Nahúm 2:13 - Biblia Enxet

¹³ Aptáhak Wesse' egegkok ekha nak apyennaqte s'e: “Élenmexchek ko'o kéxegke: alwatnések sa' ma'a yátnáxeg apkelyenyawasso kélagkok kélanchesso nak kempakhakma, éten sa' atnessásekxa'; alnáhakkasek sa' méwa étkók kélagkok; alyementemekxak sa' aqsok kélmeñexéyak ekheykegko nak kañe' kélókxa', kamaskok sa' kañexchek apkelpeywa m'a apseykha nak chá'a amya'a kélagkok.”

Nahúm 2:13 ပူးပေါင်းရင်းမြစ်များ

2 Reyes 18:17

Tén axta wesse' apwányam Asiria apcháphasa xama sẽlpextétamo ekyawe kéláyo aphakxa m'a wesse' apwányam Ezequías, cham'a apkeláneykha apcháyo axta chá'a, keñe han pók sẽlpextétamo apkemha apmonye', apnaqlo m'a sẽlpextétamo apxámokma, axta apkelmahágkok ma'a Jerusalén, apkeleñama Laquis yaqwayam ektamagkok. Xama axta apkelwokmo m'a Jerusalén, keñe apkelpakxenwokmo m'a nekha yegmen atamnek ekmeyeykekxa nak ma'a néten kélyátamakxa yegmen, cham'a ámay ekmahéyak nak Kélyexwássessamakxa Apáwa.

2 Reyes 18:19

Cha'a aptáhakxa axta han apkeláneya sẽlpextétamo apkemha apmonye' asirios: —Kóltennés sa' Ezequías se'e wesse' apwányam appeywa nak, wesse' apwányam nak Asiria: ‘¿Yaqsa apcháyo exchep megkatnaheykencha'a chá'a apwáxok?

2 Reyes 19:23

Apkeláneykha axta exchep apkeláphásak apwanyeyncha'a m'a Wesse' egegkok. “Axta aptáhak se'e: ‘Yetlo ekxámokma yátnáxeg apkelyenyawasso ahagkok eyántak ma'a egkexe étseksek nak, cham'a ektáhakxa nak netnók agko' ma'a Líbano. Élyaqténchessek ma'a yámet cedros agkok élwenaqte agko' nak, tén han ma'a yámet pinos éltaqmalma agko' nak. Ekwokmók ma'a naw'ék netnók agko' nak, tén han ma'a naxma agkok ekyentaxno ekhémo nak kélcheneykekxexa aqsok.

2 Reyes 19:9

Axta apleghok nahan amya'a kéltennasa wesse' apwányam Asiria apya'awa m'a wesse' apwányam Tirhaca, apkeñama axta m'a Etiopía yetlo sẽlpextétamo apagkok apmako yempakha'. Tén axta apkeláphásekxo makham énxet'ák apagkok apkelápháseykha axta chá'a wesse' apwányam Asiria m'a Judá apkeltamho etnehek yának wesse' apwányam Ezequías se'e:

2 Crónicas 32:19

Axta aptáhak apkelxénáncha'a Dios nak Jerusalén ma'a aptáhakxa axta apkelxéneykha m'a aqsok apcháyókxa axta m'a pók énxet'ák, aqsok kéláyókxa apkeláneyak apagko' axta m'a énxet'ák.

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Jeremías 21:13

“Tegma apwányam apyetnama nak néten apsawheykekxoho nak chá'a apkelányo m'a ekyapwátegweykenxa xapop ektémól'a meteymog émhal'a m'a neyseksa ekpayhegweykenxa xapop, ekxénchek ko'o ataqnók xép, ko'o sektáha nak Wesse'. Kóltéhek chá'a kéxegke kólpaqmétek se'e: ¿Yaqsa awanchek hegketámegmak negko'o? ¿Yaqsa awanchek kawak se'e nélyexanmomakxa nak negko'o?

Jeremías 46:14

“Kóllegés Egipto s'e, tén han Migdol, tén han Menfis, tén han ma'a Tafnes: ‘¡Kólleyxmakha, kóllánekxa kéltáhakxa! ¡Yetnakmek ekyógkexma sókwenaqte kélnepyáwa!’

Jeremías 50:31

Aptáhak Wesse' ekha apyennaqte s'e: “Apchókxa eyeymáxkoho nak, énmexchek ko'o exche'; wokmek yaqwánxa añássesagkoho'.

Jeremías 51:25

Énmexchek ko'o exche' meteymog ekwenaqte ekmassesseykmoho nak aqsok, ekmasseseykmo nak aqsok ekyókxoho keso náxop. Ko'o sekxeyenma xa, sektáha nak Wesse'. Añássesagkohok sa' ko'o exche', eyttelegwásenták sa' eñama m'a néten meteymog élwenaqte nak, egkexe ekmeyesma sa' atnéssásekxa'.

Ezequiel 13:8

Cháxa keñamak sektáha nak ko'o sekpeywa, sektáha nak Wesse': Élenmexchek ko'o kéxegke, eñama kélxeyenma chá'a m'a aqsok megkamámnaqsoho nak tén han ekteme chá'a ekmowána amya'a m'a aqsok kélwete nak. Ko'o sekxeyenma xa, sektáha nak Wesse'.

Ezequiel 21:3

Sa' etnehek yának se'e: ‘Keso aptáhakxa exchek appeywa Wesse' egegkok se'e: Sénmexma ko'o ektáhak xép. Alkok sa' ko'o sókwenaqte ahagkok, alnápok sa' ma'a énxet'ák apkelpéwomo nak tén han ma'a melya'assáxma nak.

