Nehemías 3:14 - Biblia Enxet

¹⁴ Keñe axta Malquías, Recab axta apketche, apkeláneykha apchókxa axta m'a yókxexma Bet-haquérem, apkeláneykxo m'a átog kéltéma nak Kélchexakhamakxa Aqsok Apák, apnegkenágkek axta han atña'ák, yetlo m'a kélápeykekxexa nak chá'a, tén han ma'a yámet ekméyak nak chá'a átog.

Nehemías 3:14 ပူးပေါင်းရင်းမြစ်များ

2 Samuel 4:2

Yetneyk axta han Is-bóset apqánet énxet apkeláneykha apkelámha apmonye'e apkelmenyexma. Baaná axta apwesey xama, tén axta Recab ma'a pók. Rimón axta apketchek, apkeñama axta m'a Beerot, Benjamín axta aptawán'ák neptámen, hakte Benjamín énxet'ák apagkok axta han kélteméssessók ma'a apheykha nak Beerot,

2 Reyes 10:15

Xama axta apxegákxo makham Jehú apkeñama m'a, aptahanya'awók axta Jonadab, Recab axta apketche, apya'eykekxo axta m'a nanók axta. Appeykessek axta m'a Jehú keñe aptáha apcháneya s'e: —¿Hawóya mók ektáhakxa egwáxok ektaqmela nenlano egmók? —Éhay —axta aptáhak apchátegmowágko Jonadab. —Hoy, hegkés sa' apmek —axta aptáhak Jehú. Apméssek axta apmek ma'a Jonadab, keñe Jehú apkenátchesa m'a yátnáxeg apyenyawasso apagkok,

1 Crónicas 6:40

cham'a Simá, Micael axta apketche, cham'a Micael, Baaseías axta apketche, cham'a Baaseías, Malquías axta apketche,

Nehemías 12:31

Keñe axta ko'o séltamho yaqnágwók néten kélhaxtegkesso tegma m'a apkelámha apmonye'e nak énxet'ák Judá, éxpánchessek axta ánet apkelyaqyeyáseyak apkelmeneykmasso apxámokma. Apkelxegkek axta xama apyaqyeyáseykekxa nak apkelmeneykmasso apkelpéwomo ekpayho nak nélya'assamakxa néten ma'a kélhaxtegkesso nak tegma, apkelpéwo ekyetnamakxa axta m'a átog kéltéma nak Kélchexakhamakxa Aqsok Apák.

Nehemías 2:13

Cháxa axta'a sektepakxa axta ko'o m'a átog éltamhomaxko nak Ekyapwátegweykenxa Xapop, sekpéwo m'a ámay ekteyapmakxa nak yegmen éltamhomaxko nak Yéwa Ekwányam, tén han ma'a átog éltamhomaxko nak Kélchexakhamakxa Aqsok Apák, élanawók axta m'a kélhaxtegkesso nak Jerusalén, cham'a kélyaqnegkáseyak axta, tén han ma'a atña'ák kélwatneykekxa axta.

Nehemías 3:9

Keñe axta han xama nekha kélhaxtegkesso apkeláneykekxo m'a Refaías, Hur axta apketche, apteme axta apkemha apmonye' nekha m'a yókxexma Jerusalén.

Jeremías 6:1

¡Benjamín énxet'ák apagkok, kóltegyaha kélyexanmomakxa! ¡Kólántép Jerusalén! Kólpáwés kélaqkahasso m'a Tecoa, kólya'és néten xama aqsok magkenatchesso m'a Bet-haquérem, hakte nexcheyha peyk kañék kaxegmak ma'a nentekyawa tén han nenlegeykegkoho ekmaso agko'.