Miqueas 7:14 - Biblia Enxet

¹⁴ ¡Wesse', eltaqmelches énxet'ák apagkok, aptáha nak nepkések apnaqtósso apagkok apagko', apkelweynchámeykha nak apxakcha'awók naxma, ekwakhaya nak xapop éltaqmalma! Enaqlakxa m'a ekhakxa nak pa'at Basán tén han Galaad, ektéma axta m'a nanók axta.

Miqueas 7:14 ပူးပေါင်းရင်းမြစ်များ

Salmos 100:3

Kólya'asagkoho Wesse' egegkok apteme Dios; cha'a senlane negko'o m'a, tén han apagkok; ¡negko'o nenteme énxet'ák apagkok, tén han nepkések apnaqtósso apkelleykha nak yókxexma apagkok!

Salmos 143:5

Xénwákxok ko'o ewáxok ma'a nanók axta, xénchek ewáxok ekyókxoho m'a aqsok apkelane axta.

Salmos 28:9

Wesse', elwagkas teyp énxet'ák apagkok; elmésák éltaqmalma apheykha m'a ektáha nak xép apagkok. Eltaqmelches aptémól'a keláneykha nepkések; ¡elqeynmakha chá'a meyke néxa!

Salmos 95:7

Cham'a Dios egagkok negko'o m'a, keñe negko'o nenteme énxet'ák apagkok; nenteme nahan nepkések néleñama m'a yókxexma apagkok nak. Kóleyxho sakhem aptáhakxa nak apkeláneya:

Éxodo 33:16

Hakte agkok xeyep hẽlyetláwak, ¿háxko katnehek kólya'asagkohok ekyetnama exchep apkelásekhayo énxet'ák apagkok tén han ko'o xa? Hakte cháxa wánxa kélwanchek kólyekpelkohok énxet'ák apagkok tén han ko'o xa maghémo nepyeseksa m'a apyókxoho énxet'ák nak keso náxop.

Cantares 4:1

¡Tásók agko' nak la'a exche', sekpagkanma, tásók agko'! Máxa apqánet wáx'ay la'a elyagqak aqta'ák ma'a teyp nak eyáhakkasso nát apáwa apkexyawe; máxa yát'ay apketkók apkelnextegeykhal'a néten meteymog élekhahéyak Galaad ma'a áwa' nak.

Isaías 27:13

Kólpáwaksek sa' kélaqkahasso ekyennaqte ekpáwà xa ekhem nak, keñe sa' ma'a apkelxegánegwayam axta m'a Asiria, ekhawo nahan ma'a kélnaqleykekxa axta m'a Egipto, elmeyenták sa' Jerusalén elpeykessetámhok ma'a Wesse' egegkok, cham'a egkexe ekpagkanamaxchexa nak.

Isaías 35:2

kalántekkásekxa makham ma'a pánaqte exnók ektémól'a m'a pánaqte exnók élyápaqmate éltaqmalmal'a, kalpayhekxoho agko' kélwáxok. Dios sa' etnéssesek ektaqmalma agko' ektéma nak ma'a Líbano, tén han megkéssamakxa katyapok aqsok ektéma nak ma'a Carmelo tén han ma'a ekyapwátegweykenxa nak xapop ma'a Sarón. Apyókxoho énxet sa' elwetak Wesse' egegkok élseyéxma apagkok tén han ma'a Dios egagkok apcheymákpoho nak.

Isaías 37:24

Apkeláneykha axta exchep apkeláphásak apwanyeykencha'a m'a Wesse' egegkok. Axta aptáhak se'e: ‘Yetlo ekxámokma yátnáxeg apkelyenyawasso ahagkok eyántak ma'a egkexe étseksek nak, cham'a ektáhakxa nak netnók agko' ma'a Líbano. Élyaqténchessek ma'a yámet cedros agkok élwenaqte agko' nak, tén han ma'a yámet pinos éltaqmalma agko' nak. Ekwokmók ma'a naw'ék netnók agko' nak, tén han ma'a naxma agkok ekyentaxno ekhémo nak kélcheneykekxexa aqsok.

Isaías 40:11

Máxa keláneykha nepkések aptáhak apkexyekmo apkeltaqmelchessól'a m'a nepkések apnaqtósso; apkelqeynánteyk ma'a nepkések apketkók, apkelpathetánteyk nahan, aptaqmelchásawók nahan chá'a apkeláneykha m'a kaxwe aptamhéyak nak apnaqláw'ák.

Isaías 49:10

“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.

Isaías 65:10

Esawhekxohok sa' nepkések ma'a ekyapwátegweykenxa nak xapop Sarón, keñe sa' ma'a ekyapwátegweykenxa nak xapop Acor katawagkok pa'at ma'a weyke yaqwayam sa' etnehek apnaqtósso m'a énxet'ák ektáha nak chá'a ko'o sektamso.

Jeremías 49:31

Ektáhak ko'o seyáneya s'e, sektáha nak Wesse': ¡Kólxeg, kólchetamák xa énxet'ák megkalyetnakhassamo nak apkelwáxok xama aqsok tén han ektaqmalma nak apheykha, apheykha nak chá'a meyke atña'ák apagkok, tén han meyke apkelápeykekxa, apyetno nak apxakko'!

