Nahúm 2:8 - Biblia Enxet

⁸ Máxa ámay ekyétekkessól'a yegmen aptáhak apkenyahágko m'a énxet'ák apheykha nak Nínive. “¡Kólchaqnágwom! ¡Kóltaqhegwom!” entáhak eykhe amya'a apkeláneyákpo, méko eyke ektaqhegwokmo.

Nahúm 2:8 ပူးပေါင်းရင်းမြစ်များ

Génesis 10:11

Cháxa yókxexma apkeñamakxa axta han apmaheykegko m'a Asur, apkelánegweykmo axta han ma'a tegma apkelyawe nak Nínive, Rehobot-ir, Quélah,

Isaías 13:14

“Máxa sa' etnahagkok yátapopyet apmenxenamap la'a m'a énxet'ák essenhan ma'a aptémól'a nepkések yexpaqnek, meykel'a eyáncheseykekxa. Xama xama sa' chá'a elmeyekxak ma'a apkelókxa apagko' nak chá'a, elyexánegwakxak sa' ma'a ektáhakxa nak chá'a xapop apagkok apagko'.

Isaías 38:14

Máxa yeptameygmen ekpáweykha ektemék ekxegeykencha'a egkenyek, máxa yágwáx'ay appáweykha ektemék seyápentegeykencha'a. Kelyampayak ahaqta'ák sénmexmo m'a néten. ¡Wesse', may'ásegkok ko'o sektáhakxa, hepásegwata'!

Isaías 47:13

Apxámok apagko' axta nahan xeye' m'a appaqhetcháséyak nak chá'a, leklágweykmek axta appaqhetcháseykha. ¡Kanaqlógmak sa' kaxwók ma'a énxet'ák agkok apkelya'áseyak nak ektémakxa m'a aqsok élápogwátéyak nak néten, apkelya'áseykegkoho nak elanok aptémakxa m'a yaw'a, apkeltennasso nak chá'a yaqwánxa katnehek egmonye' yókxoho pelten, kána sa' ewagkasek teyp!

Isaías 48:20

Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Isaías 59:11

Máxa méwa élyexwéweykha nentemék negko'o negyókxoho nélpáxameykencha'a, máxa yágwáx'ay apkelpáweykha nentemék nélápentegeykencha'a; nélhaxanmeyk eykhe m'a nélwagkásamáxche teyp, makke kaweyk; nélhaxanmeyk eykhe m'a sẽlmallahanchesso nak aqsok ekmaso, tayépe eyke ekyetnamakxa.

Jeremías 46:5

“¿Yaqsa eyke ko'o sekwet'a? Apkelaqxegágkokxeyk yetlo ekyawe agko' apkelaye. Apkexpaqneyk apmenxenákpo m'a kempakhakma yapmeyk apagkok; apkenyahágkek meyke apkelpeynchamakpoho neptámen. ¡Sawheykxók élmeneymáxche ekyókxoho yókxexma! Ko'o sekxeyenma xa, sektáha nak Wesse'.

Jeremías 47:3

Apkelyelqákpek nahan apyapmeyk apkelleg'a yátnáxeg apmagkok apkeléwayam, tén han éxtegyawasso xóp yátnáxeg apkelyenyawasso, tén han élaqtáwayam ma'a amagkok nak, apkexakkek aqsa apketchek.

Jeremías 50:16

Nágkólém xama enxoho Babilonia m'a yaqwayam nak eknekxak aqsok aktek, essenhan yaqwayam nak enakxek aqsok ekyexna. Apkelwet'ak sa' agkok kempakhakma apmassésseyam nak aqsok, eltaqhohok sa' makham apkelókxa m'a apkeleñama nak mók apkelókxa, elmeyekxak sa' chá'a xama xama m'a xapop apagkok nak.

Jeremías 51:13

Xép Babilonia, apyetnama nak neyáwa wátsam élyawe, apteme nak ekxámokma aqsok apagkok, ¡wokmek kaxwók néxa apha, ekmassegwánxa apwetamap!

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Nahúm 1:1

Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Nahúm 3:17

Máxa sawa' m'a apkeleyxcháseykha nak cha'a; máxa askok élchampeykhal'a néten ma'a apkelámha apmonye'e nak chá'a apcháncheseykekxa sẽlpextétamo kélagkok: samágek agkok, elpathetwók chá'a nápakha tegma; tekkek agkok chá'a ekhem, elxegekxak chá'a, méko han kay'asagkok chá'a apkelmahágkaxa.