Ezequiel 26:3

“Cháxa keñamak sektáha nak ko'o sekpeywa s'e sektáha nak Wesse': Énxet'ák Tiro, ekxénchek ko'o sektáha sélenmexma kéxegke. Wának sa' ko'o ektámegmak kéxegke apxámokma apagko' ma'a pók aptémakxa nak chá'a énxet'ák, sa' etnahagkok ma'a ektémól'a kalxegmak élyaqyahayam élyawe m'a wátsam ekwányam.

Ezequiel 28:22

Etne sa' yának se'e: “Keso aptáhakxa exchek appeywa Wesse' egegkok se'e: Sidón, ekxénchek ko'o exche' sektáha sénmexma; wának sa' ko'o kólteméssesek eyeymáxkoho sekwesey neyseksa exche'. Ekteméssessek sa' agkok ma'a sekmakókxa nak atnéssesek, sekxekmósa sa' sekteme sekpagkanamaxche', kólya'ásegwók sa' ko'o sektáha Wesse'.

Ezequiel 29:10

Ekxénchek ko'o exchep aptáha sénmexma tén han ma'a wátsam apagkok nak. Atnessásekxak sa' ko'o exchep yókxexma meykexa énxet eyeymáxchexa tén han meyke xama aqsok, eyeynamo m'a Migdol ekweykekxoho m'a Asuán, tén han ekweykekxoho m'a néxa xapop nak Etiopía.

Ezequiel 29:3

Etne sa' yának se'e: “Keso aptáhakxa exchek appeywa Wesse' egegkok se'e: Faraón, ekxénchek ko'o exchep aptáha sénmexma, wesse' apwányam nak Egipto, apteme nak yegmen askok ekyawe eklo apyetnama nak ma'a neyseksa wátsam apagkok, apteme nak chá'a epaqmésmakha s'e: Ahagkok ko'o Wátsam Nilo, ko'o sélane.

Ezequiel 35:3

Etne sa' yának se'e: “Keso aptáhakxa exchek appeywa Wesse' egegkok se'e: Ekxénchek ko'o exche' sektáha sénmexma, egkexe Seír, añássesagkohok sa' ko'o exche', yókxexma meykexa énxet sa' atnéssásekxa' tén han meyke xama aqsok.

Ezequiel 38:3

Etne sa' yának se'e: ‘Keso aptáhakxa exchek appeywa Wesse' egegkok se'e: Gog, ekxénchek ko'o exchep aptáha sénmexma, apkemha apmonye' ekyawe kéláyo nak ma'a yókxexma Mésec tén han Tubal.

Ezequiel 39:1

“Xép akke énxet, eltennés sa' yaqwánxa ko'o atnéssesek ma'a Gog. Etne sa' yának se'e: ‘Keso aptáhakxa exchek appeywa Wesse' egegkok se'e: Gog, apkemha apmonye' ekyawe kéláyo nak ma'a yókxexma Mésec tén han Tubal, ekxénchek ko'o exchep aptáha sénmexma.

Ezequiel 5:8

Cháxa keñamak sektáha nak ko'o sekpeywa s'e, sektáha nak Wesse': Wanmexek sa' ko'óxa exche', Jerusalén; alának sa' ma'a sektáhakxa axta sekxeyenma yaqwánxa atnéssesek, nápaqta'awók ma'a pók aptémakxa énxet'ák,

Nahúm 2:12

eyaqhamakxa axta chá'a ekyógkexma m'a méwa, eyeykegko axta chá'a nekha m'a kelwána nak, tén han ma'a étkók nak, eklánéssama axta meteymog áxwa axagkok ma'a aqsok eyaqhe nak chá'a?

Nahúm 3:1

¡Xép la'aye tegma apwányam, ekyetnamakxa nak nentekyawa, tén han negmowána amya'a, tén han negyennaqteyásamaxkoho; megkamassegweykenxa nak negmenyexma!

Nahúm 3:12

Máxa higo kélcheneykekxexa m'a apyókxoho tegma apkelyennaqte agkok, ekxámokma nak ekyexna ekmakhetma, ekpalleykmohol'a kólyawhaksek, kapálwaták apwáxok ma'a ektáha nak apto.

Nahúm 3:15

Sa' kalwatnek kéxegke táxa m'a, tén han kalnápok kempakhakma, máxa sawa' aptól'a aqsok, sa' kóltéhek kólmasséssók kélyókxoho. ¡Kólxámasaxche sa' aptémól'a sawa'! ¡Kólxámasaxche sa' ektémól'a séta'!

Nahúm 3:5

Aptáhak Wesse' egegkok ekha nak apyennaqte s'e: “Énmexchek ko'o exche': eyxnéssesek sa' néten ekyekma ekweykekxoho nát, yaqwayam sa' elwetak apyókxoho énxet'ák meyke apáwa, yaqwayam sa' elwetak ekyókxoho apheykegkaxa énxet'ák ma'a ekyókxa nak.

Josué 11:6

Aptáhak axta Wesse' egegkok apcháneya m'a Josué: “Nágye aqsa, hakte saka sa' ko'o alnápok apyókxoho kélmonye'e kéxegke m'a énxet'ák nak, keso ekwánxa nak ekhem. Keñe sa' xeyep elyaqténchesagkok aphahak ma'a yátnáxeg, tén sa' han elwatnekxak ma'a yátnáxeg apyenyawasso apkenchesso nak kempakhakma.”

Josué 11:9

Apkelanak axta Josué ekyókxoho apkeltémókxa axta elának ma'a Wesse' egegkok, apkelyaqténchásegkek axta aphahak ma'a yátnáxeg katnaha nak apnámakkok apkelchánte, keñe han apkelwatneykxo m'a yátnáxeg apyenyawasso apkenchesso nak kempakhakma.