Nehemías 6:6 - Biblia Enxet

⁶ Axta temék se'e: “Weynchámeyha amya'a nepyeseksa énxet'ák, apxénchek xép Guésem, tén han ma'a judíos, apkelánekxo apkelpeywa peya yenmexek, la'a apxátekháseykekxo m'a kélhaxtegkesso nak nepyáwa tegma. Xép héxta etnehek wesse' apwányam axta táhak amya'a,

Nehemías 6:6 ပူးပေါင်းရင်းမြစ်များ

Esdras 4:12

“Néltamhók negko'o exchep agya'ássesagkohok wesse', cham'a énxet'ák judios sempáxaqweykto nak negko'o apkelweykto nak makham Jerusalén. Apxátekhásekxeyk makham tegma apwányam apkenmexeykha nak chá'a exchep, ekmaso nak aptémakxa. Apxátekhásekxeyk makham ma'a meteymog kélhaxtegkesso nak nepyáwa' tegma, apkelánekxeyk nahan ma'a apowhók nak.

Esdras 4:15

yaqwayam enxoho ektamok ma'a weykcha'áhak apnaqtáxéseyak axta m'a apyapmeyk nano' nak xép wesse'. Étak sa' xép tegma apwányam apkenmexeykekxa, tén han aptawassáseykha chá'a apheykha m'a apkelwesse'e apkelwányam, tén han ma'a mók yókxexma apagkok nak, hakte nanók agko' axta aptamhéyak chá'a apkenmexeykekxa, cháxa keñamak kélmassésseykmo axta m'a.

Nehemías 2:19

Xama axta apleg'a Sambalat, aphama axta m'a Horón, tén han Tobías, apteme axta wesse' apwányam apkeláneykha amonita, tén han ma'a Guésem apteme nak árabe, ẽlasméssek axta negko'o. Aptáhak axta sẽláneya yetlo sẽlwanyeykha s'e: —¿Yaqsa kélmako kóllának kéxegke? ¿Xénchek enxeykel'a kélwáxok kólenmexekxak wesse' apwányam?

Nehemías 6:13

apyánmagkassek axta apkeltamho hégwakkasek, yaqwayam enxoho alának may'assáxma. Keñe axénaxchek ko'o ekmaso, kamaskok han sélháxenmo.

Nehemías 6:5

Keñe axta Sambalat seyaphassásekxo makham mók ekhémo xa amya'a nak, cinco axta wokmok seyaphássesso, weykcha'áhak meyke kélpextete ekyennaqte axta eyke m'a, apkeláneykha axta apcháphásak hesókásegma'.

Nehemías 6:7

apkelyésáha exnek han kaxwók ma'a apkellegasso Dios appeywa, yaqwayam hek xép etnéssesek wesse' apwányam ma'a Jerusalén, tén han elxének apha kaxwók wesse' apwányam ma'a Judá. Eñak sa' wesse' apwányam Artajerjes xa amya'a nak. Nók, ólpaqmétek sa' egqántánxo.”

Jeremías 20:10

Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”