Nehemías 5:17 - Biblia Enxet

¹⁷ Exmakha chá'a ciento cincuenta énxet sektawakxa sekto, cham'a judíos nak, tén han ma'a wesse' apwányam apkeláneykha, meyke kélyetsáteykekxa m'a senteme nak meyk'a, apkeleñama nak neyáwa' negheykegkaxa.

Nehemías 5:17 ပူးပေါင်းရင်းမြစ်များ

2 Samuel 9:13

Jerusalén axta eyke aphak ma'a Mefi-bóset, élyelqamáxche axta apyay'ák, hakte axta aptamakxa chá'a apto m'a aptamakxa axta chá'a apto wesse' apwányam.

2 Samuel 9:7

Aptáhak axta apcháneya David se'e: —Nágkatneykha aqsa apwáxok, ataqmelchesek sa' ko'o exchep, ekxeyenweykekxoho ewáxok ma'a Jonatán, apyáp axta exchep. Wának sa' kólmeyásekxak makham ma'a ekyókxoho xapop apagkok axta m'a apyáta' Saúl, etwok sa' chá'a apto m'a sektamakxa nak chá'a sekto.

1 Reyes 18:19

Yána kaxwo' yánchásekxak énxet'ák apyókxoho israelitas ma'a egkexe nak Carmelo, yetlo m'a cuatrocientos cincuenta apkellegasso nak Baal ekpeywa, tén han ma'a cuatrocientos apkellegasso nak ekpeywa m'a Aserá, ekpasmoma nak ma'a Jezabel.

1 Reyes 5:3

“Apya'ásegkok xeyep ma'a David, táta axta ko'o, mopwanchek axta apmáheyo elanaksek xama tegma Dios Wesse' apagkok, eñama eyáhapwe kempakhakma, tén han ekwokmoho apmésa yaqwayam elmok Wesse' egegkok ma'a apkelenmexma.

Nehemías 5:16

Éláneyak han ma'a seyánémaxche nak alána', sekxátekháseykekxo m'a kélhaxtegkesso nak nepyáwa tegma apwányam, keñe malmoma m'a xapop, apkeltamheykha axta han apyókxoho m'a séláneykha nak.

Isaías 32:8

Keñe m'a énxet ektaqmalma nak aptémakxa tásek chá'a katnehek élchetámeykha apwáxok aqsok apmáheyo elána', meyensemek nahan chá'a aqsok apmáheyo elána'.