Nehemías 4:16 - Biblia Enxet

¹⁶ Nápakha énxet'ák ahagkok axta ko'o apkeltamháha xa ekhem nak, tén axta han nápakha apkelmeyncha'a apkelmeykha apkenchesso kempakhakma, cham'a sawhéwa, apkeláhakkásamap, yágke, tén han apkeláhakkasso apnénya'ák. Appasmeyk axta apkelámha apmonye'e m'a énxet'ák Judá,

Nehemías 4:16 ပူးပေါင်းရင်းမြစ်များ

Nehemías 4:15

Xama axta apkelleg'a sẽlenmexma nempenchesa nenláneykekxa nentáhakxa, tén han metekkessesa Dios ma'a yaqwánxa etnahagkok, negyókxoho axta negya'aweykxak ma'a kélhaxtegkesso nak tegma, nélmeyákxeyk axta chá'a enxama m'a ekpayhókxa chá'a néltamheykegkaxa.

Nehemías 4:17

apxátekháseykekxa axta m'a tegma kélhaxtegkesso. Apkelpatmeyk axta makham meteymog ma'a apkelpata nak chá'a meteymog nekha'a, xama apmek axta chá'a apkeltamháha, xama apmek axta han chá'a apkelmáha apkelmeykha apkenchesso nak kempakhakma.

Nehemías 4:23

Axta han ólhaxyawáseykegkok negko'o nélántaxno, ko'o, tén han énámakkok nak, tén han ma'a sempasmeykha nak nentamheykha, tén han ma'a énxet'ák senleyxcháseykha nak, sélxegexma'a nak ko'o, apkelmeykha axta chá'a m'a sawhéwa.

Salmos 101:6

Kalkohok sa' eyke chá'a ko'o ewáxok ma'a énxet'ák melyenseyam nak chá'a apkelyetleykha Dios, yaqwayam sa' exmakha chá'a xamók ko'o; wánxa sa' aqsa chá'a etnehek séláneykha m'a ektaqmalma nak chá'a apkeltémakxa.

Éxodo 28:32

yetlo apyagqaxe nepyeseksa nétchessamakxa empátek. Eyaqsásekxa sa' nahan elanaksek egyespok ma'a nekhaw'ék nak apyagqaxe, aptémól'a egyespok ma'a kéltaxno kéllanel'a aqsok émpehek, yaqwayam enxoho melyeptakpehe'.

Cantares 3:8

apwancha'ak nahan apkelmeykha sókwenaqte xa apyókxoho nak, kempakhakma yapmeyk apkelya'áseykegkoho ektémakxa némpakhe; xama xama nahan chá'a apketchesso nepxet ma'a sókwenaqte apagkok apkenchesso katnégwomhok exma axta'a.

Jeremías 46:4

¡Kóltahanchesák yátnáxeg! ¡Kólchenát kélchánte nak chá'a! ¡Kólatchásekxa kélatchesso kélpátek sawo, kóléwekxa'! ¡Kólmaxneyagkokxa sawhéwa! ¡Kóláhakkásekxa kélnénya'ák kéláhakkasso nak chá'a!