Nehemías 2:3 - Biblia Enxet

³ ektáhak axta seyáneya wesse' apwányam se'e: —¡Megkamassegwomek sa' chá'a apha exchep wesse'! ¡Megkatnehek ko'o megkayaqhápeykha ewáxok, hakte cham'a tegma apwányam ekheykegkaxa nak takhaxpop apagkok ma'a ẽlyapmeyk nano', kéltawáseykha, kélwatneykekxeyk han ma'a atña'ák nak!

Nehemías 2:3 ပူးပေါင်းရင်းမြစ်များ

1 Reyes 1:31

Háxahánteyk axta Betsabé apmonye' wesse' apwányam ekwokmoho ektekxekwa'akto nát xapop, keñe ektáha ekpeywa s'e: —¡Megkatnégwomek sa' néxa exchep apha wesse' ahagkok, wesse' apwányam David!

2 Reyes 25:8

Apwokmek axta Jerusalén ma'a Nebuzaradán, apteme axta apkemha apmonye' sẽlpextétamo apagkok wesse' apwányam, tén han apkemha apmonye' sẽlpextétamo apagkok, cham'a ekhem siete, pelten cinco, ekweykmo axta diecinueve apyeyam apteme wesse' apwányam Nabucodonosor, wesse' apwányam axta m'a Babilonia,

2 Crónicas 21:20

Treinta y dos apyeyam apagkok axta weykmok apkeynamo apteme wesse' apwányam, ocho apyeyam axta apteme wesse' apwányam ma'a Jerusalén. Axta han kallapwámeykegkok énxet'ák apketsapma. Kélátawanyegwákxeyk axta m'a David Tegma Apwányam apagkok, háwe axta eyke m'a kélátawanyamakxa axta chá'a apkelwesse'e apkelwányam.

2 Crónicas 28:27

Xama axta apketsapma, kélátawanyegwákxeyk axta xamo' apyapmeyk nano' ma'a tegma apwányam Jerusalén, axta kólya'ásekxak ma'a kélátawanyamakxa axta chá'a kelwesse'e apkelwányam axta Israel. Tén axta apyaqmagkasa apteme wesse' apwányam ma'a apketche Ezequías.

2 Crónicas 32:33

Xama axta apketsapma Ezequías, kélátawanyegwákxeyk axta m'a kélátawanyamakxa axta chá'a David apnámakkok, cham'a kañe' ekyetno nak néten. Apyókxoho énxet'ák Judá tén han Jerusalén axta kellapwámegkok apketsapma; keñe apyaqmagkasa apteme wesse' apwányam ma'a apketche Manasés.

2 Crónicas 36:19

Apwatneykxeyk axta han ma'a Dios tegma appagkanamap apagkok, apkelyaqnegkásegkek axta m'a meteymog kélhaxtegkesso axta nepyáwa' m'a Jerusalén, apkelwatnéssek axta m'a apxanák apkeltaqmalma nak, apmasséssekmek axta ekyókxoho aqsok élmomnáwa ekhéyak axta m'a.

Nehemías 1:3

Aptáhak axta seyátegmowágko s'e: “Yentexók agko' apheykha m'a megkólnaqleykekxa axta megkatnahakxa apkelókxa, melya'áseykegkok aptamheykegkaxa. Keñe m'a Jerusalén kélhaxtegkesso axta kélpalchessama. Táxa kélwatnók kélmassésseykmo m'a atña'ák nak.”

Nehemías 2:13

Cháxa axta'a sektepakxa axta ko'o m'a átog éltamhomaxko nak Ekyapwátegweykenxa Xapop, sekpéwo m'a ámay ekteyapmakxa nak yegmen éltamhomaxko nak Yéwa Ekwányam, tén han ma'a átog éltamhomaxko nak Kélchexakhamakxa Aqsok Apák, élanawók axta m'a kélhaxtegkesso nak Jerusalén, cham'a kélyaqnegkáseyak axta, tén han ma'a atña'ák kélwatneykekxa axta.

