Nahúm 3:9 - Biblia Enxet

⁹ Etiopía tén han Egipto, axta ekpasmo meyke néxa; keñe axta énxet'ák Fut, cham'a libios, apteme appasmeykekxa.

Nahúm 3:9 ပူးပေါင်းရင်းမြစ်များ

Génesis 10:6

Keso Cam axta apketchek se'e: Cus, Misraim, Fut, tén han ma'a Canaán.

1 Crónicas 1:8

Cam apketchek: Cus, Misraim, Fut tén han Canaán.

2 Crónicas 12:3

mil doscientos axta ekyókxoho m'a yátnáxeg apyenyawasso apkenchesso nak kempakhakma, sesenta mil sẽlpextétamo apkelchánte nak yátnáxeg, apxámok apagko' axta han apkelyetlókmo m'a sẽlpextétamo apkeleñama m'a Egipto: cham'a libios, suquienos tén han etiopes.

2 Crónicas 16:8

Apxámok apagko' axta exchep apya'áya m'a sẽlpextétamo apkelyennaqte nak ma'a etiopes, tén han libios. Apxámok axta han ma'a apkelchánte nak yátnáxeg, tén han yátnáxeg apkelyenyawasso apkenchesso nak kempakhakma, Wesse' egegkok axta eyke apméssók xeyep yaqwayam elmok ma'a, hakte apchásenneykekxeyk axta.

Isaías 20:5

Metwasha sa' yeyk ma'a énxet'ák, elmegqeyk sa' elanok ma'a énxet'ák Etiopía, apteme axta chá'a apkelásenneykekxa', tén han ma'a Egipto eyaqheykencha'a axta chá'a apkelwáxok.

Jeremías 46:9

“¡Kólxeg kélchánte nak yátnáxeg! ¡Kólxeg kélchánte nak yátnáxeg apkelyenyawasso! ¡Kólxeg kempakhakma yapmeyk: sẽlpextétamo nak Etiopía, tén han Libia, kólmekxa kéláhakkásamáxche'; tén han sẽlpextétamo nak Lidia, apmopwancha'a nak elmaha yágke!

Ezequiel 27:10

Kempakhakma yapmeyk axta nahan aptemessáseykegkok xép ma'a énxet'ák apkeleñama nak Persia, Lidia tén han ma'a Libia; apwakhassegkek axta apyempehek ma'a apkeláhakkásamap nak tén han ma'a apkelatchesso apqatkok nak, tén axta ektaxnéssamo.

Ezequiel 29:7

xama axta apkelmágweykmo chá'a m'a, apkentegkek axta chá'a exchep, apkelyensáseykegkek axta chá'a apkelpexyekhaya m'a nápakhaw'ék nak; xama axta nahan emáwhok chá'a elteyammagkok xép ma'a, yentek axta chá'a, tén axta elyaqnegkesagkok chá'a.

Ezequiel 30:5

Etekyók sa' nahan kempakhakma m'a sẽlpextétamo apkeleñama nak Etiopía, Libia, tén han ma'a Lidia, tén han ma'a ekyókxoho nak Arabia, Cub tén han ma'a pók énxet'ák nak, tén han ma'a mók nekha apkelókxa ektáha nak chá'a appasmeykekxa.

Ezequiel 31:2

“Etne sa' yának faraón se'e, wesse' apwányam nak Egipto tén han ma'a apyókxoho énxet'ák apagkok nak: “¿Yaqsa egwanchek aghéshok ektémakxa nak apteme apwányam apagko' xép’?

Ezequiel 38:5

Elyetlók sa' nahan ma'a énxet'ák apkeleñama nak Persia, Etiopía tén han ma'a Libia, yetlo nahan apkeláhakkásamap apyókxoho xa tén han apkelatchesso apqatkok sawo.

Daniel 11:43

Elsakxak sa' aqsok élmomnáwa sawo ekyátekto élmomnáwa, sawo ekmope élmomnáwa, keñe han ma'a ekyókxoho aqsok éltaqmalma nak ma'a Egipto; tén sa' kaphewakxak han apkelmahéyak ma'a yókxexma Libia tén han Etiopía.