Nahúm 1:5 - Biblia Enxet

⁵ Kalpexyennók chá'a apmonye' m'a meteymog élwenaqte nak; kalpayhekxak chá'a apmonye' m'a xapop élekhahéyak nak. Kayawheykha chá'a xapop ekwet'a enxoho; tén han ma'a ekyókxoho yókxexma nak keso náxop, ekweykekxoho m'a ekhéyak nak awáxok.

Nahúm 1:5 ပူးပေါင်းရင်းမြစ်များ

2 Samuel 22:8

“Yetlómok axta ekyawheykha xapop ekyennaqte agko': kelyawheykha axta m'a ekméyak nak néten; Wesse' egegkok aplo axta kelyawheyáseykha.

Job 26:11

Aplókek agkok Dios, kalpexyennók chá'a eyeye m'a egkexe élméyak nak néten.

Job 9:5

Méko kay'asagkohok apkelaqxegkahasa enxoho Dios ma'a egkexe; kalyaqnegkesagkok chá'a aplo.

Salmos 104:32

Kalpexyennók chá'a xapop apkelano enxoho chá'a; ¡kalpaqnek chá'a néten egkexe apkelpaknegwokmoho enxoho chá'a!

Salmos 114:4

¡Kelnextegeykha axta néten ma'a egkexe ektémól'a nepkések apkelennay'awo, kelnextegeykha axta néten ma'a meteymog élwenaqte aptémól'a nepkések apketkók!

Salmos 114:6

¿Yaqsa axta ektéma kéxegke egkexe kélnextegeykencha'a néten aptémól'a nepkések apkelennay'awo? ¿Yaqsa axta ektéma kéxegke meteymog élwenaqte kélnextegeykencha'a néten aptémól'a nepkések apketkók?

Salmos 18:7

Yetlómok axta ekyawheykha xapop ekyennaqte agko': kelyawheykha axta m'a egkexe ekweykmoho m'a awhók nak; Wesse' egegkok aplo axta kelyawheyáseykha.

Salmos 18:8

Apwéhek axta teyapmak ekpánma, keñe apátog ekteyapma táxa segaqhamo nak; ¡apátog axta kelánteyapmak átex éláléweyak nak!

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Salmos 68:8

yawheykha axta xapop, máméyak axta han ekyawe agko', kelpexyennamomchek axta apmonye' m'a Dios nak Sinaí, cham'a Dios nak Israel.

Salmos 98:7

Kaxtegyow wátsam ekwányam, tén han ekyókxoho aqsok ekhéyak nak kañe', tén han ma'a ekyókxoho nélwanmeygkaxa', yetlo m'a apheykha nak awáxok;

Éxodo 19:18

Paqneyk axta nahan ekyókxoho m'a egkexe Sinaí, hakte apweywenteyk axta Wesse' egegkok apkenegwa'akto m'a neyseksa táxa eyáléwe. Meyákxeyk axta néten ma'a éten ektémól'a m'a táxa axagkok, kelpexyennegkek axta nahan ekyennaqte agko' ma'a egkexe nak.

Isaías 24:1

Kóllano, esawhohok sa' aqsok Wesse' egegkok keso náxop, yetsagkasek sa', ekmaso sa' etnessásekxa', yexpánchesek sa' énxet'ák apheykha m'a kañe'.

Isaías 24:20

Máxa anmen áto' sa' katnehek kayawheykha, máxa tegma aphápak sa' katnehek kayawheykha meykel'a apyennaqte apkelánamap. Yentexók agkók ma'a megkay'assáxma, teyekmek sa' agkok, megkólxátekhásekxeyk sa' chá'a.

Isaías 5:25

Cháxa keñamak apkeltaqnaweygko nak Wesse' egegkok ma'a énxet'ák apagkok, apkellegassásegkók nahan. Kelyawheyha m'a egkexe nak, máxa aqsok apák kélchexakhál'a táhak ekhéyak kélhapák ma'a ámay awáxok. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Jeremías 4:24

Énmexawók axta m'a élámhakxa nak meteymog élekhahéyak, kelpexyennegkek axta; kelyawheykha axta ekyókxoho m'a egkexe nak.

Ezequiel 38:20

Kalpexyennók sa' nahaqtók ko'o m'a kelasma, náta, tén han ma'a aqsok nawha'ák éllo nak tén han ma'a élpexyaweykegkoho nak náxop kalxog, kawakxohok sa' nahan ma'a apyókxoho énxet'ák apheykha nak keso náxop. Kalyaqnenagkok sa' ma'a meteymog élekhahéyak nak, kapallegmak sa' nahan ma'a meteymog nak, kalyaqnenagkok sa' nahan náxop ma'a ekyókxoho meteymog kélhaxta nak nepyáwa tegma.

Joel 2:10

Kayawheykha chá'a xapop apmonye'e, kapexyennamok han chá'a m'a néten, kapeysemekxak chá'a ekhem, tén han pelten, kamaskok chá'a elápogwátek yaw'a.

Amós 9:5

Appaknegwokmók xapop ma'a Wesse' egegkok, Dios ekha nak apyennaqte, keñe élpatyapa, apkellekxagweyha nahan apyókxoho énxet'ák apheykha nak ma'a kañe'. Meyákxeyk chá'a néten ma'a xapop, keñe ekweywento nahan chá'a, ektémól'a kamyekxak néten yegmen ma'a Nilo, tén kaweywenták chá'a.

Miqueas 1:4

Kalpayhekxak sa' chá'a egkexe apkelteyagwánxa enxoho ektémól'a pápa' kólpekkenek ma'a nátex, kalmayhekxak sa' chá'a neyseksa m'a élyapwátegweykenxa nak xapop, ektémól'a yegmen ényé ekyennaqte élpexyaweykental'a.

Habacuc 3:10

Kelpexyennegkek han meteymog élekhahéyak ekwet'a; wéweynteyk han mámeye ekyawe agko' eñama m'a néten, páweyk han awáxok ma'a wátsam ekmattawóneg agko' nak, kelnextegkessek élyaqyahayam élyawe agkok.

Zacarías 4:7

¿Yaqsa exche' egkexe ekyawe? ¡Katnekxak sa' xe' xapop meyke élekhahéyak nápaqtók ma'a Zorobabel! Sa' elkok meteymog émha amonye' nak ma'a, neyseksa apteme apkelyennaqtéssamo apkelpeywa énxet'ák se'e: ¡Táse' nak la'a meteymog! ¡Tásók agko' nak la'a!’”

Malaquías 4:1

Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho.

Jueces 5:5

Kelyawheyha axta egkexe nápaqtók xép Wesse' egegkok, yawheykha axta egkexe Sinaí nápaqtók xép Dios nak Israel.