crónicas 29:20

Tén axta David aptáha apkeláneya apyókxoho énxet'ák se'e: “Kólpeykesho sa' kaxwo' Dios Wesse' kélagkok.” Keñe axta apyókxoho énxet'ák apkelpeykásawo Wesse' egegkok, Dios apagkok axta m'a apyapmeyk nano', apkelháxahágkek axta apkeltekxeyágko aptapnák nápaqtók ma'a Wesse' egegkok, tén han nápaqtók wesse' apwányam, ekwokmoho apkeltekxeyágko nápaqta'a xapop.

2 Crónicas 20:18

Yetlókok axta apkeltekxekxo aptapnák xapop ma'a Josafat, aphaxék axta ekwokmoho aptekxeya ekpayhakxa nápat xapop, keñe axta énxet'ák Judá tén han Jerusalén, apkeltekxeyágko aptapnák apmonye' Wesse' egegkok apkelpeykásawo.

2 Crónicas 29:10

Xénchek ko'o kaxwók ewáxok axnéshok mók sélpaqhetchásamáxkoho Wesse' egegkok, Dios apagkok nak Israel, yaqwayam kamaskok sẽltaqnawéyak negko'o.

2 Crónicas 29:30

Tén axta wesse' apwányam Ezequías, tén han ma'a énxet'ák ekha axta kéláyo, apkeltamho elmeneykmássesek Wesse' egegkok levitas salmos, David axta apmeneykmasso, tén han Dios appeywa aplegasso Asaf. Apkelmeneykmássek axta yetlo élpayheykekxa agko' apkelwáxok ma'a énxet'ák nak, apkeltekxeyágkek axta han aptapnák xapop apkelpeykásawo.

2 Crónicas 6:4

aptáhak axta s'e: “Apcheymákpoho sa' kólteméssesek Wesse' egegkok, Dios apagkok nak Israel, hakte apkelanak ekyókxoho m'a apkeltennassamakxa axta elának ma'a David, táta axta, aptéma axta apkenagkama s'e:

Nehemías 5:13

Ekpaxnexcháha axta han sektaxno keñe sektáha s'e: “Sa' etnéssesek elyawhesha Dios elántekkesek apxanák tén han elyementók xapop apyókxoho melane nak xa apxeyenma nak naqsók elanagkok, sa' etnehek esawhaksohok ekyókxoho aqsok kélagkok ekyetna nak se'e kaxwo' nak.” Aptáhak axta apkelátegmowágko apxámokma apagko' énxet se'e: “Katnehek sa'”, keñe axta apkelteméssesa apcheymákpoho Wesse' egegkok. Apkeláneykegkek axta énxet'ák ma'a apxeyenma axta elanagkok,

Nehemías 8:7

Keñe axta levitas, cham'a Josué, Baní, Serebías, Jamín, Acub, Sabtai, Hodías, Maaseías, Quelitá, Azarías, Jozabad, Hanán, tén han ma'a Pelaías apkeltennásekxoho chá'a ektémakxa segánamakxa m'a énxet'ák. Neyseksa apchaqneykha axta énxet'ák ma'a apchaqnágkaxa axta chá'a,

Salmos 134:2

¡Kólye'és néten kélmék neyseksa kélchaqneykha m'a tegma appagkanamap, kólpeykesho Wesse' egegkok!

Salmos 141:2

Yána kaxhok ko'o sélmaxnagko aphakxa m'a aqsok ekmátsa nak ekpaqneyam éten agkok, yána kaxhok aqsok kélmésso naqsa nak chá'a taxnám ma'a sélya'asso nak chá'a néten emék,

Salmos 28:2

Yeyxho sa' sekwóneykha séltamho enxoho hepasmok, sélya'asa enxoho emék ma'a ekpayho nak apyetnakxa tegma appagkanamap apagkok aptaqmalma.

Salmos 41:13

¡Apcheymákpoho sa' chá'a kólteméssesek Wesse' egegkok, Dios apagkok nak Israel, kaxwo' nak, tén han megkatnégwayam néxa! ¡Katnahagkok sa'!

Salmos 63:4

Axénmakha sa' chá'a ektaqmela neyseksa sekha makham, alya'ássesek sa' chá'a néten emék sélmaxneya enxoho chá'a.

Salmos 95:3

Hakte Wesse' egegkok apteme Dios apwányam apagko', apteme Wesse' apwányam neyseksa m'a ekyókxoho aqsok ekha nak élmowancha'a.

Éxodo 12:27

Sa' kóltéhek kólátegmowagkokxak kéxegke s'e: ‘Keso aqsok kéltósso ekmatñà ekhem mólwagqayam Pascua, eñama m'a Wesse' egegkok. Hakte cham'a apkelnapa axta egipcios, apkelyeykhágkek axta aqsa chá'a apxanák ma'a israelitas apheykha axta m'a kañe' Egipto, keñe axta apkelweykmo negko'o teyp ma'a neghawóxama.’” Tén axta apkelháxahánto m'a israelitas apkelpeykásawo.

Éxodo 4:31

Tén axta m'a énxet'ák nak maxta elya'ássekmok. Xama axta apkelya'ásegwokmo apkeláneykencha'a Wesse' egegkok tén han apweteya ektémakxa apkellegeykegkoho. Apkelháxahánteyk axta apkeltekxeyágko aptapnák xapop apkelpeykásawo.

Jeremías 28:6

—¡Elánho annal'a Wesse' egegkok xa aqsok nak! ¡Yánho annal'a katnehek Wesse' egegkok xa aptáhakxa nak appeywa, keñe kólsanták makham ma'a aqsok kélmeykegkaxa nak tegma appagkanamap, keñe elchexyók nahan apyókxoho m'a kélnaqleykekxa axta m'a Babilonia!

Lamentaciones 3:41

Agya'assásekxak sa' makham élchetamso egwáxok Dios ma'a néten, tén han nélmaxnagko.

Levítico 9:24

tekkek axta táxa m'a aphakxa nak Wesse' egegkok, sawhawók axta élwatna m'a kélnaqtósso kélmáheyo axta kólwatnek, tén han ma'a pexmok ekhágko axta m'a néten nak ekwatnamáxchexa aqsok. Xama axta apkelwet'a apyókxoho israelitas xa, axta eleyságkohok apkelwónchesa apkelátsencha'a, apkelháxahánteyk axta ekwokmoho apkeltekxeyágko élpayhakxa nápaqta'a xapop.