Nehemías 8:12 - Biblia Enxet

¹² Apyókxoho énxet'ák axta apkeltaqhákxak aptásweykxo aptéyak, tén han apyenágko, tén han appasmeykxo chá'a aptéyak pók, tén han apkelánegko apkelsawássessamo ekyawe, hakte apkelya'ásegwokmek axta ektáhakxa kélxekmósso.

Nehemías 8:12 ပူးပေါင်းရင်းမြစ်များ

1 Crónicas 29:22

Cháxa ekhem aptókagkaxa axta aptéyak keñe han apyenágko apyenéyak, nápaqtók Wesse' egegkok yetlo élpayheykekxa apkelwáxok. Tén axta apxénakpekxoho makham apteme wesse' apwányam ma'a Salomón, David apketche, keñe axta kélteméssesa wesse' apwányam, tén axta Sadoc kélteméssesa appasmo apkelmaxnéssesso Dios énxet'ák apagkok.

Nehemías 8:10

Aptáhak axta han Esdras apkeláneya s'e: “Kóltaqhekxa', kóltáswakxa kéltéyak ektaqmela, kólyenák sa' han ma'a vino ekmátsa nak, kóláneyha sa' han ma'a meykexa nak yaqwayam etawagkok, hakte sakhem ekteme ekhem kélpagkanchessamakxa m'a Wesse' egegkok. Nágkalyaqhapmakha kélwáxok, hakte cha'a segyennaqtésso m'a ekpayheykekxa egwáxok segméssamól'a Wesse' egegkok.”

Nehemías 8:11

Apkelwanmeyásekxeyk axta han énxet'ák ma'a levitas, apkeltamho elwanmeyekxa', tén han mellekxagwaha, hakte cháxa ekhem kélpagkanchessamakxa axta m'a Wesse' egegkok.

Nehemías 8:13

Mók ekhem axta táhak, apchaqnákxeyk axta apyókxoho apkelámha apmonye'e nak chá'a apnámakkok, tén han apkelmaxnéssesso Dios énxet'ák apagkok xamo' ma'a Esdras, apkelxekmósso axta chá'a énxet'ák, yaqwayam enxoho elanok ektémakxa ekpeywa m'a segánamakxa.

Ester 9:22

hakte cháxa ekhem apmassessámxa axta apkelenmexma m'a judíos, tén han pelten ekyaqmagákxexa axta élpayheykekxa apkelwáxok ma'a éllapwáméyak, ekyaqmagákxexa axta apkellekxagweykha m'a apkelsawássessamo. Cháxa ekhem apkeláneyákpexa axta chá'a elanagkok ektámaxche ekyawe yetlo élpayheykekxa apkelwáxok, egkések nahan chá'a aqsok apmésso naqsa m'a pók, tén han elmésagkok chá'a aqsok ma'a énxet'ák apmopyóseka nak.

Job 23:12

Éláneyak chá'a ko'o m'a segánamakxa apagkok nak, tén han apchánamakxa nak antéhek, malaneyk ma'a sekmámenyého ahagko' nak.

Salmos 119:111

Aqsok ahagkok meyke néxa ko'o m'a apchánamakxa nak antéhek, hakte cháxa sepeykessáseykekxa chá'a ko'o ewáxok ma'a.

Salmos 119:127

Cháxa keñamak sekmámenyého nak ko'o m'a apkeltémókxa nak antéhek, megkaxnawok ekwánxa nak sekmámenyého m'a sawo ekyátekto ekmomnáwa ektaqmalma.

Salmos 119:130

Hẽlsássesek chá'a exma sẽltennáseyncha'a enxoho chá'a m'a appeywa, kaltamaksek chá'a m'a énxet'ák meyke nak apkelya'áseyak.

Salmos 119:14

Kapayhekxohok agko' sa' ko'o ewáxok eytlakxak ma'a apchánamakxa nak antéhek, megkaxók sa' ma'a ekweykenxa nak chá'a ekpeykáseykekxa ewáxok ekxámokma aqsok ahagkok.

Salmos 119:16

Hepeykessásekxak sa' ko'o ewáxok ma'a segánamakxa apagkok, mehelwánaqmágwomek sa' ma'a appeywa.

Salmos 119:171

Malwátéssemek sa' chá'a sélpeykessamo, hakte élxekmóssegkek xép segánamakxa apagkok.

Salmos 119:174

Wesse', ¡émenyeyk ko'o exchep hewagkasek teyp! ¡Peykáseykekxeyk ko'o ewáxok nélxekmowásamáxche apagkok nak!

Salmos 119:72

Tásók agko' ko'o sélányo m'a nélxekmowásamáxche apagkok, megkaxnawok ma'a ekwánxa nak ekyókxoho m'a selyaqye nak keso náxop.

Salmos 119:97

¡Awanhek ko'o seyásekhayo nélxekmowásamáxche apagkok! ¡Yókxoho ekhem chá'a élchetagkáseykha ewáxok!

Jeremías 15:16

Epaqhetchessek axta agkok chá'a exchep, ataqmelcheshok axta chá'a ko'o sekháxenmo; hakte cha'a ekteme ko'o sepeykessáseykekxa chá'a ewáxok ma'a, tén han segkésso ekmátsa ewáxok, hakte ko'o apagkok xép Wesse' Dios ekha nak apyennaqte.