Miqueas 7:17 - Biblia Enxet

¹⁷ ¡Elyaqmelmakha sa' xóp ánek ektémól'a yéwa, tén han ektémól'a m'a mók aqsok élpexyaweykegkoho nak náxop kalxog! ¡Elpexyennók sa' elántépok ma'a apxanák nak, yetlo apkelyegwakto ekyawe agko' sa' elyo'ókxak xép, Dios Wesse' egagkok!

Miqueas 7:17 ပူးပေါင်းရင်းမြစ်များ

2 Samuel 22:46

kalyelqaxchek chá'a apkelwáxok hélanok énxet'ák apkeleñama nak mók nekha, elpexyennók chá'a elántépok ma'a apkelyexanmomakxa nak chá'a.

2 Crónicas 17:10

Apkeláyók apagko' axta Wesse' egegkok ma'a apyókxoho énxet'ák apheykha nak neyáwa Judá, apcháyak axta elnapakpok ma'a Josafat.

Salmos 18:45

kalyelqaxchek chá'a apkelwáxok hélanok énxet'ák apkeleñama nak mók nekha, elpexyennók chá'a elántépok ma'a apkelyexanmomakxa nak chá'a.

Salmos 72:11

¡Apyókxoho kelwesse'e apkelwányam sa' eltekxeyagkok aptapnák apmonye'! ¡Apyókxoho pók aptémakxa énxet'ák sa' elyahakxoho'!

Salmos 72:9

¡Elmésakpok sa' ma'a apheykencha'a nak yókxexma meykexa énxet, elháxahagkok sa' apmonye' m'a apkelenmexma nak!

Salmos 9:20

Wesse', elyegwakkas xép, ¡yána elya'asagkohok aptamhéyak aqsa énxet!

Isaías 25:3

Cháxa keñamak apcháyo nak chá'a exchep ma'a énxet'ák apkelyennaqteyáseykha nak chá'a apyempe'ék, yeykpohok xép ma'a tegma apkelyawe apheykegkaxa nak énxet'ák megkamayósa nak elanok aqsok.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 59:19

Apyókxoho énxet sa' yáwhok Wesse' egegkok apkelwet'a sa' apcheymákpoho, eyeynamo m'a teyapmakxa ekhem nak ekweykekxoho m'a taxnegwánxa ekhem, hakte máxa yégayam ekyawe sa' etnehek éxyamok ma'a, ekyawheyáseykhal'a éxchahayam ekyennaqte agko'.

Isaías 60:14

Elya'áwak sa' kéxegke m'a apketchek nak énxet'ák apnaqtawáseykegkoho axta chá'a, eltekxeyagkok sa' aptapnák kélmonye'e, metwasha apagko' sa' elháxahagkok eltekxeyagkok aptapnák xóp kélchaqnágkaxa apyókxoho m'a ektáha axta chá'a apkelwanyeykha, eltéhek sa' nahan Jerusalén ‘Wesse' egegkok Tegma Apwányam apagkok’, ‘Dios Aptaqmalma nak Israel Sión apagkok’.

Isaías 64:2

katnehek ma'a ektémól'a táxa kalwatnek ma'a yámet aktegák apák enxeykel'a nahan ma'a ektémól'a katnetchásegmak ma'a yegmen. Keñe elya'asagkohok apwesey m'a apkelenmexma nak elpexyennók nahan nápaqtók ma'a pók aptémakxa nak chá'a énxet'ák.

Isaías 65:25

Katwohok sa' xamók ekto wáwo m'a nepkések apketkok, katwok sa' pa'at ma'a méwa ektémól'a weyke, keñe sa' ma'a yéwa katwok xapop. Méko sa' xama enxoho kalának ekmaso m'a ekyókxoho nak egkexe ekpagkanamaxchexa ahagkok.” Wesse' egegkok apxeyenma xa.

Isaías 7:19

Apyókxoho sa' elxegmak ma'a, elánegwak sa' apheykegkaxa m'a élyapwate élmattawóneg nak tén han ma'a meteymog áxwa'ák nak, tén han ma'a ekyókxoho nak élaqneykegkaxa m'a yenta'a ekha nak am'ák tén han ma'a ekyeneykegkaxa nak chá'a yegmen ma'a aqsok kélnaqtósso.

Jeremías 16:16

“Ektáhak ko'o sekpeywa s'e sektáha nak Wesse': ‘Wának sa' ko'o elxegmak apxámokma m'a aptegyéyak nak kelasma, yaqwayam sa' etegyagkok ma'a israelitas ektémól'a antegyek kelasma. Keñe sa' natámen wának elxegmak apxámokma m'a apkelnempaqwáméyak, yaqwayam sa' elnempaqwomagkok, tén han élántekkesek apyókxoho m'a élámhakxa nak meteymog élwenaqte tén han egkexe ekweykekxoho m'a meteymog élyagqaxe nak.

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Lamentaciones 3:29

kéméxcheyk etnehek meyke eyeymáxkoho apwáxok etekxók nápat xapop, lapmaxcheyk keytek apkelhaxanma m'a apmonye';

Zacarías 14:5

keñe sa' kéxegke kólmahagkok kólenyahagkok xa ekyapwate nak, peya nak keytek neyseksa m'a egkexe, hakte kawakxohok sa' ma'a yókxexma Asal, cham'a mók nekha nak. Kólenyahagkok sa' kéxegke, ektéma axta apkenyaheykegko m'a kélyapmeyk nano' apcháya m'a xóp ekyawheykha, ekteyapma axta aptémakxa axta wesse' apwányam Ozías ma'a Judá. Keñe sa' éxyamok Dios Wesse' ahagkok yetlo apkelxegexma'a m'a apyókxoho apkelásenneykha apkelpagkanamap nak.

Deuteronomio 32:24

eletsapok sa' meyk élnapma tén han negmasse; kamasséssók sa' negmasse ekmáske nak hentéhek; wahak sa' ko'o m'a aqsok nawha'ák éllo élleykha nak naxma tén han ma'a yéwa ekmáske nak hentakxek.

Josué 9:24

Keñe axta apkelátegmowágko Josué m'a: —Nentemék axta negko'o m'a hakte tamháha axta egwáxok kólmahagkok hẽlnáhapwók, hakte negya'ásegkók ma'a Dios Wesse' kélagkok, apkeltémókxa axta etnehek ma'a Moisés, apteme axta apchásenneykha, apxeyenma egkések kéxegke s'e ekyókxoho apheykegkaxa nak, tén han emasséssók ma'a apyókxoho ektáha nak apheykha s'e,

1 Samuel 14:11

Apkelxekmowásekpok axta han apheykegkaxa axta filisteos xa apqánet nak. Xama axta apkelwet'a, axta aptáhak apkelpaqmeta s'e: “Kólenmexho hana, apkelántekkek kaxwók hebreos meteymog áxwa apkelyexanmomakxa axta.”