Nahúm 1:8 - Biblia Enxet

⁸ Máxa yégayam élsól'a ekyókxoho aqsok akke etnéssesek emasséssók ma'a ektáha nak chá'a apkenmexeykekxa; ekyáqtésso exma chá'a yáhakkasek ma'a apkelenmexma nak.

Nahúm 1:8 ပူးပေါင်းရင်းမြစ်များ

Job 30:15

Eyáhapwayak ko'o sekyegwakto; máxa éxchayaham temék ekxegama m'a ekha séláyo; máxa yaphope temék ekxegama m'a ektaqmalma sekha.

Job 40:11

Elano apyókxoho apkeleymákpoho nak: nágyéssekxa eltaqnaweygkok, etnessásekxa mékoho.

Proverbios 4:19

Kayáqtéshok eyke exma ámay apagkok ma'a énxet'ák élmasagcha'a nak apkeltémakxa'; ¡melya'asagkehek chá'a m'a ektáha enxoho élpelápagkasso!

Isaías 13:10

Kamaskok sa' elápogwátek yaw'a tén han yaw'a apkelyawe apchaqneykekxa nak chá'a m'a néten; kapeysamok sa' nahan ektepa enxoho m'a ekhem, megyápogwátek sa' nahan ma'a pelten.

Isaías 13:9

Wa'ak kaxwók Wesse' egegkok ekhem apagkok, ekhem apagkok ekmaso agko', tén han aplómo apagko', cham'a peya sa' katnessásekxak meyke xama aqsok keso náxop, tén han kamasséssók ma'a énxet'ák melya'assáxma apheykha nak ma'a kañe'.

Isaías 28:17

Amha sa' ko'o ekpéwomo nentémakxa sélana sa' xa tegma nak, ektémól'a m'a táma' kélmeykhal'a chá'a kélpékessamo apxega yátapheymekcha'ák, keñe sa' ektaqmalma nentémakxa m'a nenlányo nak chá'a ekwánxa ekhémo mók ma'a néten.” Yegmen élyennaqte sa' katwasha m'a kélmeyeykekxexa nak chá'a kóltegyaha kélmowána amya'a, keñe sa' yegmen kaswok ma'a ekyetnamakxa nak chá'a ekmasma.

Isaías 28:18

Kólmasséssók sa' ma'a kélhéssamo axta mók kélpaqhetchásamáxkoho m'a nétsapma, keñe sa' ma'a kélpaqhetchásamáxkoho axta m'a apkelmaheykegkaxa nak chá'a apkeletsapma, meyke ekyennaqte sa' katnehek. Kawak sa' ma'a aqsok ekmaso agko' nak, keñe sa' kéxegke megkólenmaxaxche'.

Isaías 28:2

Yetneyk xama énxet apyennaqte aptaqmelchessesso m'a Wesse' egegkok, apyennaqte apagko', máxa m'a yegmen élyennaqte ekyennaqtél'a ektéyam, máxa m'a éxchahayam ekyennaqte ekmassesseykmohol'a aqsok, máxa m'a ekmámeye ekyawel'a, máxa m'a yegmen ekyawe ekmasól'a. Apmek sa' etnehek ekxeynták náxop,

Isaías 8:22

keñe sa' elanok makham náxop, elwetak sa' katnehek ekmaso apheykha tén han ekyaqtéssóxma, ekyaqtéssóxma tén han élyaqhápeykha apkelwáxok. Kápok sa' ekyaqtéssóxma ekyókxoho aqsok.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Jeremías 51:64

tén sa' etnehek se'e: ‘Sa' etnehek ewéwagkok Babilonia xa, mopwanchek sa' exnekxak néten neyseksa m'a aqsok ekmaso peya nak yahak Wesse' egegkok.’” Cháxa néxa appeywa Jeremías xa.

