Nehemías 5:18 - Biblia Enxet

¹⁸ Ko'o ahagko' han chá'a sélnapma m'a weyke, seis nepkések apnaqmele, tén han tat'a, cham'a ekhánamáxche nak chá'a yókxoho ekhem; diez ekhem han chá'a kawaták ekyawe agko' ma'a vino. Makke ko'o altémók chá'a axkak ma'a sepayhémo nak sekteme séláneykha apchókxa, hakte awanhek chá'a katnehek ekyentaxnéssesso apheykha énxet'ák.

Nehemías 5:18 ပူးပေါင်းရင်းမြစ်များ

1 Reyes 5:3

“Apya'ásegkok xeyep ma'a David, táta axta ko'o, mopwanchek axta apmáheyo elanaksek xama tegma Dios Wesse' apagkok, eñama eyáhapwe kempakhakma, tén han ekwokmoho apmésa yaqwayam elmok Wesse' egegkok ma'a apkelenmexma.

Salmos 37:21

Yának chá'a kólmássesha aqsok ma'a élmasagcha'a nak apkeltémakxa, keñe meyaqmagkásekxeyk chá'a, apyósek eyke elanok pók ma'a énxet ektaqmalma nak aptémakxa, memyewek nahan aqsok apagkok.

Salmos 37:26

Yókxoho ekhem chá'a apmopyósa elanok pók, tén han apmassáseykha chá'a aqsok apagkok; Dios han apkelmésso m'a apketchek, eñama ektaqmeleykha apwáxok apkelányo.