Nehemías 13:10 - Biblia Enxet10 Ekwet'ak axta han megkólmeyáseykegko aptéyak ma'a levitas, tén han apkeltaqhémo chá'a xama apkeleñamakxa m'a levitas, tén han apkelmeneykmasso nak, apkelánémap axta chá'a exegkesek apkelpeykessamo Wesse' egegkok. အခန်းကိုကြည့်ပါ။ |
Nenxénchek han negko'o ólsakxak kélxátamakxa nak aqsok Dios egagkok tegma appagkanamap apagkok ma'a nélmésso nak ma'a apkelmaxnéssesso Dios énxet'ák apagkok, cham'a apkemha apmonye' nak nenlane hótáhap, tén han ma'a émha amonye' ekyexna nak ma'a ekyókxoho yámet, tén han émha amonye' nenlane nak ma'a vino, tén han émha amonye' nak nenlane pexmok égmenek, keñe ólsakxések han levitas ma'a ektáhakxa nak chá'a diez nennakxo aqsok negkeneykekxa', hakte cha'a apkelmeykekxa chá'a ektáhakxa nak chá'a diez ekyókxoho aqsok negkeneykekxa' m'a.
hakte elsakxak sa' israelitas, tén han levitas hótáhap apaktek apnegkenéyak, tén han vino, tén han pexmok égmenek ma'a kélxátamakxa nak chá'a aqsok ekheykegkaxa nak ma'a aqsok kélmeykegkaxa élpagkanamaxche', apkeltamheykegkaxa nak chá'a m'a apkelmaxnéssesso Dios énxet'ák apagkok, tén han apkeltaqmelchesso nak átog, tén han apkelmeneykmasso. Nenxénchek han magyenyewek chá'a m'a Dios egagkok tegma appagkanamap apagkok.
Apyókxoho énxet'ák Israel axta chá'a elmésagkok nento m'a apkelmeneykmasso nak, tén han ma'a apkeltaqmelchesso nak átog, aphamakxa axta m'a Zorobabel, tén han Nehemías. Elmésagkok axta han chá'a ekpayho nak chá'a elxawagkok ma'a levitas, cháxa kélteméssessamakxa axta han ma'a Aarón aptawán'ák neptámen.
Keñe ko'o sektáha sélmaxneyencha'a s'e: ¿Apwancheya xama énxet emenyexchesek aqsok ma'a Dios? ¡Hakte élmenyexmeyk chá'a ko'o kéxegke! Keñe kéltáha makham sélmaxneyencha'a s'e: ‘¿Yaqsa aqsok negmenyexchessama chá'a exchep?’ ¡Neykhe m'a ekwayam nak chá'a diez ekyókxoho xama aqsok, tén han ma'a aqsok sélmésso naqsa nak chá'a!