Miqueas 6:5 - Biblia Enxet

⁵ Énxet'ák ahagkok, kaxénwakxoho kélwáxok ma'a aqsok ekxeyenma axta apwáxok elának Balac, wesse' apwányam axta m'a Moab, tén han apchátegmoweykegkokxa axta m'a Balaam, Beor axta apketche. Kaxénwakxoho kélwáxok ma'a kélyeykhaya axta Sitim, kélmaheykegko m'a Guilgal, kaxénwakxoho kélwáxok appasmoma axta apkelmallahanchessama m'a Wesse' egegkok.”

Miqueas 6:5 ပူးပေါင်းရင်းမြစ်များ

Salmos 111:4

Apkeláneyak aqsok sempelakkasso nak agweta' megkalwagqánamaxche'. Wesse' egegkok apteme ektaqmeleykha apwáxok henlano', tén han apmopyósa henlano';

Salmos 143:11

Wesse', ¡yána aweynchamha chá'a! ekhawo apxeyenmakxa axta hetnéssesek, ¡hemallahanches ko'o ekmaso sekha! hakte appéwomo exchep.

Salmos 36:10

Egkés chá'a apchásekhayo, tén han aptémakxa ekpéwomo m'a ektáha nak chá'a apyekpelchémo exchep, cham'a énxet'ák meyke nak apkeltémakxa.

Salmos 71:19

Oh Dios, weykmok xép aptémakxa ekpéwomo m'a néten, élyawa agko' xép aqsok apkelane; ¡méko aghéshok xép!

Isaías 1:27

Alwagkasek sa' ko'o teyp énxet'ák apheykha nak Sión sey'eykekta nak ko'o yetlo ekpéwomo sélánéseykekxa apheykha;

Números 22:41

Keñe axta mók ekhem, apyentegkek axta Balac ma'a Balaam, apkenátchessekmo m'a egkexe Bamot-baal, negwetayókxa axta ólmexhok ma'a neyáwa apkelpakxeneykegkaxa axta m'a israelitas.

Números 23:27

Tén axta Balac aptáha apcháneya s'e: —Émpoho, eyntamok sa' ko'o exchep mók nekha. Kalkohok sa' kexa apwáxok Dios yának kaltemégwomhok exma ekmaso énxet'ák Israel ma'a.

Números 25:1

Xama axta apkelheykmo israelitas ma'a yókxexma Sitim, apkelmáha axta apkelpathetágko m'a kelán'ák moabitas,

Números 25:2

keltamhók axta nahan epasmok élnapma aqsok kélnaqtósso élmésso m'a aqsok éláyókxa nak. Aptókagkek axta han israelitas ma'a ektéyak nak, apkelpeykásawók axta han ma'a aqsok apcháyókxa nak moabitas.

Números 31:16

Cháxa élenmexcháseykekxo axta Wesse' egegkok israelitas xa, élyetlama m'a aptémakxa axta apkelanagkama m'a Balaam, apkelpeykessamo axta m'a Baal-peor. Cháxa keñamak apcha'a nak Wesse' egegkok negmasse ekmaso m'a énxet'ák apagkok.

Números 31:8

Apkelnapchek axta m'a Eví, Réquem, Sur, Hur, tén han ma'a Reba, cinco kelwesse'e apagkok axta m'a Madianitas, apchaqhak axta nahan ma'a Balaam, Beor axta apketche.

Números 33:49

Bet-jesimot axta nahan cheynamók ma'a apkelpakxenéyak axta m'a nekha Jordán, ekweykekxoho m'a Abel-sitim, ekpayhegweykenxa nak xapop ma'a Moab.

Deuteronomio 16:3

“Kóltawagkok sa' yetlo kelpasmaga meyke kempáseyak ma'a kéltósso ekmatñá nak ápetek. Kóltawagkok sa' kelpasmaga meyke kempáseyak ekweykmoho siete ekhem, cham'a kelpasmaga nenlegeykegkoho nak, hakte ekpekhe kélánteyapma axta kéltemék ma'a Egipto, keñe sa' kaxénwakxohok chá'a kélwáxok ekhem kélánteyapma axta m'a Egipto, neyseksa kélheykha makham kéxegke.

