Miqueas 7:10 - Biblia Enxet

¹⁰ Elwetak sa' nahan ma'a sélenmexma nak, cháxa peya sa' kalmegqaksohok apagko' xa. Hakte axta etnehek chá'a heyának se'e: “¿Háxko aphakxa Dios Wesse' apagkok?”, alanha sa' ko'o kaxwo' kólteyammaha ektémól'a yelpa' m'a ámay nak.

Miqueas 7:10 ပူးပေါင်းရင်းမြစ်များ

2 Samuel 22:43

¡Ektepelchamók axta ektémól'a yagkamex náxop! ¡Élteyammeykha axta, ektémól'a ólteyammaha yelpa' m'a ámay!

Salmos 109:29

¡Elmegqáwhok apagko' sa' ma'a sélenmexma nak. ¡Kápok sa' apkelmegqakto, aptémól'a kélaqlamaxche'!

Salmos 115:2

Yaqsa ektéma aptéma nak chá'a sẽlmaxneyeykencha'a pók énxet'ák se'e: ¿Háxko aphakxa Dios kélagkok?

Salmos 18:42

¡Ektepelchamók axta ektémól'a yagkamex kalsók éxchahayam! ¡Élteyammeykha axta, ektémól'a ólteyammaha yelpa' m'a ámay!

Salmos 35:26

Yána elmegqágwomhok apagko' ma'a élpayheykxo axta apkelwáxok seyáhapwa'a ko'o aqsok ekmaso; yána elmegqáwhok apagko' ma'a apkene axta hetnessásekxak ko'o kóneg.

Salmos 42:10

Weykmok élmásse exchakkok, eñama sexéneykha ekmaso m'a sélenmexma nak, yókxoho ekhem kélteme sélmaxneyeykha s'e: ¿Háxko aphakxa Dios apagkok?

Salmos 42:3

Yókxoho ekhem ko'o sélekxagweykha tén han yókxoho axta'a, yókxoho ekhem kélteme sélmaxneyeykha s'e: “¿Háxko aphakxa Dios apagkok?”

Salmos 58:10

Kalpayhekxak sa' apkelwáxok kélyaqmagkassásekxo enxoho kélteméssessamakxa m'a apkelpéwomo nak; ¡elyássesek sa' apmagkok éma apagkok ma'a élmasagcha'a nak apkeltémakxa!

Salmos 79:10

Nágyoho etnehek apkelpeywa m'a pók énxet'ák nak: “¿Háxko aphakxa Dios apagkok?” ¡Hégho negko'o anlanha aphéssessamo mók apkeletsapma m'a apkeláneykha! ¡Keñe sa' elya'asagkohok han ma'a melpeykessamo nak chá'a exchep!

Salmos 92:12

Máxa áxa élyapwe sa' etnahagkok ma'a meyke nak apkeltémakxa, máxa yámet cedro sa' etnehek yektog élámha nak Líbano,

Isaías 26:11

Wesse', appenchessek xép aptáhakxa yaqwayam ellegássesagkoho', makke elya'ásegkok ma'a; apkelwet'ak sa' agkok ektémakxa ekyawe apkelásekhayo exchep ma'a énxet'ák apagkok, elmegqeyk sa'. ¡Kamassessamho annal'a aplo xa énxet'ák nak!

Isaías 41:25

“Éltamhók axta ko'o éphagwak xama énxet ma'a ekpayho nak teyapmakxa ekhem; ekwóneyha axta apwesey, tén axta apyephagwa'a m'a ekpayho nak nexcheyha. Máxa axta yelpa' aptemessásak apkelteyammeyncha'a m'a kelwesse'e apkeláneykha nak chá'a apkelókxa; máxa axta aptáhak ma'a aptémól'a apkelane yátegwáxwa eyélaqtések yelpa' m'a apmagkok.

Jeremías 49:15

Mékoho kélagko' sa' ko'o atnéssesek kéxegke nepyeseksa énxet'ák, kélwanyamáxkoho kélagko' sa' atnéssesek nepyeseksa énxet'ák.

Jeremías 51:24

“Kélnápaqta'awók sa' kéxegke ayaqmagkásekxak apkeltémakxa m'a énxet'ák Babilonia, tén han ma'a caldeos, ekpayhawo nak chá'a atnéssesek, eñama ekmaso apteméssessamakxa axta m'a Sión. Ko'o sekxeyenma xa, sektáha nak Wesse'.

Jeremías 51:51

Kéltáhak kéxegke kélpeywa s'e: “Nélmegqakkek negko'o nenleg'a ektáhakxa sẽlwanyeykha. Nélmegqakkók egagkók negko'o hakte weykmók apkelántaxnama énxet apkeleñama mók nekha m'a kañe' ekpagkanamaxchexa agko' nak ma'a tegma appagkanamap.”

