Nahúm 1:11 - Biblia Enxet

¹¹ Énxet'ák Nínive, kélnepyeseksa kéxegke apkeleñamak apkelánteyapma m'a énxet'ák apkeláneykekxa nak chá'a apkelpaqmeyesma yaqwánxa etnehek yenmexek ma'a Wesse' egegkok: apkeláneykekxa amya'a ekmaso aptémakxa.

Nahúm 1:11 ပူးပေါင်းရင်းမြစ်များ

2 Samuel 20:1

Aphegkek axta han xama énxet ekmaso aptémakxa m'a Guilgal, apkeñama axta nepyeseksa Benjamín énxet'ák apagkok, Sebá axta apwesey m'a, Bicrí axta apketche. Appáwássek axta apchaqkahasso Sebá apkeltamho yenmexek David, axta aptáhak se'e: “¡Mogwanchek negko'o agyepetchegwakxak ma'a David, kaqhók anleyxek ma'a Jesé apketche nak! ¡Israelitas, kóltaqhekxa kélxanák kélyókxoho!”

2 Reyes 18:30

Apkeltamhók sa' agkok kóltéhek kéláyo Wesse' egegkok ma'a Ezequías, aptáha enxoho elának se'e: ‘Naqsók sa' hẽlwagkasek teyp ma'a Wesse' egegkok; megkéshek sa' yaqwayam emok wesse' apwányam Asiria s'e tegma apwányam nak’,

2 Crónicas 13:7

Apkelyepetchákxeyk axta m'a énxet'ák mékoho tén han élmasagcha'a nak apkeltémakxa, eltennaksek axta chá'a apkeltamhókxa enxoho etnehek ma'a Roboam, Salomón axta apketche, hakte apketkok apagko' axta makham, yelqáxkók axta apwáxok. Mopwanchek axta etaqheksohok chá'a aptáhakxa enxoho chá'a apkelpeywa m'a énxet'ák nak.

Ezequiel 11:2

Aptáhak axta seyáneya Wesse' egegkok se'e: “Keso apkeláneykegkokxo nak chá'a aptamhágkaxa yaqwayam elanagkok aqsok ekmaso agko' se'e tén han apkeláneykekxo nak chá'a apkelpaqmeyesma ekmaso m'a tegma apwányam.

Miqueas 2:1

¡Énxet'ák la'aye, élxéneykha nak apkelwáxok elanagkok aqsok ekmaso neyseksa aphéyak apkelyetnamakxa néten, kelsakak agkok, elanagkok chá'a m'a élxeyenma nak apkelwáxok elanagkok, hakte yetneyk apmopwancha'a elanagkok!

Nahúm 1:9

¿Yaqsa ekxéna kélwáxok kéxegke kéllánegkokxo kélpeywa yaqwánxa kólteméssesek kólenmexek ma'a Wesse' egegkok? ¡Emasséssók sa' kéxegke kélyókxoho m'a! ¡Méko awanchek katnehek ánet énmexeykekxa m'a!

1 Samuel 2:12

Asagkek axta apkeltémakxa m'a Elí apketchek, megkalxének axta apkelwáxok ma'a Wesse' egegkok,