Nehemías 4:17 - Biblia Enxet

¹⁷ apxátekháseykekxa axta m'a tegma kélhaxtegkesso. Apkelpatmeyk axta makham meteymog ma'a apkelpata nak chá'a meteymog nekha'a, xama apmek axta chá'a apkeltamháha, xama apmek axta han chá'a apkelmáha apkelmeykha apkenchesso nak kempakhakma.

Nehemías 4:17 ပူးပေါင်းရင်းမြစ်များ

Nehemías 4:13

Tén axta séltémo ko'o exmakha chá'a énxet'ák yetlo apnámakkok ma'a teyp nak meteymog kélhaxtegkesso, keñe han élyapwate nak chá'a, tén han ma'a élyagqaxe nak, yetlo apkelmeykha sókwenaqte, sawhéwa, tén han yágke.

Nehemías 4:16

Nápakha énxet'ák ahagkok axta ko'o apkeltamháha xa ekhem nak, tén axta han nápakha apkelmeyncha'a apkelmeykha apkenchesso kempakhakma, cham'a sawhéwa, apkeláhakkásamap, yágke, tén han apkeláhakkasso apnénya'ák. Appasmeyk axta apkelámha apmonye'e m'a énxet'ák Judá,

Nehemías 4:18

Apyókxoho axta han chá'a apkelchexanma nepxet sókwenaqte m'a apkeltamheykha apkeláneykekxa nak kélhaxtegkesso m'a tegma, nehekha' axta apkenmáha m'a apchánémap axta chá'a yaqkahaksek kélaqkahasso,

Salmos 149:6

Nágkólésagkoho kólmeneykmássesek Dios, yetlo kélmeykha sókwenaqte ánet ahamtek,

Cantares 3:8

apwancha'ak nahan apkelmeykha sókwenaqte xa apyókxoho nak, kempakhakma yapmeyk apkelya'áseykegkoho ektémakxa némpakhe; xama xama nahan chá'a apketchesso nepxet ma'a sókwenaqte apagkok apkenchesso katnégwomhok exma axta'a.

Daniel 9:25

Kéméxcheyk xép ékpelkoho' tén han ey'asagkohok se'e: Kayeykhak sa' siete semána, cham'a sekxók axta eyeynókxa kélmáheyo kólxátekhásekxak makham ma'a Jerusalén, ekwokmoho apwa'a m'a apkemha apmonye' appagkanamap nak, sesenta y dos semána sa' kawomhok kélláneykekxa m'a ámay nak Jerusalén, tén han ma'a kélhaxtegkesso nak nepyáwa', ekyentaxno negha sa' eyke katnehek xa ekhem nak.

Joel 2:8

Meltégwakpehek han chá'a; elxog aqsa chá'a, elápxegagkok aqsa neyseksa yágke aktek, meyke apkexpánwayam.