Ezequiel 13:13

Cháxa keñamak sektáha nak ko'o sekpeywa s'e, sektáha nak Wesse': Neyseksa seklo sa' ko'o wának katyapok éxchahayam ekyennaqte agko' ekho samaxche'; neyseksa seklo sa' nahan wának kammék ekyawe agko' tén han katyamok yegmen élyennaqte ekho meteymog, yaqwayam sa' amasséssók apyókxoho yetlo seklo.

Daniel 11:10

“Elánekxak sa' eyke aptamhágkaxa yaqwayam yempakhak ma'a wesse' apwányam apketchek apha nak nexcheyha, yánchásekxak sa' apxámokma sẽlpextétamo. Ektamagkok sa' yetlo sẽlpextétamo apagkok xama m'a, emok sa' ma'a ekpayho nak nepyeyam, emasséssók sa' ekyókxoho aqsok, ektémól'a m'a yegmen ekyawe ekteyapma wátsam; tén sa' ektamagkokxak makham ekweykmoho m'a tegma apyennaqte apagkok nak wesse' apwányam, apha nak nepyeyam.

Daniel 11:22

Emasséssók sa' chá'a apyókxoho m'a apkenmexeykekxa nak chá'a, yaqhek sa' nahan ma'a apkemha apmonye' nak apkelmaxnéssesso Dios énxet'ák apagkok.

Daniel 11:40

“Wokmek sa' agkok néxa, ektamagkok sa' wesse' apwányam apha nak nepyeyam ma'a wesse' apwányam apha nak nexcheyha; elanyexegmak sa' eyke, máxa éxchahayam ekyennaqte sa' etnehek ektamagkok ma'a apheykha nak nepyeyam, esawheyásekxohok sa' yátnáxeg apkelyenyawasso apkenchesso nak kempakhakma ekyókxoho apchókxa', tén han apxámokma apkelchánte yátnáxeg, keñe han ekxámokma agko' ma'a yántakpayhe.

Daniel 9:26

Yeyk'ak sa' agkok ma'a sesenta y dos semána nak, emátog sa' ma'a apkemha apmonye' appagkanamap nak. Emasséssók sa' Jerusalén tén han tegma appagkanamap ma'a énxet'ák apagkok nak ma'a wesse' apwányam peya nak ewa', kaxwók sa' kawak néxa ekhem, sa' katnehek ma'a ektémól'a yegmen ekyawe, Kawomhok sa' ektemegwánxa néxa ekhem ma'a kempakhakma, tén han kélmassésseyam aqsok ekxénamaxko nak katnehek.

Amós 8:8

¿Megkayawheykhaya sa' xapop eñama ekyókxoho s'e aqsok nak? ¿Mellekxagwahaya sa' apyókxoho énxet'ák apheykha nak ma'a kañe'? ¡Kamyekxak sa' chá'a néten ma'a xapop, tén sa' kaweywenták chá'a, ektémól'a kamyekxak néten yegmen ma'a Nilo, tén kaweywenták chá'a!

Nahúm 1:1

Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Nahúm 2:8

Máxa ámay ekyétekkessól'a yegmen aptáhak apkenyahágko m'a énxet'ák apheykha nak Nínive. “¡Kólchaqnágwom! ¡Kóltaqhegwom!” entáhak eykhe amya'a apkeláneyákpo, méko eyke ektaqhegwokmo.

Sofonías 2:13

Ey'aksek sa' apmopwána m'a ekpayho nak nexcheyha yaqwayam emasséssók ma'a Asiria, meyke xama aqsok sa' etnessásekxak ma'a tegma apwányam Nínive, ekyamaye exma sa' etnessásekxa'.

1 Samuel 2:9

Cha'a apkeláneykha chá'a apkelmahágkaxa enxoho m'a énxet'ák apagkok melyenyaweykha nak, elmassegwók eyke aqsa chá'a ekyáqtésakxa exma m'a élmasagcha'a nak apkeltémakxa, hakte méko kawagkasek teyp ma'a ektémakxa nak ekyennaqte.