Miqueas 7:2 - Biblia Enxet

² Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.

Miqueas 7:2 ပူးပေါင်းရင်းမြစ်များ

Salmos 10:9

máxa m'a méwa ekyetnól'a kañe' meteymog áxwa, elanha chá'a énxet apmopyósa m'a apkelyexanmeykegkaxa nak, eleyxek chá'a éphagwók ma'a apheykegkaxa nak, apmeyk agkok xa, éñawaksek chá'a yaqxegkesek yám'én apagkok.

Salmos 12:1

Wesse', hẽlwagkas negko'o teyp, hakte méko aptáhak ma'a énxet'ák apteme nak melya'ásseyam meyenyaweykha nak xép; méko han aptáhak ma'a ekpéwomo nak apkeltémakxa.

Salmos 12:2

Elyexanchesha aqsa chá'a pók; atsek chá'a katnehek apkelpeywa háwe eyke naqso', eyaqmagkasek chá'a mók ektáhakxa apkelpeywa.

Salmos 57:6

Epekkenchessegkek ko'o emonye' kelhanma m'a sélenmexma nak, yaqwayam enxoho heyelaqtések; emétegkessegkek máxek ámay ahagkok, appalleykekxók apagko' eyke m'a máxek apagkok nak.

Proverbios 1:11

Sa' eykhe etnehek yának se'e: “Hẽlyetlogma'; ampekkenchesek sa' kelhanma yaqwayam agmok agaqhek ma'a énxet meyke nak aptémakxa.

Proverbios 12:6

Kelhanma segaqhamo appeywa m'a énxet ekmaso nak aptémakxa'; negwagkásamáxche teyp akke m'a ektémakxa nak chá'a appeywa m'a énxet appéwomo nak.

Isaías 3:5

Yentexek sa' katnehek apheykha m'a énxet'ák, yenmexekxak sa' aqsa chá'a m'a pók, megkeyxek sa' ma'a apkelxegexma apagko' nak chá'a. Elenmexekxak sa' apketkók ma'a apkelwányam nak, keñe sa' ma'a énxet'ák meyke nak kéláyo, elenmexekxak chá'a m'a énxet'ák ekha nak kéláyo.

Isaías 57:1

Apkeletsekkek agkok ma'a énxet meyke nak apkeltémakxa méko keytnakhaksohok awáxok; apmassegwokmek agkok nahan ma'a énxet éltaqmalma nak apkeltémakxa, méko kay'asagkohok apkeletsapa apkelmallana m'a aqsok ekmaso

Isaías 59:7

wánxa aqsa elya'ammok chá'a m'a aqsok ekmaso nak, yaqwayam enxoho yaqhek chá'a ekmanyehe agko' ma'a énxet meyke nak aptémakxa. Aqsok ekmaso aqsa kélxéneykha apkelwáxok, enaqtawasha chá'a aqsok ma'a apkelmahágkaxa enxoho, esawhohok chá'a.

Isaías 9:19

Metchek apchókxa eñama aplo m'a Wesse' ekha nak apyennaqte, masséssekmek táxa m'a énxet'ák; aptókagkokxék chá'a aphápetek ma'a apketchek apancha'awo nak, megkalepyósak nahan chá'a apkelano m'a apnámakkok. Apheyk xama ekmanyehe nak enaqsapok apto s'e, megkeyxek eyke kaqhek aqsa chá'a meyk, kaxek chá'a mók aptawakxa á, meyaqkanmek eyke.

Jeremías 16:16

“Ektáhak ko'o sekpeywa s'e sektáha nak Wesse': ‘Wának sa' ko'o elxegmak apxámokma m'a aptegyéyak nak kelasma, yaqwayam sa' etegyagkok ma'a israelitas ektémól'a antegyek kelasma. Keñe sa' natámen wának elxegmak apxámokma m'a apkelnempaqwáméyak, yaqwayam sa' elnempaqwomagkok, tén han élántekkesek apyókxoho m'a élámhakxa nak meteymog élwenaqte tén han egkexe ekweykekxoho m'a meteymog élyagqaxe nak.

Jeremías 5:16

Apyókxoho aptamhéyak kempakhakma yapmeyk apkelyennaqte m'a, máxa nahan takhaxpop meyke kélápeykekxa m'a apxata nak yágke aktek apagkok.

Jeremías 5:26

Apyetneyk nepyeseksa énxet'ák ahagkok ma'a énxet'ák élmasagcha'a nak apkeltémakxa, apkelyexanmeykha nak chá'a, aptémól'a m'a aptegyéyak nátétkók, apnegkenma nak chá'a kelhanma yaqwayam elmok ma'a apnámakkok.

