Miqueas 7:15 - Biblia Enxet

¹⁵ Exekmós ma'a aqsok sempelakkasso nak agweta', ektéma axta m'a apkelántekkessama axta Egipto.

Miqueas 7:15 ပူးပေါင်းရင်းမြစ်များ

Salmos 68:22

Aptáhak Wesse' egegkok se'e: “Anaqlósawakxak sa' ko'o makham kélenmexma apkeleñama m'a Basán nak; anaqlósawakxak sa' makham apkeleñama m'a wátsam ekwányam ekmattawóneg nak,

Éxodo 3:20

Axekmósek sa' eyke ko'o sekmowána m'a egipcios, alnápok sa' nahan. Atekkessesek sa' nahan ekyókxoho aqsok segyegwakkassamo nak agwetak ma'a kañe' apchókxa. Keñe sa' natámen xa, yohok kólántépok ma'a wesse' apwányam faraón.

Éxodo 34:10

Aptáhak axta Wesse' egegkok se'e: “Kóltaqmelchesho sa' kélháxenmo s'e: élanak ko'o kaxwók xama ekhémo mók nélpaqhetchásamáxkoho nápaqta'awók ma'a apyókxoho énxet'ák apagkok. Alának sa' ko'o aqsok ekyawe agko' sempelakkasso nak agweta', megkalánamáxko nak makham xama enxoho m'a mók apheykegkaxa nak chá'a énxet keso náxop, elwetak sa' apyókxoho énxet apheykha nak kélnepyeseksa kéxegke sekmowána alának aqsok, ko'o sektáha nak Wesse', hakte katnehek sa' ekwányam agko' sempelakkasso nak agwetak ma'a aqsok sekmako nak ko'o alanaksek kéxegke.

Isaías 11:16

Apkelchexyekmek sa' agkok makham apkelenyékta' Asiria xa apkeleymomap nak Wesse' egegkok énxet'ák apagkok, elwetak sa' ekyawe agko' ámay, ektéma axta m'a énxet'ák Israel apkelánteyapma axta m'a Egipto.

Isaías 51:10

apyamassegkek axta m'a wátsam ekwányam cham'a yegmen ekmattawóneg agko' nak, ámay axta apteméssáseykekxak ma'a kañók agko' nak wátsam ekwányam yaqwayam enxoho elyeykhekxak ma'a kélmallahanchesso nak aqsok ekyentaxno.

Isaías 51:9

Exatakha' Wesse' egegkok exatakha' yetlo apmopwána, emekxa apyennaqte; exatakha' aptéma axta m'a nentámen axta cham'a nanók agko' axta. Apkelyaqtenneykegkek axta exchep ma'a Rahab, cham'a yegmen askok ekyawe nak;