Nehemías 3:1 - Biblia Enxet

¹ Keñe axta m'a apkemha apmonye' apagko' nak apkelmaxnéssesso Dios énxet'ák apagkok Eliasib, yetlo apkelxegexma'a aptamhéyak nak apkelmaxnéssesso Dios énxet'ák apagkok, apkeláneykxo m'a átog éltamhomaxchexa axta Nepkések. Apnegkenchásekxeyk axta éltegyésso, tén axta apnegkenágkokxo han ma'a atña'ák, apkelánekxeyk axta m'a kélhaxtegkesso nak nepyáwa tegma, eyeynamo m'a tegma apwenaqte kéltéma nak Cien, ekweykekxoho m'a tegma apwenaqte kéltéma nak Hananel.

Nehemías 3:1 ပူးပေါင်းရင်းမြစ်များ

Nehemías 12:10

Joaquim axta apyáp ma'a Josué, keñe axta Joaquim apketche m'a Eliasib, keñe axta Joiadá apyáp m'a Eliasib,

Nehemías 12:30

Tén axta apkeláxñásekxo apyempe'ék ma'a apkelmaxnéssesso nak Dios énxet'ák apagkok, tén han levitas. Tén axta han apkelaxñassásekxo apyempe'ék ma'a énxet'ák, tén han ma'a atña'ák nak tegma apwányam, tén han kélhaxtegkesso nak nepyáwa'.

Nehemías 12:39

nélyeyk'ak axta m'a átog kéltéma nak Efraín, tén han ma'a átog nak Jesaná, tén han átog kéltéma nak Kelasma, tén han ma'a tegma apwenaqte Hananel, tén han tegma apwenaqte kéltéma nak Cien, ekweykekxoho m'a átog kéltéma nak Nepkések; nenchaqnágwokmek axta m'a átog kéltéma nak Apkelhaxneykha.

Nehemías 13:28

Ektekkessegkek axta han sekhakxa m'a Joiadá apketche, apketche axta m'a Eliasib, apteme axta apkemha apmonye' apkelmaxnéssesso Dios énxet'ák apagkok, apepháyem axta m'a Sambalat, apteme axta horonita.

Nehemías 13:4

Apkelmaxnéssesso Dios énxet'ák apagkok Eliasib axta aptaqmelchesso kélxátamakxa axta chá'a aqsok ma'a Dios egagkok nak tegma appagkanamap apagkok, amonye' ekteme axta xa. Pók axta han Eliasib ma'a Tobías,

Nehemías 3:20

Keñe axta Baruc, Zabai axta apketche, apkeláneykxo m'a mók nekha nak kélhaxtegkesso nepyáwa tegma, eyeynamo m'a máséyak nak, ekweykekxoho m'a átog Eliasib nak apxagkok, apteme axta apkemha apmonye' apkelmaxnéssesso Dios énxet'ák apagkok,

Nehemías 3:21

keñe axta Meremot, Urías axta apketche, Cos axta aptáwen, apkeláneykxo m'a mók kélhaxta nak nepyáwa tegma, eyeynamo m'a átog nak Eliasib apxagkok, ekweykekxoho néxa xa tegma nak.

Nehemías 3:32

Keñe axta apkelánéyak nak chá'a sawo ekmope ekmomnáwa, tén han ma'a ekha nak chá'a apkexeykekxa aqsok, apkeláneykxo m'a mók kélhaxtegkesso nak nepyáwa tegma, eyeynamo m'a kélláneykegkaxa nak yókxexma ekpayho nak máséyak, ekweykekxoho m'a átog kéltéma nak Nepkések.

Nehemías 6:1

Xama axta apkelleg'a amya'a m'a Sambalat, Tobías, Guésem apteme nak árabe, tén han ma'a pók nélenmexma nak, sekxátekhásekxo ko'o m'a kélhaxta nak nepyáwa tegma, meyke seyáyam élyagqáxeykha (axta eyke anegkeneykegkok makham atña'ák ma'a sekmáheyókxa axta chá'a anegkenek),

Nehemías 7:1

Xama axta ekpenchásamáxko kélxátekháseykekxa kélhaxtegkesso tegma, tén han kélnegkenéyak atña'ák, kélyésáha axta apkeltaqmelchesso átog, tén han ma'a apkelmeneykmassamo nak, tén han levitas.

Salmos 30:1

Wesse', ekteméssessek ko'o exchep apcheymákpoho, hakte emallahanchessek ko'o exchep aqsok ekmaso, megyahayók hésmaksek ma'a sélenmexma nak.

Salmos 48:12

Kólweynchamha m'a neyáwa nak Sión, kólyetset tegma apkelwenaqte aphágko nak ma'a;

Proverbios 3:6

Ná elwánaqma chá'a Wesse' egegkok apkelana enxoho chá'a ekyókxoho aqsok, keñe sa' ma'a, exekmósek chá'a m'a ámay ekpéwomo nak.

Proverbios 3:9

Etne apcháyo Wesse' egegkok elmések aqsok apagkok yetlo m'a émha amonye' ekyexna nak aqsok apkeneykekxa';

Jeremías 31:38

Aptáhak Wesse' egegkok se'e: “Kammok sa' ekhem yaqwayam kólxátekhásekxak makham ma'a tegma apwányam ahagkok, eyeynamo m'a tegma netno' nak Hananel, ekweykekxoho m'a ekwesey nak Átog Máséyak.

Daniel 9:25

Kéméxcheyk xép ékpelkoho' tén han ey'asagkohok se'e: Kayeykhak sa' siete semána, cham'a sekxók axta eyeynókxa kélmáheyo kólxátekhásekxak makham ma'a Jerusalén, ekwokmoho apwa'a m'a apkemha apmonye' appagkanamap nak, sesenta y dos semána sa' kawomhok kélláneykekxa m'a ámay nak Jerusalén, tén han ma'a kélhaxtegkesso nak nepyáwa', ekyentaxno negha sa' eyke katnehek xa ekhem nak.

Zacarías 14:10

Xóp meyke élekhahéyak sa' katnekxak ekyókxoho s'e apchókxa nak, eyeynamo m'a Gueba ekweykmoho m'a Rimón, ekpayho nak nepyeyam ma'a Jerusalén. Netnók sa' keytek ma'a Jerusalén, exmakha sa' nahan énxet xa yókxexma nak, eyeynamo m'a Benjamín Átog apagkok nak ekweykekxoho m'a Máséyak Átog nak, (ekyetnamakxa axta m'a Nanók Átog) tén han eyeynamo m'a tegma apwenaqte nak Hananel ekweykekxoho m'a kélyaqhapmakxa nak anmen yámet ekyexna apagkok ma'a wesse' apwányam.

Deuteronomio 20:5

“Keñe sa' natámen elpaqhetchesek énxet'ák ma'a apkelámha apmonye'e nak sẽlpextétamo. Sa' etnehek se'e: ‘Yetneyk sa' agkok chá'a kélxama kéxegke kéllane kélxagkok aphaxnagkok, megkólhayam nak makham ma'a kañe', tásek sa' kólmeyekxak makham ma'a kélxagkok, hakte kóletsapwók katnehek neyseksa kempakhakma keñe pók énxet etnehek amonye' apxagkok ma'a kélxagkok.