Deuteronomio 23:6

Nágkólpásem aqsa chá'a kóltegyesha ektaqmalma apheykha yókxoho ekhem neyseksa kélheykha xa énxet'ák nak.

Deuteronomio 8:18

Kéméxcheyk kaxének chá'a kélwáxok ma'a Dios Wesse' kélagkok, hakte cha'a apteme apkelmésso kélwasqapma kéxegke yaqwayam kaxek xa aqsok nak, apkeláneya m'a apxeyenma axta chá'a elanaksek kéxegke, cham'a ekhémo mók nélpaqhetchásamáxkoho apkelánéssama axta nahan ma'a kélyapmeyk nanók axta kéxegke.

Deuteronomio 8:2

Kaxénwakxoho sa' kélwáxok ekyókxoho ámay apkelweynchegkáseykencha'a axta Wesse' kélagkok ekweykmoho cuarenta apyeyam ma'a yókxexma meykexa nak énxet, yaqwayam enxoho eweykessásenták ma'a ektémakxa nak kélásennamaxkoho kélagko' tén han elyepkeynek chá'a, yaqwayam enxoho ékpelkohok ektémakxa élchetamso kélwáxok tén han yaqwayam ey'asagkohok kóllának sa' kexa m'a apkeltémókxa nak chá'a antéhek essenhan megkóllanye'.

Deuteronomio 9:7

“Kéméxcheyk megkalwagqamagkehek agko' chá'a kéxegke kéllókáseykegko axta chá'a Dios Wesse' kélagkok ma'a yókxexma meykexa nak énxet. Megkamassegweykmok kélenmexeykekxa chá'a m'a Dios, eyeynamo m'a sekxók axta kélánteyapma m'a Egipto, ekwokmoho kélwa'a s'e yókxexma nak.

Josué 2:1

Yókxexma Sitim axta apkeleñamak apqánet énxet, Josué axta apyexamakpoho apkeláphasso. Aptáhak axta apkeláneya s'e: “Kólxeg kólteyánegwomho sa' ma'a yókxexma keñe han ma'a tegma apwányam nak Jericó.” Apkelxegkek axta m'a, keñe apkelwokmo m'a tegma axagkok kelán'a ekyaqmagkáseyak pók énxet ektegye selyaqye, cham'a tegma apwányam nak Jericó, ekwesey axta Rahab. Axta apnaqteyenwokmok axta'a m'a.

Josué 3:1

Axto'ók agko' axta aptepa yókxexma Sitim ma'a Josué yetlo apyókxoho énxet'ák Israel, apkelwokmek axta m'a wátsam Jordán; apkelpakxenwokmek axta eyke han sekxók amonye' apkeltámeyeykekxa m'a.

Josué 4:19

Wokmek axta diez ekhem, cham'a émha amonye' nak pelten apmenek, apkelmallanakxa axta énxet'ák Israel ma'a Jordán, keñe apkelpakxenwokmo m'a yókxexma Guilgal, ekpayhókxa nak ekteyapmakxa ekhem teyp Jericó.

Jueces 11:25

¿Apkenagkamcheya exchep eyeykhágweykmohok ma'a Balac, Sipor apketche nak, wesse' apwányam nak Moab? Mehegya'aweyk negko'o hẽlnapakpok ma'a.

Jueces 5:11

¡kólxén segmallahanchesso kempakhakma Wesse' egegkok ma'a ekyeneykegkaxa nak yegmen aqsok kélnaqtósso, yetlo kélpáwasso m'a aqsok élyaqye étkók ekhól'a sokpayhe, tén han apkelmallahanchesso m'a tegma apketkók apagkok nak Israel!

1 Samuel 12:7

Kóllánekxa sa' kaxwo' kéltáhakxa', altennásekxohok sa' ko'o kéxegke nápaqtók Wesse' egegkok ekyókxoho ektaqmela apteméssessamakxa nak chá'a kéxegke, tén han ma'a kélyapmeyk nanók axta.