Jeremías 8:6

Ektaqmelchessamók axta eykhe sélhaxneykha séltémo aña', maxta eyke añék kaqhek apwáxok aptémakxa ekmaso xama énxet enxoho, tén han méxamakpoho enxoho etnehek appeywa s'e: ¿Yaqsa aqsok ko'o séláneya? Apyókxoho apkelxegák ekyennaqte apkelyetlama m'a ámay apagkok nak, máxa m'a yátnáxeg élyennaqtél'a apyespa'ák neyseksa kempakhakma.

Lamentaciones 4:18

Enláneykha chá'a ekyókxoho nélmahágkaxa enxoho chá'a; mogwanchek ólántépok ámay. Ketók negmassamakxa'; ¡wokmek kaxwók néxa nélweynchámeykha!

Ezequiel 22:12

Yetneyk han chá'a nápakha énxet'ák apagkok apma nak chá'a kólmések ekyánmaga yánékpok yaqhek ma'a pók. Emássesha nahan chá'a selyaqye apagkok pók yetlo apma ekyawe agko' ekyánmaga tén han apkeltémo eyánmagkásekxohok chá'a mók néten, elyennaqtésha nahan chá'a apyempe'ék enaqtawasagkohok ma'a apnámakkok, keñe ko'o megkaxénhek chá'a apkelwáxok. Ko'o sekxeyenma xa, sektáha nak Wesse'.

Ezequiel 24:6

“Hakte aptáhak Wesse' egegkok se'e: ¡Tegma apwányam ekyetnamakxa nentekyawal'aye! Máxa m'a xama weygke ekteyapmal'a ayéw'ák apwáxok, megkalchamáxchel'a m'a apyéw'ák. Elek sa' chá'a exchep xama xama m'a ápetek kélyaqtennéyak nak, ekwokmoho apteméssesa meyke aqsok apwáxok ma'a weygke.

Oseas 5:1

“Apkelmaxnéssesso énxet'ák ahagkok, kóleyxho sa' se'e; Énxet'ák Israel, kóltaqmelchesho sa' kélháxenmo; kéxegke wesse' apwányam nak apnámakkok, kóleyxho sa' se'e: Kéxegke sa' kólyekpelchexkoho', hakte máxa kelhanma kélpekkenmal'a kéltemék kéxegke m'a Mispá, tén han xama yám'én kéltegyessól'a m'a egkexe nak Tabor,

Oseas 6:9

Máxa apkelmenyexma aptamheykegkok apkelhaxneykencha'a chá'a énxet'ák ma'a apkelmaxnéssesso nak énxet'ák ahagkok, yaqhek chá'a énxet'ák ma'a ámay nak Siquem, elanagkok han chá'a m'a aqsok ekmaso agko' nak.

Miqueas 2:8

Kélenmexma kaxwók kéxegke kéltamhákxak ma'a énxet'ák ahagkok. Kélyementameykegkek apkelnaqta apkeltaqmalma m'a apkelweykta axta makham apkelenyeykta m'a kempakhakma, cham'a élxeyenma axta apkelwáxok apkelwagkáseykpo teyp.

Miqueas 3:10

kélmeykha nak kéllane Jerusalén ma'a nentekyawa, kélmeykha nak kéllane tegma apwányam Sión ma'a megkapéwomo nentémakxa.

Miqueas 3:2

Kéltaqnagkamchek kéxegke m'a aqsok ektaqmela nak, keñe kélásekhayo m'a aqsok ekmaso nak; kélhaxyawássessegkek apyempe'ék ma'a énxet'ák ahagkok, yáxña'akxoho kélnegkencháseykekxak apexchakkok.

Zacarías 11:6

Megkalepyósek sa' ko'óxa kaxwók alanok énxet apheykha nak se'e apchókxa nak, agkések sa' aqsa chá'a yaqwayam emok xama m'a pók nak, tén han yaqwayam emok chá'a m'a wesse' apwányam apagkok. Sa' emasséssók apchókxa xa, malwagkasek sa' nahan ko'o teyp apkelma enxoho chá'a m'a. Ko'o sekxeyenma xa, sektáha nak Wesse'.”

1 Samuel 24:11

“Etaqmelchásekxoho apkelányo s'e sekmáncha'a nak wesse': aptaxno apchaqlamap napwa'a s'e wesse', nanók xeyk eykhe waqhek. Cháxa yaqwayam sa' ey'asagkohok xép wesse', megkaxeyenma ewáxok ko'o atnéssessamhok exma ekmaso ko'o exchep, tén han wanmexek, tén han maláneya xama aqsok ekmaso nápaqtók xép. Eyaqmáseykha aqsa exchep apmáheyo heyaqhek.

1 Samuel 26:20

Mómenyék ko'o amátog makhawók mexnakxa nak Wesse' egegkok, ¡apxegeykmek eyke exchep wesse' apketamsama máleg askok, eyaqmáseykha m'a neyseksa egkexe nak, máxa sénhek etnéssessók!