Nehemías 2:5 - Biblia Enxet

⁵ axta ektáhak seyátegmowágkokxo wesse' apwányam se'e: —Leyawok sa' agkok xép apwáxok wesse', ektaqmeleyncha'a enxoho apwáxok sélano, éltamhók heyáphaksek ma'a yókxexma Judá, tegma apwányam kélátawanyamakxa axta élyapmeyk nano', yaqwayam enxoho ko'o axátekhásekxak makham.

Nehemías 2:5 ပူးပေါင်းရင်းမြစ်များ

2 Samuel 14:22

Keñe axta Joab apháxahánto ekwokmoho aptekxekwa'akto nápat xapop apxekmósa apcháyo, taqmeláha axta appeywa apkelana wesse' apwányam, keñe aptáha apcháneya: —Sakhem ko'o sekwet'a ektémakxa ekleklamo apwáxok apkelányo sektáhakxa exchep, wesse', hakte apkelanak xép ma'a, wesse', séltamhókxa axta ko'o katnehek.

Esdras 5:17

“Leyawók sa' agkok apwáxok xa wesse', yána sa' kólchetagkasek eknaqtáxésamaxche weykcha'áhak apagkok apkelwesse'e apkelwányam nak Babilonia, yaqwayam sa' kataxchek naqsók kexa apkeltémo kólxátekhásekxak Dios tegma appagkanamap apagkok Jerusalén ma'a wesse' apwányam Ciro, hẽltennés sa' negko'o ekxénakxa apwáxok etnéssesek xa, wesse'.”

Nehemías 2:4

—¿Háxko apkeltamhókxa atnéssesek xép? —axta aptáhak apkelmaxneyáncha'a wesse' apwányam. Tén axta sélmaxneya Dios apha nak néten,

Nehemías 2:6

Aptáhak axta seyátegmowágkokxo wesse' apwányam se'e: —¿Háxko sa' ekwánxa ekhem kammok apxega? ¿Yaqsa ekhem éxyók makham? Heyk axta han nekha aphakxa m'a aptáwa' ekteme axta wesse' ekwányam. Éltennássek axta ko'o ekhem yaqwánxa awaták makham, keñe axta apcha'awo axog.

Ester 1:19

Wesse', leyawók sa' agkok apwáxok xép, elánekxak makham mók wesse' segánamakxa apagkok, keñe sa' keytek ektáxésamaxche neyseksa m'a segánamakxa apagkok nak énxet'ák Persia tén han ma'a Media, yaqwayam sa' megkamassésaxche', ekteme nak ekpeywa s'e: ‘Yawanchek sa' kawakxak chá'a aphakxa wesse' apwányam xama enxoho m'a wesse' ekwányam Vasti.’ Tén sa' ma'a ektémakxa nak ekteme wesse' ekwányam, kólmeyásekxak sa' mók kelán'a megkaxnawo nak ektémakxa.

Ester 5:8

éxyók makham saka yetlo Amán epásegwaták makham mók ektámaxche ekyawe sélánésso nak xép, seyásekha'awo enxoho exchep wesse' tén han apkeltamho enxoho elának ma'a aqsok sekmámenyého tén han hegkések ma'a aqsok sélmaxneyakxa enxoho. Keñe sa' altennaksek ma'a aqsok sekmámenyého.

Ester 7:3

Tén axta Ester ektáha eyátegmowágkokxo s'e: —Wesse', naqsók sa' agkok xép seyásekhayo, ekleyawo enxoho apwáxok aqsok sekmámenyého, wánxa eyke aqsa seyámenyého ko'o almaxnak xeyep wesse', megyánhek ko'o amátog tén han ma'a sekpeywomo xamo' nak,

Ester 8:5

Axta entáhak eyáneya s'e: —Wesse', leyawók agkok apwáxok, apxéna enxoho ekpéwo m'a aqsok sélmaxneyeykha, ektáha enxoho naqsók semámenyého ko'o exchep wesse' tén han seyásekhayo, etaxés sa' weykcha'áhak appeywa yaqwayam sa' kamasseksek ma'a weykcha'áhak apcháphasso axta Amán apkeltémo kólmasséssók judíos ma'a ekyókxoho apchókxa aptémakxa nak chá'a exchep wesse' apwányam,

Proverbios 3:4

tén sa' kalkohok chá'a apwáxok elanok Dios, keñe han ma'a énxet'ák nak.

Daniel 9:25

Kéméxcheyk xép ékpelkoho' tén han ey'asagkohok se'e: Kayeykhak sa' siete semána, cham'a sekxók axta eyeynókxa kélmáheyo kólxátekhásekxak makham ma'a Jerusalén, ekwokmoho apwa'a m'a apkemha apmonye' appagkanamap nak, sesenta y dos semána sa' kawomhok kélláneykekxa m'a ámay nak Jerusalén, tén han ma'a kélhaxtegkesso nak nepyáwa', ekyentaxno negha sa' eyke katnehek xa ekhem nak.

Rut 2:13

Chátegmowágkokxeyk axta m'a Rut, axta táhak se'e: —Eyápeyha apagko' nak la'a chá'a exchep, kellókásawók chá'a émpehek sekhaxnawo appeywa. Epaqhetchessek chá'a exchep yetlo seyásekhayo, háwe eykhe ko'o xama m'a apkeláneykha nak.