Nehemías 4:2 - Biblia Enxet

² aptáha appaqmeta nápaqta'awók apkelxegexma'a, tén han sẽlpextétamo nak Samaria: “¿Yaqsa apmako elanagkok makham xa judíos meyk át'ák nak? ¡Apkeneykek kexa kólhok makham elwatnek aqsok apnaqtósso apkelnapma! ¡Apkeneykek kexa yepwának epenchesagkok apkeltamheykha xama ekhem! ¡Apkeneykek kexa elwetekxak makham axnagcha'ák meteymog ektaháneykekxo nak mók nekha'a étkók kélwatno axta nano'!”

Nehemías 4:2 ပူးပေါင်းရင်းမြစ်များ

Esdras 4:4

Keñe axta m'a énxet'ák apheykha nak ma'a yókxexma nak, aptegyáncha'a aptamhágkaxa yaqwayam elháxexchássók ma'a énxet'ák Judá, tén han megyohók elanagkok ma'a tegma.

Nehemías 12:27

Kélnaqlósawákxeyk axta levitas ekyókxoho yókxexma apheykegkaxa axta chá'a ekwokmoho axta ekhem yaqwánxa kólessawásseshok kélhaxtegkesso nak ma'a Jerusalén, kélnaqlákxeyk axta m'a Jerusalén, yaqwayam enxoho elessawásseshok yetlo élpayheykekxa apkelwáxok, tén han elmeneykmaksek negmeneykmasso, yetlo apkelpáwasso m'a apkelaqtáwasso ekho nak sokpayhe étkók, arpa, tén han yát'axpog.

Nehemías 12:43

Kélnapchek axta han ekxámokma aqsok kélnaqtósso xa ekhem nak, kelpayhekxeyk agko' axta apkelwáxok ma'a énxet'ák, hakte Dios axta apkelpeykessásekxak apkelwáxok. Kelpayhekxeyk agko' axta han awáxok ma'a kelán'ák, tén han sakcha'a létkók, legáxkók axta makhawók apkelátseykha énxet'ák ma'a Jerusalén.

Nehemías 4:10

Keñe axta énxet'ák Judá aptáha s'e: “Apkelyelqákpek ma'a apkelpata nak chá'a meteymog nekha'a, hakte xámók agko' ma'a meteymog nekha'a. Mogwanchek han negko'o anlánekxak ma'a meteymog kélhaxtegkesso nak nepyáwa tegma.”

Nehemías 6:15

Penchásexcheyk axta élánamáxche tegma kélhaxtegkesso ekhem veinticinco, pelten kéltéma axta Elul, cincuenta y dos ekhem axta weykmok élánamáxche.

Salmos 83:4

Xénchek apkelwáxok elxegmak hegmasséssók negko'o, yaqwayam enxoho kamassegwók nélwetamaxche', yaqwayam enxoho megkaxénwók chá'a kélwáxok apwesey m'a Israel.

Jeremías 26:18

“Apkeltennassegkek axta apyókxoho énxet'ák Judá, aptémakxa appeywa Wesse' egegkok ma'a Miqueas, apkeñama axta Moreset, cham'a aptémakxa axta wesse' apwányam Judá m'a Ezequías. Axta aptemék apkelanagkama s'e: “Aptáhak Wesse' ekha nak apyennaqte s'e: Namyep kélpeyncheyam xóp sa' katnekxak ma'a Sión, meteymog ektaháneykekxa mók sa' katnekxak ma'a Jerusalén, keñe sa' néten egkexe apyetnamakxa nak tegma appagkanamap, náp'at sa' katnekxa'.”

Jeremías 33:24

“¿Ya ékpelchak xép apxéna énxet'ák sélyetnakhasa ko'o ánet apheykegkaxa énxet'ák ektáha axta ko'o sélyéseykha ahagko', cham'a Israel tén han Judá? ¡Cháxa keñamak kéllano nak chá'a yetlo kélwanyeykha m'a énxet'ák ahagkok, massék kaxwók kélteméssesa xama apchókxa!

Daniel 9:25

Kéméxcheyk xép ékpelkoho' tén han ey'asagkohok se'e: Kayeykhak sa' siete semána, cham'a sekxók axta eyeynókxa kélmáheyo kólxátekhásekxak makham ma'a Jerusalén, ekwokmoho apwa'a m'a apkemha apmonye' appagkanamap nak, sesenta y dos semána sa' kawomhok kélláneykekxa m'a ámay nak Jerusalén, tén han ma'a kélhaxtegkesso nak nepyáwa', ekyentaxno negha sa' eyke katnehek xa ekhem nak.

Habacuc 3:2

Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Zacarías 12:8

Almeyók sa' ko'o m'a apheykha nak Jerusalén, ko'o sektáha nak Wesse'. Apkelyennaqte sa' nahan etnahagkokxak ma'a apkelyelqamákpoho nak, ektéma axta m'a wesse' apwányam David, keñe sa' ma'a David aptawán'ák neptámen nak etnahagkokxak ma'a aptémakxa nak Dios, aptémakxa nak ma'a Wesse' egegkok apchásenneykha, apxegamól'a chá'a apmonye'e.

Zacarías 4:10

“Kalpayhekxak sa' kaxwók apkelwáxok apkelwet'a enxoho appenchesa aptamheykha Zorobabel ma'a metnéssesso axta naqsók ma'a sekxók axta eyeynókxa apkelane aptamheykha.” Tén axta aptáha makham Dios apchásenneykha s'e: “Cháxa siete cháléwasso étkók nak ekteme Wesse' egegkok apaqta'ák, eksawheykekxoho nak apkelányo s'e ekyókxoho nak keso náxop.”