Miqueas 7:5 - Biblia Enxet

⁵ Ná etnésses chá'a naqsók appeywa pók, nágyáwho chá'a xama enxoho m'a apxegexma nak; elanagkoho chá'a appeywa appaqhetchesa enxoho aptáwa'.

Miqueas 7:5 ပူးပေါင်းရင်းမြစ်များ

Salmos 141:3

Wesse', hepekkenches ko'o xama apmasma nak chá'a apaqmétek ekmaso; hélánesagkoho chá'a sekpeywa peya enxoho chá'a apaqmétek.

Salmos 38:14

Máxa ektemék ko'o m'a énxet meñél'a ektemegweykmoho exma, megyátegmowéyak la'a eñak apxénamap.

Salmos 41:9

Weykmók sénmexeykekxo m'a sekxegexma seyásekhayo nak, magwéssama axta chá'a aqsok ahagkok, sektómo axta chá'a xamók sekto.

Jeremías 9:3

Yahamok chá'a héltennasha apkelmopwancha'a amya'a, máxa m'a ektémól'a yágke kólhaxtaqpog aktek. Yetnegkek negmowána amya'a m'a apchókxa, méko m'a amya'a ekmámnaqsoho nak; Yágweykmók aqsa ekteyapma aqsok ekmaso, Wesse' egegkok apagko' nahan apteme appeywa s'e: “Memáheyók hékpelchágwók ko'o.”

Jeremías 9:4

Nágkóleyxho kaxwók ma'a kélxegexma nak, tén han ma'a kélyáxeg kélagko' nak, hakte elyexanchesha nahan chá'a pók ma'a apkelyáxeg apancha'awo nak, elxénekxohok nahan chá'a ekmaso pók ma'a apkelxegexma'a nak.

Lamentaciones 1:2

Yókxoho axta'a élekxagweykha; kelsekkenmék aqtek égmenek ma'a amáxempenák. Méko xama enxoho yaqwayam epeykessásekxak awáxok ma'a apyókxoho éláneykxa nak chá'a. Apkenmexeykekxeyk ma'a apyókxoho námakkok; élenmexma aptamheykekxa'.

Jueces 14:17

Kelekxagweykha axta aqsa han nápaqtók ekweykmoho siete ekhem élánamáxche ektámaxche ekyawe, axta kalwátesseykmok, tén axta ektáha siete ekhem apkeltennasa ektémakxa. Yetlókok axta han ekxega éltennássekxo m'a ekpeywomo xamo'.