Miqueas 6:7 - Biblia Enxet

⁷ ¿Kapayhekxaya sa' apwáxok Wesse' egegkok, sélmésa enxoho ko'o mil nepkések apkelennay'a, essenhan diez mil litro pexmok égmenek? ¿Essenhan sekmésa enxoho hatte átnaha apketkok, ekyánmaga sénmexeykekxa Dios, tén han may'assáxma?

Miqueas 6:7 ပူးပေါင်းရင်းမြစ်များ

2 Reyes 16:3

apyetlamchek axta aqsa m'a aptamheykegkaxa axta apkelwesse'e apkelwányam axta m'a Israel, apweykmók axta apwatno apketche apchaqhama, apkeltémakxa ekmaso axta m'a énxet'ák, apkelántekkessama axta Wesse' egegkok apmonye'e m'a israelitas.

2 Reyes 21:6

Apkelnapmeyk axta han apketchek apkelwatnama, apkelwóneykha kélhagák axta aptemék, tén han apya'áseykegkoho aqsok ekpowásamaxche', aptekkessegkek axta negásenneykekxa kélhagák, keñe han nenteme nak yohóxma. Asagkók agko' axta aqsok apkelane nápaqtók Wesse' egegkok, axta keñamak aplókassama Wesse' egegkok.

2 Reyes 23:10

Aptawáseyha axta han Josías ma'a kélwatnamakxa axta chá'a kélketche ekyetnama axta m'a ekyapwátegweykenxa nak xapop ma'a Ben-hinom, yaqwayam enxoho mewatnések chá'a apketche apkenna xama énxet essenhan kelwána yaqhássesek ma'a Moloc.

2 Reyes 3:27

Keñe axta apyentama m'a apketche átnaha apketkok apmáheyo etnehek apyaqmagkasso apteme wesse', apchaqhak axta apwatna m'a néten nak tegma kélhaxtegkesso nápakhaw'ék. Cháxa éllókasawo apagko' axta m'a israelitas, tén axta apkelhaxyawásegko apkelpakxenéyak apkeltaqhákxo apkelmeyákxo apkelókxa.

Job 29:6

ekyetnama axta chá'a ekyawe weyke nagkeygmenek, ektekkessama axta chá'a pexmok égmenek ma'a meteymog;

Salmos 50:9

Malmaxnagkok ko'o kéxegke weyke kelennay'awók kélnaqtósso, tén han ma'a yát'ay apkelennay'a apkelyáqto nak aphaxta kélagkok,

Salmos 51:16

Hakte mopmenyeyk xép ma'a aqsok ektekyawa tén han ma'a aqsok ekwatnamáxche nak; agkések eykhe ko'o exchep xa, háwe eyke m'a ekpeykessáseykekxohol'a apwáxok.

Salmos 51:18

Etaqmelches sa' xép ma'a Sión, eñama ektaqmeleykha nak apwáxok; exátekhásekxa sa' makham ma'a kélhaxtegkesso nak Jerusalén.

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Proverbios 21:3

Nenlane nak nentémakxa ekpéwomo tén han nenláneseykekxa ektaqmela apheykha m'a énxet'ák, cháxa ekleklamókxa nak apwáxok Dios antéhek xa, kaxnók ma'a kélnaqtósso ektekyawa nak negmésso.

Isaías 1:1

Aqsok apwete axta m'a Isaías, eñama kélxekmósso, ektémakxa axta m'a tegma apwányam Judá tén han ma'a Jerusalén, cham'a Amós apketche nak, neyseksa aptamhéyak axta kelwesse'e apkelwányam Judá m'a Ozías, Jotam, Ahaz, tén han ma'a Ezequías.

Isaías 40:16

Ántawók aqsok kélnaqtósso m'a ekyókxoho nak kañe' Líbano yaqwayam enxoho kólwatnések, ántawók nahan yántapák yaqwayam enxoho kólwatnések táxa.

