Nehemías 8:18 - Biblia Enxet

¹⁸ Apkeláneykegkek axta apkelsawássessamo ekweykmoho siete ekhem. Yókxoho ekhem axta apkelyetsete Esdras ma'a weykcha'áhak ekpeywa Dios segánamakxa apagkok, eyeynamo m'a émha amonye' ekxegál'a ekhem, ekwokmoho ektemegwánxa néxa, keñe axta ekhem ocho, élánéxko apchaqneykekxa kélpeykessamo Dios, ekhawo éltémókxa axta chá'a elanagkok ma'a segánamakxa.

Nehemías 8:18 ပူးပေါင်းရင်းမြစ်များ

Nehemías 8:2

Apsánteyk axta Esdras, apteme axta apkelmaxnéssesso Dios énxet'ák apagkok ma'a weykcha'áhak segánamakxa, nápaqta'awók ma'a énxet'ák apchaqnákxexa axta, tén han kelán'ák, tén axta han ma'a apyókxoho apmopwána nak chá'a élchetámeykha apkelwáxok, cham'a ekhem émha amonye', pelten siete;

Nehemías 8:3

axto'ók axta han apcheynawo apkelyetsetchesso nápaqta'awók apyókxoho énxet'ák ekweykmoho yetseksók ekhem, cham'a eyáxñe ekyetnama nak ma'a ekpayho nak átog kéltéma nak Yegmen. Apyókxoho énxet'ák axta aphaxnawok élyetsátamáxche m'a weykcha'áhak segánamakxa.

Levítico 23:36

Kólwatnések sa' chá'a aqsok kélmésso naqsa Wesse' egegkok ekweykmoho siete ekhem, keñe ekhem ocho, kóllának han chá'a kélaqneykekxa kélpeykessamo, tén han kólwatnések chá'a aqsok kélmésso naqsa m'a Wesse' egegkok. Hakte cháxa kélessawássessamókxa chá'a xa, megkóllanyek sa' nahan chá'a kéltamheykha ekyentaxno xama enxoho.

Levítico 23:41

Yókxoho apyeyam sa' chá'a kóllának kéxegke kélessawassamo ekweykmoho nak siete ekhem, megkólwagqayam nak Wesse' egegkok, cham'a pelten siete nak. Cháxa segánamakxa meyke néxa xa, yaqwayam sa' kawakxohok ma'a apyapmeyk, tén han kélketchek.

Números 29:35

“Keñe sa' ektáhakxa nak ocho ekhem kólaqnekxak sa' yaqwayam kólpeykeshok Wesse' egegkok, megkóllányek sa' nahan kéltamheykha xama enxoho xa ekhem nak.