Nahúm 1:4 - Biblia Enxet

⁴ Epaqhetchesek chá'a ekyennaqte wátsam ekwányam, tén keymek chá'a. Yának chá'a kalyameygkok ma'a ekyókxoho wátsam. Kalyameygkok nahan chá'a pa'at yókxexma Basán, tén han ma'a egkexe Carmelo, kalyameygkok han chá'a pánaqte exnók ma'a Líbano.

Nahúm 1:4 ပူးပေါင်းရင်းမြစ်များ

Génesis 8:1

Xénwákxok axta apwáxok Dios Noé, tén han ekyókxoho aqsok nawha'ák élántaxnamo xamók axta yántakpayhe, apcháphássek axta éxchahayam keso náxop, tén axta ekwéweynto yegmen.

2 Samuel 22:16

Yáxña'akxoho axta tamheykekxak ma'a neysekso nak wátsam; negwetayók axta m'a awhak nak xapop, eñama Wesse' egegkok appeywa ekyennaqte agko', tén han apwátekhapma ekyennaqte.

Job 38:11

Axta ektemék seyenagkama s'e: “Sa' katnehek néxa s'e, megkamallánek sa'; sa' kalnextog élyaqyahayam élyawe agkok se'e.”

Salmos 104:7

Appaqhetchessegkek axta eyke exchep, keñe élxegama; yetlómok axta ényehéyak eklegaya appeywa éxtegyawà.

Salmos 106:9

Appaqhetchessegkek axta Wátsam Ekwányam Ekyexwase, yetlómok axta han ekyamaye. Apkelyeykháseykekxeyk axta m'a kañók agko' nak wátsam ekwányam, máxa axta apteméssessók ma'a xapop ekyamáyekxal'a exma.

Salmos 114:3

Xama axta ekweteya m'a wátsam ekwányam, yetlómok axta eyaqxegeykegkokxa', tén axta wátsam Jordán ekmassama ényé.

Salmos 114:5

Wátsam ekwányam, ¿yaqsa axta ektéma eyaqxegeykegkokxo? Yegmen Jordán, ¿yaqsa axta ektéma ekmassama ényé?

Salmos 18:16

Ey'assáseykmek axta ko'o apmek Dios, etekkessegkek axta m'a wátsam ekyawe agko' nak.

Salmos 74:15

Aptekkessegkek axta exchep ma'a élánteyapmakxa nak yegmen, tén han wátsam, apyamassegkek axta m'a yegmen wátsam megkeymáyeykxa nak.

Isaías 33:9

Kesagkék ma'a xapop yaqhapchek nahan exma, kelyameygkek aqsok naxma m'a Líbano, kelyetcheyk áwa' yenta'a, yókxexma ekyamayéxma tamhákxak ma'a ekyapwátegweykenxa nak xapop Sarón, meyke xama aqsok entamhákxak ma'a yókxexma Basán tén han ma'a egkexe Carmelo.

Isaías 42:15

Amasséssók sa' ko'o m'a meteymog élekhahéyak nak tén han ma'a egkexe náxap'awo nak, alyamaksek sa' ekyókxoho m'a aqsok elyápaqmátéyak nak áwa' m'a néten; ekyamayéxma sa' atnessásekxak ma'a wátsam nak, meyke yegmen sa' nahan atnessásekxak ma'a awáxok ekheykegkaxa nak chá'a yegmen.

Isaías 44:27

Ewanchek ko'o wának keymék ma'a wátsam ekwányam nak tén han katnehek meyke yegmen ma'a wátsam étkók agkok nak.

Isaías 51:10

apyamassegkek axta m'a wátsam ekwányam cham'a yegmen ekmattawóneg agko' nak, ámay axta apteméssáseykekxak ma'a kañók agko' nak wátsam ekwányam yaqwayam enxoho elyeykhekxak ma'a kélmallahanchesso nak aqsok ekyentaxno.

Ezequiel 30:12

Wának sa' ko'o keymék ma'a Nilo, keñe sa' agkések apchókxa m'a énxet'ák élmasagcha'a nak apkeltémakxa; sa' kañék ko'o sektawáseykha apchókxa xa énxet'ák apkeleñama nak mók nekha tén han ma'a ekyókxoho aqsok ekhéyak nak ma'a kañe'. Ekxénchek ko'o xa, sektáha nak Wesse'.

Ezequiel 38:20

Kalpexyennók sa' nahaqtók ko'o m'a kelasma, náta, tén han ma'a aqsok nawha'ák éllo nak tén han ma'a élpexyaweykegkoho nak náxop kalxog, kawakxohok sa' nahan ma'a apyókxoho énxet'ák apheykha nak keso náxop. Kalyaqnenagkok sa' ma'a meteymog élekhahéyak nak, kapallegmak sa' nahan ma'a meteymog nak, kalyaqnenagkok sa' nahan náxop ma'a ekyókxoho meteymog kélhaxta nak nepyáwa tegma.

Amós 1:2

Xama axta éxtegyawa appeywa Wesse' egegkok appaqmeta m'a egkexe Sión, cham'a Jerusalén nak, kelyameygkek axta pa'at ma'a yókxexma, yamakak axta nahan exma m'a naw'a nak egkexe Carmelo.

Amós 5:8

Wesse' egegkok, apkelane nak ma'a élántépeyam tén han ma'a yaw'a apchaqneykekxa nak, cham'a aptemessáseykekxa han chá'a axta'a ekhem ma'a, keñe nahan ekhem aptemessáseykekxa chá'a axta'a ekyáqtéssóxma; cham'a apkelwóneykha nahan chá'a yegmen ma'a wátsam ekwányam nak, keñe eyegkenek chá'a keso náxop; cha'a apteme han apketsagkasso chá'a tegma apyennaqte nak ma'a, ekweykmoho m'a kélhaxtegkesso nak ekyennaqte nepyáwa'. Wesse' egegkok, cháxa apwesey xa.