Lamentaciones 1:7

Xénwákxók awáxok Jerusalén ma'a ekhem ektamhákxo axta axakko', tén han ekyaqhápeykha awáxok; xénwákxók awáxok ekyókxoho m'a aqsok ekxámokma ekweteya axta m'a nentámen axta; xénwákxók awáxok ma'a apmoma axta élenmexma, megkólya'áya axta kólpasmok, apkelányo axta m'a élenmexma keñe apkesméssama m'a kéltemessásekxo mékoho.

Lamentaciones 5:21

¡Wesse', yána agyo'ókxak makham xép, keñe sa' agyo'ókxa'! ¡Yána katnekxak makham nélweynchámeykha ektémakxa axta nano'!

Ezequiel 36:11

Wának sa' ko'o exámekxak kélnepyeseksa m'a énxet tén han ma'a aqsok kélnaqtósso, exámagkohok apagko' sa'. Exnágwakxohok sa' makham apxámokma énxet ma'a apweykenxa axta apxámokma m'a sekxók axta, keñe sa' kéxegke, tásek sa' katnehek kélheykha, megkaxók sa' ma'a ektémakxa axta m'a nentámen axta. Keñe sa' kólya'ásegwók ko'o sektáha Wesse'.

Levítico 27:32

“Kólpagkanchesek sa' chá'a Wesse' egegkok ma'a aqsok kélnaqtósso ekwayam nak chá'a diez xama, cham'a weyke essenhan nepkések,

Amós 9:11

“Axátekhásekxak sa' ko'o makham David axta apxagkok aptéyam xa ekhem nak. Alápekxak sa' ma'a apkelyagqaxe nak, almekxak sa' makham ma'a nápakha'a apketkók nak, keñe sa' axátekhásekxak makham axnéshok ma'a aptémakxa axta m'a nano' axta,

Abdías 1:19

Emok sa' israelitas apheykencha'a nak Négueb ma'a yókxexma egkexe élekhahéyak nak Esaú, keñe sa' ma'a apheykencha'a nak ekpayhegweykenxa xapop emok ma'a filisteos nak xapop apagkok. Elmok sa' han ma'a xapop nak Efraín, tén han ma'a Samaria, keñe sa' ma'a Benjamín énxet'ák apagkok emok ma'a yókxexma nak Galaad. Cháxa israelitas apxámokma kélnaqleykekxa axta megkatnahakxa apkelókxa, emok sa' cananeos xapop apagkok, ekweykmoho m'a Sarepta, tén han ma'a kélántekkesso axta Jerusalén, apheykencha'a nak Sefarad, emok sa' ma'a tegma apkelyawe nak Négueb.

Miqueas 5:4

Yempekxak sa' néten ma'a wesse' apwányam yaqwayam sa' eltaqmelchesek ma'a énxet'ák apagkok, yetlo apmopwána, tén han apcheymákpoho eñama nak apmésso m'a Dios Wesse' apagkok, exmakha sa' meyke élya'ásekhaxma m'a, hakte kólteméssesek sa' apcheymákpoho Wesse' egegkok, ekweykmoho m'a néxa xapop nak.

Sofonías 3:13

Melanagkek sa' aqsok megkapéwomo m'a énxet'ák Israel apkeleymomap nak meletsapma, metnahagkek sa' han chá'a apkelmopwancha'a amya'a, melyexanchesha sa' nahan chá'a pók. Apwanchek sa' etawagkok aptéyak tén han ellókasagkok apkelyampe meyke apkelaye xama aqsok enxoho.”

Zacarías 10:10

Wának sa' elchexyók makham apkeleñama m'a Egipto, anaqlósawakxak sa' ma'a Asiria, anaqlakxak sa' ma'a Galaad tén han ma'a Líbano, megkawakxók sa' nahan apyókxoho m'a yókxexma nak, hakte apxámok sa' etnehek.

Zacarías 11:7

Keñe axta ko'o séláneyncha'a m'a nepkések apkelpagkanamap axta yaqwayam kólya'aksek ma'a aptekyómakxa. Axta seyásenneykha m'a ektáha axta chá'a apkelmá. Élmeyk axta nahan ánet yámet: ekteméssessek axta nahan ekwesey xama “Ektaqmalma Negha”, keñe axta m'a mók nak sekteméssesa ekwesey “Negyepetcheykekxa Egmók”.

Malaquías 3:4

Keñe sa' kapayhekxak apwáxok Wesse' egegkok elanok ma'a aqsok apkelmésso naqsa nak ma'a énxet'ák Judá, tén han ma'a Jerusalén, ekhawo ektémakxa axta chá'a ekpayheykekxo apwáxok apkelányo m'a nanók axta.

Números 23:9

Ekwet'ak ko'o neyseksa sénmeykha s'e netnók meteymog ekwenaqte nak, élanawók neyseksa sénmeykha s'e néten egkexe étseksek nak: apteme énxet'ák apheykha apxakcha'awo', megkólpáxaqtésso m'a pók énxet'ák nak.

Números 32:1

Xámók agko' axta aqsok apnaqtósso m'a Rubén tén han Gad énxet'ák apagkok nak. Xama axta apkelwet'a ektaqmalma nenxámaseykekxa aqsok nennaqtósso m'a xapop nak Jazer, tén han Galaad,

Deuteronomio 33:28

Exek sa' chá'a meyke ektamheykha apwáxok ma'a Israel, méko sa' katnehek ektáhakxa apkelweynchámeykha m'a aptawán'ák neptámen nak. Exek sa' hótáhap tén han anmen yámet kélcheneykekxa m'a xapop apagkok nak, megkameykkehek sa' chá'a ekmámeye.