Nahúm 1:3 - Biblia Enxet

³ Mepekhaksek chá'a elwok ma'a Wesse' egegkok, apmeyhek eyke, megkatnehek chá'a mellegassáseykegkoho m'a apkelsexnánémap nak. Exog chá'a Wesse' egegkok ma'a neyseksa éxchahayam ekyennaqte, cha'a ekpánchesso apmagkok ma'a yaphope nak.

Nahúm 1:3 ပူးပေါင်းရင်းမြစ်များ

2 Samuel 22:10

Apmeykáseykekxeyk axta néten, keñe axta apweyweykento. ¡Yentexek axta yaphope ekpésyam ma'a kóneg apkenmágkaxa axta!

Nehemías 9:17

Axta emáheyók yeyxho, axta emáheyók kalxének apkelwáxok ma'a aqsok ekyawe apkelánesso axta m'a. Apkelásennamap apagko' axta, apkelyéseykha axta xama apkemha apmonye' apagkok, apkeltémo enaqlakxak makham yaqwayam etnekxak makham kélásenneykha naqsa m'a Egipto. Dios meyaqmagkáseykekxa nentémakxa eyke exchep, tén han Dios ektaqmeleykha apwáxok, tén han apmopyósa henlano', tén han mepekhésamap, tén han ekyawe segásekhayo, axta ekxakhák.

Job 10:14

éláneyha han apkeltamho étak may'assáxma, keñe eyaqmagkásekxak aqsok magwaqhémo.

Job 38:1

Keñe axta Wesse' egegkok appaqhetchesa Job neyseksa éxchahayam ekyennaqte.

Job 9:4

Awanhók agko' ektémakxa aqsok apya'áseykegkoho m'a Dios, tén han apmopwána, ¿yaqsa awanchek kalátegmoweyxche' tén han katnessásekxak kóneg?

Salmos 103:8

Wesse' egegkok apteme ektaqmeleykha apwáxok henlano', tén han apmopyósa henlano'; tén han mepekhésamap, awanhek han segásekhayo.

Salmos 104:3

¡Apkeláneyak apxagkok ma'a néten yegmen nak, cham'a netno' nak! Apchánte aptamheykekxak ma'a yaphope nak; ¡exog chá'a neyseksa éxchahayam!

Salmos 145:8

Wesse' egegkok apteme ektaqmeleykha apwáxok henlano', tén han apmopyósa henlano', tén han mepekhésamap, awanhek han segásekhayo.

Salmos 147:5

Apwányam apagko' ma'a Dios egagkok, awanhek han apmopwána; méko néxa m'a apya'áseykegkoho.

Salmos 50:3

Apxegakmek Dios egagkok, makke ewanmeyakmok, xegakmek apmonye' m'a táxa ekmassésseykmoho nak ekyókxoho aqsok, wakha'ak éxchahayam ekyennaqte agko' ma'a nepyáwa'.

Salmos 62:11

Hágkaxwe ko'o añak etnehek appeywa Dios se'e: ektáha apagkok ma'a apmopwána, tén han ma'a segásekhayo nak. Tén han apmésso chá'a xama énxet ekpayhawo nak chá'a ektémakxa aqsok apkelane.

Salmos 66:3

Kólteme kólának Dios se'e: “Keltásók agko' xép aqsok apkelane. Apmopwána ekyawe keñamak xép apkelpexyennama apmonye' m'a apkelenmexma nak;

Isaías 19:1

Egipto ekxénamaxche yaqwánxa kólteméssesek. Kóllano Wesse' egegkok: Apxegakmek néten yaphope ekyennaqte ekxega apmeyókmo m'a Egipto. Kelpexyennegkek apmonye' m'a aqsok kéláyókxa nak Egipto, apkelakawók apagko' ma'a egipcios.

Isaías 66:15

Hakte ewaták sa' Wesse' egegkok neyseksa táxa, hawók samaxche m'a yátnáxeg apyenyawasso apagkok nak; eyenyenták sa' aplo tén han ma'a táxa eyáléwe apagkok senlegassáseykegkoho nak.

Jeremías 4:13

Kóllano, máxa yaphope élxegayam aptamhágkok apkelxegakmo m'a kélenmexma, máxa éxchahayam ekyennaqte agko' la'a m'a yátnáxeg apkelyenyawasso apagkok apkenchesso nak kempakhakma, apmelyeyha'awók apagko' han apkenyehéyak ma'a yátnáxeg apkelchánte, apyeykhásseykmok ma'a ekweykenxal'a ekyennaqte émpé m'a náta élyawe. ¡Negko'o laye, peyk agmassegwók!

Daniel 7:13

“Éláneyha axta aqsa ko'o axta'a xa aqsok sélxekmósso nak: “Ekwet'ak axta apxegakmo neyseksa yaphope xama aphémo énxet, apmahágko m'a aphakxa axta Apkemha Apmonye' ekha kéláyo; kélya'ágkassek axta m'a aphakxa.

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Joel 2:13

¡Kólyo'ókxa makham kéxegke Dios Wesse' kélagkok, yetlo ekmámenyého kélwáxok, kólyápet kélwáxok, nágkólyápet ma'a kélántaxno! Hakte Wesse' egegkok apteme ektaqmeleykha apwáxok henlano', tén han apmopyósa henlano', mepekhésamap, awanhek han segásekhayo, elwátéssamhok chá'a yaqwánxa etnehek senlegassáseykegkoho.

Jonás 4:2

Tén axta appaqhetchesa Wesse' egegkok aptáha apkelmaxnagko s'e: —Wesse', cháxa sekxeyenma axta chá'a ko'o katnehek xa, sekhamakxa axta makham ma'a seyókxa. Axta keñamak sekmáheyo heykxe ko'o axyenmok amhagkok ma'a Tarsis, hakte ekya'ásegkók ko'o exchep apteme Dios ektaqmeleykha apwáxok henlano', tén han apmopyósa henlano', mepekhésamap elwok, awanhek nahan segásekhayo, exének chá'a ellegássesagkohok énxet'ák, keñe elwátessók chá'a.

Zacarías 9:14

Exekmósakpohok sa' Wesse' egegkok nepyeseksa m'a énxet'ák apagkok; máxa takha' apkelyenma sa' etnéssesek yágke aktek apagkok elyáta'. Epáwaksek sa' apchaqkahasso m'a Dios Wesse' egegkok, keñe sa' exog neyseksa éxchahayam ekyennaqte agko' eñama nak nepyeyam.

Números 14:18

mepekhésamap elwok, tén han ekyawe segásekhayo, meyaqmagkáseykekxa nentémakxa ekmaso, tén han kélenmexeykekxa, megkatnehek eyke chá'a exchep mellegassáseykegkoho m'a apkelsexnánémap nak, ellegássesagkohok chá'a eñama melya'assáxma m'a apyapmeyk, tén han ma'a kélketchek, tén han ma'a kéltawán'ák nak, ekweykekxoho m'a pók kéltawán'ák nak.