Ezequiel 7:18

Elántaxnekxak sa' ma'a apáwa sẽlwáxaqxamól'a magkenatchesso éllegágkoho apkelwáxok; kalpexyennók sa' ekyókxoho apyempe'ék, elxog sa' yetlo élyexwáseykekxa nápaqta'a apkelmegqakto, tén han élmópeyo agko' apkelyese.

Daniel 3:15

¿Kóltekxeyagkoya sa' kaxwók kéltapnák amonye' m'a kéleykmássesso séltémo axta héllanaksek, kélleg'a enxoho élpáwa m'a aqsok kélpáwasso nak? ¿Kólpeykeshoya sa'? Sa' agkok kólpeykásawo', kaxwók sa' kólchexák kañe' táxa axagkok eyáléwágkaxa nak; ¿yaqsa sa' dios apwanchek elwagkasek teyp?

Joel 2:17

Kóllekxagwaha apkelmaxnéssesso énxet'ák ahagkok, apkeltamheykha nak chá'a sekhakxa ko'o sektáha nak Wesse', kólteme kólpaqmétek émha amonye' apwáxok nak tegma appagkanamap, tén han élwatnamáxchexa nak aqsok se'e: “Wesse', elásekhekxoho énxet'ák apagkok; nágyoho aqsa ey'ássók xama énxet enxoho m'a énxet'ák apagkok; nágyoho enaqtawasagkohok ma'a pók énxet'ák nak, nágyoho etnehek énxet melya'áseyak nak xép se'e: ¿Háxko aphakxa Dios apagkok?”

Abdías 1:10

“Emegqáwhok apagko' sa', kólmasséssók sa' nahan megkatnégwayam néxa, eñama aptawáseykegkoho m'a apyáxeg Jacob tén han apchaqhe.

Abdías 1:12

Axta eykhe kapayhawok xép kapayhekxak apwáxok apwet'a ektáhakxa ekmaso apha m'a apyáxeg, axta eykhe kapayhawok xép kapayhekxak apwáxok apwet'a ektáhakxa kélmasséssekmo m'a Judá, axta eykhe kapayhawok xép yesmaksek apwet'a apkellegágkoho ekyentaxno agko'.

Miqueas 4:11

Apxámok kaxwók pók aptémakxa énxet'ák apyepetchákxo pók apkenmexa exchep, aptáhak apkelpaqmeta s'e: “¡Anlanha sa' kóltawasha Jerusalén!”

Miqueas 7:8

Énxet'ák sélenmexma nak, nágkalpayhekxa kélwáxok kólwetak ekmaso sekha, ekyaqnenmeyk eykhe ko'o, wampekxak sa' eyke makham néten; ekhegkek eykhe ko'o ekyáqtésakxa exma, Wesse' egegkok akke sélsássesso chá'a exma.

Sofonías 3:15

Apkelwátessekmek Wesse' egegkok yaqwánxa axta etnéssesek kéxegke, apkelántekkessek nahan ma'a kélenmexma nak. Apheyk kélnepyeseksa kéxegke m'a Wesse', Wesse' apwányam nak ma'a Israel: megkólakyek sa' kaxwók xama enxoho m'a aqsok ekmaso.

Zacarías 10:5

Sa' etnahagkok ma'a aptamheykegkaxal'a sẽlpextétamo apkelxegál'a ámay neyseksa yelpa' yempakha'; elnapakpok sa', hakte apheyk nepyeseksa m'a Wesse' egegkok, elmegqaksek sa' ma'a apkelchánte nak yátnáxeg.

Malaquías 1:5

Kélaqta'ák kélagko' sa' kéxegke kólweta', tén sa' kóltéhek kólpaqmétek se'e: “¡Apwányam apagko' Wesse' egegkok, apyeykhayók ma'a teyp nak néxa xapop apagkok énxet'ák Israel!”

Malaquías 4:3

Cháxa ekhem sekpagkanma nak ko'o, máxa yagkamex sa' kólteméssesek kéxegke kólteyammaha m'a élmasagcha'a nak apkeltémakxa'.

Josué 7:9

Ellegak sa' amya'a ektáhakxa m'a cananeos, tén han ma'a apyókxoho apheykha nak ma'a yókxexma, keñe sa' epaxqeykxak ma'a nélenmexma nak, hegketámegmak sa'; hensawhohok sa' han hẽlnápok. ¿Háxko sa' etnehek xeyep megyohók kólwanyohok ma'a apwesey nak?