Jeremías 19:5

Apkeláneykegkek han apkelwatnamakxa aqsok, yaqwayam elwatnések chá'a apketchek ma'a Baal, maltémo axta chá'a ko'o etnahagkok, tén han maltennassama axta chá'a, megkaxeyenma agko' axta chá'a ko'o ewáxok etnahagkok.

Jeremías 6:20

¿Yaqsa ektáha sélsántegkesa nak ko'o kéxegke aqsok ánek ekmátsa nak ekpaqneyam éten agkok éleñama nak Sabá, tén han yámet ekmátsa nak ekpaqneyam éleñama nak ma'a apkelókxa makhawók agko'? Megkalchek ko'o ewáxok ma'a aqsok kélwatno nak, tén han ma'a mók aqsok kélnaqtósso kélnapma nak.”

Jeremías 7:31

Apkelánegweykmek ekwatnamáxchexa aqsok Tófet ma'a ekyapwátegweykenxa nak xapop Ben-hinom, yaqwayam elwatnek ma'a apketchek apkelennay'a tén han kelwán'ák; aqsok maltémo axta chá'a ko'o elanagkok, tén han megkaxeyenma axta ko'o ewáxok katnehek.

Ezequiel 23:37

Eyenseykmek ko'o sétleykha m'a, yetnegkek nahan chá'a élyógkexma. Eyenseykmek sétleykha élpeykessamo m'a aqsok kéleykmássesso apagkok nak, kelnáhakkassegkek nahan chá'a étchek élwatnéssama xa aqsok nak, cham'a étchek sélwetasso axta ko'o.

Oseas 5:6

Elxog sa' yetlo apnaqtósso nepkések tén han weyke ektamok ma'a Wesse' egegkok, méteyekxeyk sa' eyke, hakte apkexakhamchek ma'a.

Oseas 6:6

Wánxa eyke aqsa seyámenyého ko'o kéxegke hélásekhoho', maltamhók hélnáhakkasek ma'a aqsok kélnaqtósso; éltamhók kólya'asagkohok sektáha ko'o Dios, maltamhók hélwatnések ma'a aqsok kélnaqtósso.

Levítico 18:21

“Ná egkés xama enxoho apketche yaqwayam etnehek apmésso naqsa m'a dios Moloc. Ná etnésses etwasha sekwesey xa ektáha nak, ko'o sektáha nak Dios apagkok. Ko'o sekteme Wesse' kélagkok.

Levítico 20:1

Aptáhak axta Wesse' egegkok apcháneya Moisés se'e:

Amós 5:22

Mómenyeyk ko'o m'a aqsok kélwatno sélwatnésso nak chá'a ko'o, tén han ma'a sélmésso naqsa nak chá'a aqsok aktek ekyexna kélcheneykekxa; malmehek sa' ko'o takha' m'a weyke étkók eknaqmele kélnapma ekwetassamól'a chá'a kélásekhamaxchekxoho.

Jueces 11:31

awatnések sa' ko'o exchep xama ektáha enxoho apmonye' apteyapma m'a exagkok sema takha', sekwákxo sa' makham sényékto enxoho m'a émpakháxchexa'.”

Jueces 11:39

Kexyeykmek axta makham aphakxa yáp ekweykmo xa apqánet pelten nak, apkelanak axta han ma'a apkeltennassama axta elanaksek ma'a Wesse' egegkok. Ketsepmeyk axta Jefté apketche neyseksa megkapathetéyak xama énxet enxoho.

1 Samuel 15:22

Keñe axta Samuel aptáha s'e: “Wánxa eyke aqsa kapeykesekxak apwáxok Wesse' egegkok kélyahákxoho enxoho, kaxnók kólmések ma'a aqsok ektekyawa nak, keñe han ma'a kélwatno nak; tásek kólyahakxoho, tén han kóleyxhok chá'a appeywa, kaxnók kólmések ma'a aqsok ektekyawa, tén han ma'a nepkések apkelennay'a nak pexmok apagkok.