Ester 8:6

hakte ¡mowanchek ko'o alenmaxaxkohok ótak káhapwak aqsok ekmaso m'a sekpeywomo xamo' nak! ¡mowanchek nahan alanha kólmasséssók ma'a énámakkok ahancha'awo' nak!

Salmos 102:14

Apkelásekhayók xép apkeláneykha m'a meteymog ekpalleyam nak tegma; chaqhegkek apkelwáxok kélteméssessama nápakha'a apketkók.

Salmos 102:15

Apyókxoho énxet'ák sa' etnehek apcháyo apwesey m'a Wesse' egegkok, apyókxoho apkelwesse'e apkelwányam apheykha nak keso náxop sa' etnehek apcháyo m'a apcheymákpoho,

Salmos 137:6

¡Agkok kaxénak ewáxok xép, keypetchekxak sa' epaqpehek ahaxkok, matnéssesa enxoho apmonye' exchep Jerusalén, amonye' m'a ekpeykeseykekxoho nak chá'a ewáxok!

Salmos 38:7

Mexanmeyk agko' émpehek; ¡eklegeykegkók ekyókxoho émpehek!

Jeremías 52:12

Apwokmek axta Jerusalén ma'a Nebuzaradán, apteme axta wesse' apwányam apkeláneykha tén han apkemha apmonye' sẽlpextétamo apagkok, ekhem diez pelten cinco, cham'a ekweykmo axta diecinueve apyeyam apteme wesse' apwányam ma'a Nabucodonosor, wesse' apwányam axta m'a Babilonia,

Lamentaciones 2:9

Meyke atña'ák táhak ma'a tegma apyawe méko han ma'a kélápeykekxexa nak chá'a: ¡náxop kélchexeyk kélekkexákxo! Kélchexakhagwokmek nepyeseksa énxet'ák melya'áseyak nak Dios ma'a wesse' apwányam tén han ma'a kelwesse'e apagkok; massegwokmek kaxwók ma'a Dios segánamakxa apagkok. ¡Massegwokmek nahan apxekmóssamo chá'a aqsok Wesse' egegkok ma'a apkellegasso nak appeywa, yaqwayam enxoho ellegaksek énxet'ák!

Daniel 2:4

Aptáhak axta ekha apmopwancha'a apcháneya wesse' apwányam arameo appeywa s'e: —¡Megkamassegwomek sa' apteme wesse' apwányam! Hẽltennés sa' negko'o ektémakxa chá'a apwanmagko xép wesse', negko'o nentáha nak xép apkeláneykha, keñe sa' óltennaksek chá'a ektémakxa.

Daniel 3:9

aptáha s'e: —¡Megkamassegwomek sa' apteme wesse' apwányam, katepagkok sa' chá'a apwesey!

Daniel 5:10

leg'ak axta apkelpáxameykha wesse' apwányam ma'a egken, tén han ma'a énxet'ák ekyawe kéláyo ektáha axta apkeláneyeykha, yetlókok axta han ektaxnegwayam ma'a élánéxchexa axta ektámáxche ekyawe, axta táhak se'e: —¡Megkamassegwomek sa' apteme wesse' apwányam! Nágkatneykha apwáxok, nágkamópekxa nápát,

Daniel 6:21

Apchátegmowágkek axta Daniel: —¡Megkamassegwomek sa' apteme wesse' apwányam!

Daniel 6:6

Tén axta apheyásawo mók apkelpeywa apkeláneykha nak chá'a apkeltamheykha, tén han ma'a apkeláneykha nak chá'a apkelókxa, yaqwayam elyo'ókxak wesse' apwányam Darío, yaqwayam elpaqhetchesakpoho', xama axta apkelwákxo m'a aphakxa nak wesse', aptáhak axta apcháneya s'e: —¡Megkamassegwomek sa' apteme wesse' apwányam!

Levítico 26:31

Apmopsagcha'a sa' atnessásekxak tegma apkelyawe kélagkok, amasséssók sa' ma'a kélpeykessamókxa nak aqsok kéláyókxa, kamaskok sa' ekleya ewáxok ekpaqneyam ma'a sokmátsa kélagkok.