Miqueas 6:9 - Biblia Enxet

⁹ Apkelwóneyha Wesse' egegkok ma'a apheykha nak tegma apwányam, tásek han ageyxhok yetlo negáyo: “Kóleyxho, énxet'ák, tén han kélpaqhetcháseykha nak chá'a kélnámakkok ma'a tegma apwányam:

Miqueas 6:9 ပူးပေါင်းရင်းမြစ်များ

2 Samuel 21:1

Teyepmeyk axta meyk segaqhe neyseksa apteme wesse' apwányam David ekweykmoho apqántánxo apyeyam. Tén axta David appaqhetchessama Wesse' egegkok, axta aptemék apchátegmoweykegko Wesse' egegkok: “Saúl aptémakxa ekmaso keñamak ektepa meyk segaqhe, tén han apkeltémakxa m'a apnámakkok, hakte apkelnapmeyk ma'a gabaonitas.”

Job 10:2

¡Oh Dios, ná hexén aqsa ko'o sekteme seksexnánémaxche'! ¡Héltennés sa' yaqsa aqsok sesexnenagko ko'o!

Job 23:14

Cham'a apmakókxa enxoho chá'a hetnéssesek, hetnéssesek nahan, yetlo m'a ekyókxoho aqsok apmáheyo nak chá'a etnéssesek xa ektáha nak.

Job 5:17

Apkeleñémo énxet apnókáseykha nak aptáhakxa m'a Dios; ná etaqhéssesho aqsa aplegassáseykegkoho m'a Ekha nak Apyennaqte.

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Salmos 48:10

Oh Dios, kólteméssesek chá'a exchep apcheymákpoho ekyókxoho keso náxop, ekhawo ektémakxa nak ekxénamaxche' apwesey, hakte yetlo apmopwána chá'a exchep etaqmelchessásekxak apheykha m'a énxet'ák.

Salmos 83:18

¡Elya'asagkohok sa' xép apteme wánxa Wesse' egegkok, tén han apteme wánxa Dios Meyke Ekhémo ekyókxoho keso náxop!

Salmos 9:16

Apkeltennásamákpek aptémakxa m'a Wesse' egegkok: ¡apkelánekxésso chá'a apheykha énxet'ák ekpéwomo aptémakxa! Kalmekxohok chá'a agkok kelhanma apnegkenéyak ma'a élmasagcha'a nak apkeltémakxa.

Proverbios 22:3

Étak chá'a aqsok ekmaso m'a énxet ekha nak chá'a élchetámeykha apwáxok, keñe étnakhaksek chá'a; keñe m'a meyke nak chá'a élchetámeykha apwáxok, exog aqsa, keñe eñegkohok chá'a ektemégweykmoho exma ekmaso.

Isaías 26:11

Wesse', appenchessek xép aptáhakxa yaqwayam ellegássesagkoho', makke elya'ásegkok ma'a; apkelwet'ak sa' agkok ektémakxa ekyawe apkelásekhayo exchep ma'a énxet'ák apagkok, elmegqeyk sa'. ¡Kamassessamho annal'a aplo xa énxet'ák nak!

Isaías 27:10

Apmopso aptáhak ma'a tegma apwányam apyennaqte nak, máxa m'a tegma aptaqmópéyak la'a, máxa m'a ekyamayél'a exma yókxexma meykel'a énxet. Weyke ekteykegkaxa pa'at ma'a, ekteykegkaxa m'a yámet áwa' tén han ekheykegkaxa chá'a kallókasek élyampé.

Isaías 30:27

Kólenmexho hana makhawo nak, apyókxoho apagko' apxegakmok Wesse' egegkok; aplókók apagko', máxa éten ekyentaxno ekpánmal'a entáhak aplo, negyekpelchawók aplawa m'a apátog nak, máxa táxa, ekmassesseykmohol'a aqsok entáhak ma'a apaxkok nak,

Isaías 66:6

Wesse' egegkok apkextegyawasso xa ektepa nak éxtegyawà m'a tegma apwányam tén han ekyennamáxma ektepa nak ma'a tegma appagkanamap, yaqwayam eyaqmagkásekxak apkeltémakxa m'a apkelenmexma nak.

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Jeremías 26:18

“Apkeltennassegkek axta apyókxoho énxet'ák Judá, aptémakxa appeywa Wesse' egegkok ma'a Miqueas, apkeñama axta Moreset, cham'a aptémakxa axta wesse' apwányam Judá m'a Ezequías. Axta aptemék apkelanagkama s'e: “Aptáhak Wesse' ekha nak apyennaqte s'e: Namyep kélpeyncheyam xóp sa' katnekxak ma'a Sión, meteymog ektaháneykekxa mók sa' katnekxak ma'a Jerusalén, keñe sa' néten egkexe apyetnamakxa nak tegma appagkanamap, náp'at sa' katnekxa'.”

Jeremías 26:6

sa' atnéssesek ko'o sekteméssessamakxa axta Siló s'e tegma appagkanamap nak. Apkelxéneykha ekmaso sa' ko'o atnéssesek apyókxoho énxet'ák apheykha nak keso náxop, cháxa tegma apwányam nak.’”

Jeremías 47:7

¿Háxko eyke katnehek kalwataksek? Wesse' egegkok apkeltémo katnehek, apkeltémo kaktamagkok ma'a Ascalón, tén han ma'a apyókxoho énxet'ák apheykha nak neyáwa' wátsam ekwányam.

Ezequiel 7:9

Megkapyósek sa' ko'o alano' xép; añássesagkohok sa' eñama aptémakxa, axnéssekxohok sa' mók ma'a ekwánxa nak apkelane aptémakxa ekmaso agko'. Keñe sa' kólya'ásegwók kéxegke, ektáha ko'o seklegassáseykegkoho, ko'o sektáha nak Wesse'.

Oseas 13:16

Kóllegássesagkohok sa' nahan ma'a énxet'ák Samaria eñama apkenmexeykekxa Dios apagkok. Etekyók sa', sawo sa' chá'a kólyetxa', xapop sa' chá'a kólyenhaksek ma'a apketchek, tén sa' ma'a kelán'ák lós'awo nak, kólpáxqatchesagkok chá'a awokma'ák.

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Amós 2:5

Cháxa keñamak peya nak ko'o awatnek ma'a Judá, kamasséssók sa' tegma apkelyawe nak Jerusalén xa táxa nak.”

Amós 6:1

¡Énxet'ák laye, apheykha nak meyke élyetnakhayo apkelwáxok ma'a Sión! ¡Énxet'ák laye, apheykha nak chá'a meyke apkelakakxa m'a Samaria, apkelámha apmonye'e nak chá'a apkelókxa ekyawe kéláyo, apkelye'eykekxoho nak chá'a m'a israelitas!

Miqueas 3:12

Kéxegke keñamak peya kólpeynchámekxohok xóp ma'a egkexe Sión, kéxegke keñamak peya etnekxak nápakha'a apketkók ma'a Jerusalén, tegma apwányam nak egkexe Sión, kápekxak sa' ekmompánaqma m'a egkexe nak tegma appagkanamap.

Miqueas 6:10

Heykegkek aqsok ekxámokma élmenyexamaxche m'a apxanák nak énxet'ák élmasagcha'a apkeltémakxa, tén han ma'a kelyetsáteyak segmenyexmo, sektaqnagkamo nak chá'a ko'o.

Miqueas 6:8

Énxet, apkeltennássek xép Wesse' egegkok ma'a aqsok ektaqmela nak, tén han yaqsa apkelhaxna elának xép: apkelhaxneyk elának ma'a aptémakxa ekpéwomo, tén han apmopyósa elanok pók, tén han elyahakxohok yetlo megkeymáxkoho apwáxok ma'a Dios.

Sofonías 3:2

Megyaháxenmók ma'a Wesse' egegkok appeywa mopmenyeyk nahan kólpékessesagkok; megyáyok nahan ma'a; mey'eykekxak han ma'a Dios.